دوائي الضرير

وجته حديتك ده.. بس عشان خاطرك هاحاول اتكلم معاها و اللي فيه الخير يجدمه ربنا.
هنية ماشي يا ولدي اللي يريحك.
عاصم الله يريح جلبك ياما و يخليكي لينا.
هنية طيب جولت لأبوك
عاصم هاكلمه دلوجتي اها.. عايزاش حاچة طيب
هنية عايزاك سالم غانم يا ولدي.
أغلق الهاتف مع والدته و قام بمهاتفة والده و أخبره الخبر الذي أسعده كثيرا و أنهى المكالمة معه بوابل من الدعوات بصلاح الحال له و لزوجته..
مرت بعد ذلك شهور الحمل بسلام.. لم يزعجهما فيها سوى طلبات سارة المفاجئة و التي تكون جميعها في الليل.. حتى أنها في إحدى الليالي كادت ان تقود عاصم للجنون..
فقد تخطت الساعة الثالثة فجرا بقليل و لم تستطع هي النوم و كان عاصم يشعر بها من حين لأخر.. فقد كان متعب للغاية في عمله في اليوم السابق حيث أنه قد أتم أهم صفقة في تاريخ شركته حتى الآن و التي تعب جدا في إتمامها و التجهيز لها..
كانت تتقلب على الفراش و لم يزورها النوم قط على العكس من عاصم الذي كان ينام نوما متقطعا بسببها و لانها كانت تعلم كم هو متعب لم ترد ان تزعجه فلم توقظه و لكنها لم تعلم انه استيقظ منذ وقت يسير..
جلست بملل على الفراش في تعب و إرهاق ناتج من عدم نومها.. و لم يجد هو بدا من الجلوس هو أيضا مرغما...
عاصم و هو ينفض غطاءه بملل اهو.. و ادي قاعدة.
سارة إيه دة انت صاحي ولا انا اللي صحيتك
عاصم بتعب و نوم الحقيقة مش صاحي خالص.. بالعكس هاموت و انام بس سعادتك مش مبطلة حركة و كأن السرير دة بتاعك لوحدك مالكيش فيه شريك.
سارة بخجل انا اسفة.. حقك عليا.. هاقوم انا اروح حتة تانية عشان تعرف تنام.
كادت ان تتحرك و لكنه أمسك بها و نظر لها بعطف فلاحظ عيونها التي لمعت بدموع هرمونات الحمل او كما يسميانها جنون الحمل فقال برقة...
عاصم إيه الهبل دة.. يعني انا بقول كدة عشان تسيبيني و تروحي حتة تانية..
سارة انا عارفة ان انت تعبان بقالك كام يوم عشان الصفقة اللي انت خلصتها النهاردة دي و ماكنتش بتنام كويس.. بس صدقني ڠصب عني.. بجد مش جايلي نوم خالص.
عاصم مالكيش دعوة بيا.. انا كويس و مش عايز انام غير لما اشوف مالك.. ممكن اعرف بقى مش جايلك نوم ليه
سارة اصلي بصراحة كدة.. يعني اصل انا...
عاصم ابتسم لتأكده بمدى تفاهة السبب انتي إيه.. قولي.
سارة بصراحة بقى كدة جعانة اوي و مش عارفة انام.
عاصم ضحك بتعب ههههه... اااه منكم انتو.. شكلكو هاتتعبوني من اولها.
سارة قصدك إيه يعني.. مش عاجبك ولا ايه
عاصم لا يا ستي عاجبني اوي كمان.. بس هو يعني مش أحنا لسة متعشيين انا و انتي تحت قبل ما نطلع ننام.. لحقتي جعتي امتى بس
سارة قصدك إيه.. قصدك ان انا مفجوعة
عاصم لا بقولك إيه مش طالبة هرموناتك دي خالص.. قولي عايزة تاكلي إيه انزل اجيبهولك من المطبخ تاكلي و بسرعة عشان ننام... ها عايزة ايه
سارة فركت يديها بخجل ماهو.. ماهو اصل اللي انا عايزاه مش موجود في المطبخ.
عاصم يعني إيه.. إيه اللي انتي ممكن تكوني عايزة تاكليه و مايكونش موجود في المطبخ الخير كتير الحمد لله و كل حاجة موجودة تقريبا.. اوعي تكوني عايزة سوشي زي المرة اللي فاتت و خلتيني الف عليه سوهاج بحالها و مالقيتهوش و في الاخر بعت جبته من مصر و اترمى في الژبالة بكيسه و نظر لها بغيظ فاكرة ولا افكرك ها
سارة پغضب طفولي الله.. مش بتوحم..

هو ذنبي يعني.. و بعدين ما انت اللي اتأخرت و عبال ما كنت جبته كان راح من مناخيري خلاص.. و بعدين المرة دي الموضوع اسهل من السوشي.
عاصم استرها معانا يا رب.. ها أوامر معاليكي.. عايزة تاكلي إيه.
سارة عقدت ذراعيها حول صدرها پغضب خلاص مش عايزة.. نفسي اتسدت.
عاصم و هو يعتدل لينام مرة اخرى احسن برضة.. تصبحي على خير.
وجدته بالفعل قد إعتدل لينام و قد دثر نفسه جيدا بغطاء الفراش من قدميه حتى شعره و لكنها لن تقبل الهزيمة.. فقد كانت تشعر بالجوع الشديد فأخذت وسادتها و إنهالت عليه بضربات يدها حتى إعتدل في ذعر....
عاصم إيه ده.. بتعملي إيه يا مچنونة انتي.
سارة مش انا مچنونة و مفجوعة بقى هاتعمل إيه.. حظك و نصيبك..
عاصم و هو يحاول ان يتفادى ضرباتها يا بنتي انتي اهدي شوية فرهدتيني بقى.
سارة بعد ان أخذ منها الوسادة لا مش هاهدى..
عاصم يا دي النيلة.. بس بقى.. و اقترب من وجهها حقك عليا يا ستي.
سارة بقولك إيه.. مش هاتثبتني على فكرة.
عاصم بغيظ اااااااه بس لو ماكنتيش تعبانة.
سارة إيه كنت هاتعمل إيه يعني
عاصم غمزها بجرأة كنت خدت حقي بطريقتي دلوقت.
سارة برضه مش مسمحاك.
عاصم طيب يا ستي... اطلبي اللي انتي عايزاه و انا اجيبهولك حالا.. بس تسامحيني الاول.
سارة ماشي بس بشرط.
عاصم كمان ماشي يا ستي.. قولي.
سارة نخرج مع بعض و نجيبه سوا.
عاصم بس الجو بارد عليكي.. اخاڤ تتعبي.
سارة ماتخافش هالبس تقيل و مش هانزل من العربية.. ممكن و إقتربت منه و لمست عنقه بإغراء عشان خاطري.
عاصم هو الدكتور قال مرتين بس في الاسبوع عشان ال اسباب اللي قال عليهم ولا 3 مرات.
سارة ضحكت بسعادة لا هو أصلا قايل مرة واحدة بس أنت اللي غشاش و طماع.
عاصم اعمل إيه طيب.. حد يبقى معاه القمر و مايطمعش فيه.
سارة طيب ممكن تقوم تلبس بقى و نخرج مع بعض.
عاصم من عيوني يا عيوني.
و قاما معا إرتديا ملابسهما و خرجا الى وجهتهما و التي لم تكن سوى مطعم للوجبات السريعة و الذي يقدم وجباته في السيارة.. و طلبت سارة طعاما كثيرا بشكل مبالغ فيه و لكن عاصم لم يعترض و بالفعل أحضر النادل الطعام و طلب منه عاصم ان يضعه على الكرسي الخلفي للسيارة..
سارة ممكن افهم خليته يحط الاكل ورا ليه
عاصم يعني مانتيش شايفة انتي طالبة اكل قد ايه.. الترابيزة الغلبانة اللي جنبك على باب العربية دي مش هاتستحمل.
سارة و انا هاطوله ازاي كدة يعني.
عاصم يا ستي لما تعوزي حاجة هاجيبهالك انا.. ياللا ناكل بقى احسن شكلي جعت انا كمان.
سارة بتهكم ليه مش لسة متعشي قبل ما تنام.. ولا مفجوع زي مراتك.
عاصم اولا مالكيش دعوة بمراتي.. مراتي تعمل اللي هي عايزاه و تاكل براحتها خالص.
نظرت له بزهو و شبح إبتسامة سعيدة.. فأكمل هو....
عاصم و ثانيا جعت.. ما انتي مصحياني في نص الليل و بقالنا ساعتين بنلف بالعربية عشان نلاقي المطعم اللي ماكلتيش فيه غير مرة واحدة اول ما رجعتي من امريكا و طبعا ساعتها ماكنتيش شايفة المكان و مش عارفة هو فين لحد ما صحينا اخوكي الغلبان دة عشان يقول لنا المكان..
اخوكي حبيبي اللي حذرني قبل ما اتجوزك و انا اللي دماغي صرمة قديمة ماسمعتش كلامه.
سارة حذرك من إيه بقى إن شاء الله.
عاصم من جنان طلباتك بتاعة نص الليل دي.
سارة طيب و اما هو محذرك.. اتجوزتني ليه.
عاصم أشار ناحية قلبه عشان اللي مابدأش يدق غير لما شافك دة.. اعمل فيه إيه.. اسكته ازاي اخليه ينساكي و يقسى عليكي و يطنش طلباتك المچنونة دي ازاي.. ماهو متخلف زي صاحبه.
مالت إليه و إحتضت ذراعه بحب..
سارة لو سمحت مالكش دعوة بيه ولا بصاحبه و ماتشتمهوش تاني..
عاصم ليه بقى إن شاء الله.
سارة عشان دة حبيبي هو و صاحبه.. و خلاص ياللا نروح مش عايزة اكل خلاص.
أبعدها عنه قليلا و قال بمرح..
عاصم تروحي دة إيه... و الاكل اللي دفعت فيه نص ثروتي دة اوديه فين.. دة الناس جوة ياعيني مش لاقيين حاجة يبيعوها.. شطبو خلاص... و بعدين بصراحة ريحته حلوة و جوعتني زيادة.. ياللا ناكله بقى قبل ما يبرد.
سارة ماشي..
و شرعا في تناول الطعام في جو مملوء بهجة و سعادة.. كانا يتغزلان في بعضهما تارة و يزعجان بعضهما تارة أخرى.. خاصة عندما كانت سارة تشارك عاصم كل طعامه و لكنها لم تسمح له بلمس طعامها..
و بعد أن وصلا إلى المنزل حدث ما توقعه عاصم.. فقد تقيأت سارة كل ما أكلته تماما كما تفعل كل مرة...
ساعدها في تغيير ملابسها و دثرها جيدا و ظل بجوارها و قرر ان يقاتحها في أمر عودتهما لبلدة عاصم مرة أخرى..
عاصم سارة.
همهمت دون رد.. فسألها..
عاصم نمتي
سارة لسة.
عاصم طيب انا كنت عايز اكلمك في موضوع كدة.
سارة فتحت عينها و إعتدلت قليلا موضوع إيه ده
عاصم موضوع كدة عايز اخد

رأيك فيه.. و اوعدك لو رفضتي مش هاناقشك و هانفذلك كلامك فورا.
سارة إعتدلت بقلق و نظرت له ياااه.. دة شكله موضوع كبير اوي.
عاصم و مهم اوي كمان.
سارة طيب قول.. فيه إيه.. قلقتني.
عاصم من غير قلق.. بصراحة كدة ماما كلمتني و كانت عايزانا نسافر البلد.
تجهم وجه سارة پخوف ...
سارة نزورهم يعني.. طيب ليه.. ما هما يجو اسهل.. كمان عشان الحمل ممكن اتعب في الطريق و كدة..
عاصم تنهد بقلق لا.. مش زيارة.. أمي بتقول طالما ربنا عوضنا و بقيتي حامل.. يبقى كفاية كدة و نرجع نعيش معاهم تاني.
سارة بس انا ماسيبتش البيت عشان ابقى حامل بس يا عاصم.. انا سيبت البيت لأني مابقتش مستحملة البلد كلها.. 
ايوة بحبها لأن دة كان المكان اللي عرفني بيك.. بس كمان انا اول فرحة في عمري اتاخدت مني فيه..
صعبان عليا قعدتهم لوحدهم بس مش قادرة.. صدقني مش قادرة.
عاصم حبيبي بس ابويا و امي كبروا و محتاجين لي جنبهم.. خصوصا ابويا.. شغل العمودية و آلأرض كتير عليه الاتنين.
سارة و بدأت الدموع في التجمع في عينيها عارفة.. والله عارفة بس مش قادرة.. كل ما بفكر اني اقولك نسافر نشوفهم حتى في زيارة بس بتراجع في أخر لحظة و انا خاېفة..
خاېفة اسافر.. خاېفة ادخل البيت دة تاني.. مش هاقدر يا عاصم صدقني.
عاصم محتضنا أياها طيب خلاص... خلاص ماتعيطيش.. خلاص.. مش مهم.
سارة و ماما هنية و بابا عبده.. 
عاصم تنهد بحيرة مش عارف.. بس ممكن ابقى اسافر لهم انا كل اسبوع يومين حتى.. المهم راحتك انتي.
سارة و انا اوعدك اني هاحاول.
عاصم مبتسما ربنا يخليكي ليا.. ممكن بقى ننام عشان نرتاح شوية..
سارة حاضر.
إحتضنها بحب حتى غطت في نوم عميق و نام هو بعدها مباشرة..
بدأت سارة في شهرها التاسع و حدد لها الطبيب موعدا لولادتها التي قرر أن تكون قيصرية و ليست طبيعية مثل المرة السابقة... و تجمع الجميع بغرفة المشفى في اليوم المحدد منذ الصباح الباكر..
هنية و الله يا