عليهما لازم نغفر طالما الي قدمنا عرف غلطه واخواتك بيقولوا انهم مكسوفين واعترفوا بغلطهم من الي حصل وخصوصا لما عرفوا الي انتو عملتوه برغم انكم زعلانين.
كمال بصدق وهو يلثم يدها ليضع عليها قبلة تقدير انتي السبب الي خلاني اتعاطف معاهم لأنك ربتيني اني اكون إنسان ورسالتك انا استشعرتها في كلام رهف ليا وأتأكدت دلوقتي ان رهف كانت بتبلغني كلامك ..لتحرك رأسها بإيمائة وهى تهتف
_ صح ياكيمو ماما هى الي طلبت مني ابلغك لما عرفت الظروف الي هما بيمروا بيها وكمان هى الي طلبت مني أخد ابتهال وهيام ونروح نقف على غسل الست أم أمال لما وصلها أن امال فقدت الوعي ..هي دي ماما الي كنا هنضيعها بغبأنا من بين احضنا .
هيام وهى تقترب اليها بحب ماما فريدة دي ..قلبها حته من الجنه وعلشان خاطرها كلنا لازم نسامح والي غلط في حقنا اكيد ربنا هينوله العقاپ الي يستهله لو مرجعش عن الي بيعمله وانا علشان خاطرها وخاطركم هسامح في حقي وفاللي عملوه معايا بس علشان خاطر امي دى....ليقطع الحوار بينهم طرق على الباب ويتقدم سامر إلى التدلى لفتح الباب ليتفاجأ بمن يدلفن عليه بنبرة هادئة قائلين عرفنا ان الحاجة رجعت بالسلامة ..فقلنا نيجي نعمل الواجب .
ليشير اليهم بالدخول في صمت وهو يسبقهن بخطواته الهادئة دون أن يتحدث ليشير اليهم بالدخول تحت انظار الجميع الشاخصة من صدمة المفاجأة.. لتدلف واحده تلى الاخرى بخطوات ثقيلة تتجرجر في خزي تزينهم انتكاسة رأسهن لتلقي أحلام السلام وهى تنتظر منهم إشارة لتستكمل الحديث الذي دلفت من أجله واصرت على الأخرى ان تصطحبها اليهم في هذا الأمر كما كانت تصطحبها في الماضي لتستقبلها السيدة فريدة قائله وعليكم السلام ..اتفضلو يابنتي ..واقفين ليه كده ..وسع ليهم ياسامر .. ونظرت إلى الاخرى التي تنظر بشرود في حزن وهى تتوشح السواد حدادا لتهتف اليها بشفقة شدي حيلك يا أمال ..ربنا يصبرك يا بنتي.
لتجيبها في خزي يكسوه العبرات الشدة على الله يا حاجة ..انا جاية مع احلام لما قلتلي انك رجعتي بالسلامة ..كان لازم اجي علشان اشكركم على وقفكم جمبي برغم كل الي حصل وعلى وقفكم في غسل امي بدالى..كتر الف خيرك يارهف انتي وابتهال وانتي يا هيام وشي منك فالأرض ..انتي اثبتي انك احسن مننا بكتير برغم اننا اذيناكي للسبب ده .ترمقها هيام بعدم فهم برغم انها كانت تتلاشى النظر اليهم لكن كلماتها اثارت جدلا بداخلها أيأذونها لأنها انسانة حسنة لتتمتم يعني انتي عايزة تفهميني انك افتريتي عليا لأني كويسة واكملت بدهشة أمال لو كنت وحشه معاكم او بكرهكم كنتو عاملتو ايه .
لتخرس الكلمات في حلق أمال ندما لتدخل أحلام موضحة تقصد اننا كنا بنغير منك لأنك قريبه من الحاجة والكل بيحبك وهى بتميزك لأنها اختارتك لأبنها لكن أنا وامال هى مكنتش راضيه بينا من الأول
..ودا كان مخلينا نحقد على علاقتكم وعلشان ميبقاش حد احسن منا عرفناه على نشوى لأنها كانت معجبه بيه وهى الي فكرت ونفذت الموضوع ده واحنا بغبائنا نفذناه ..لكن والله العظيم ..ربنا رجعلك حقك انت والحاجة وۏجع قلبنا زي متوجعتم ويمكن اكتر واحنا مش طالبين غير السماح ..احنا مديونين ليكم وكان لازم نيجي نشكركم على كرمكم معانا واكملت مستطردة في خزي أبويا قالي على الي عملته ياكمال وانا بجد مش عارفه اعمل ايه علشان تسامحني ..انا كنت ببعدك عن أهلك اقولك أن عندنا اولاد ومحتجين نوفر كل قرش ليهم وكان ممكن تردلى الكلام ده وتقول انا مالى دا اخوها ومتفكرش فيه من اصله ..لكن انت راجل وانا الي انسانة جشعة مستهلكش ..صدقني انا هنا مش لأن ابويا حكم عليا اجي اتأسف لكن شئ جوايا قالي اني لازم اوفيك حقك وانا ببريك من كل مستحقاتي ومش عايزة حاجة غير انكم تسامحوني واكملت بدل عن تلك العالقة بها وهى تبكي مر فعلتها
_وامال كمان مش عايزة حاجة هى جت لما انا رحتلها طلبت منها تيجي تشكركم على كرم اخلاقكم معاها لانكم ولاد أصول مبتعملوش حد بمعاملته ومينفعش يكون لينا مكان ما بينكم وسحبت العالقة بيدها كالصغار لتتوجه الى الخارج لتوقفهم ربة البيت قائلة استني انتي وهيا ..وهو انتو بالي عملتوه ده تبقو بريتو زمتكم من ربنا وتبتوا عن غلطكم ..واطلقت ضحكه ساخرة لتكمل متمتة يبقي بتحلمي انت وهى .
تحدق الجميع بأمهم التي كانت تناشدهم منذ قليل بالغفران ولكن حديثها الأن معبئ بالالغاز لتكمل تحت نظرات الجميع التي يأبى الحديث معها خوفا من سير الحديث لازم كل واحدة ترجع لربنا وهى في بيتها وتحاول تصلح غلطها مش تهرب ..لازم تحاربي انتي وهى علشان ترجعي بيتك وولادك لحضنك بالحب والاحتواء مش بالأنانية ..يعني يوم متعترفو انكم غلطانين مستكترين عليا تكونو جمبي وجمب اولادكم ..اومال مين الي هيربيهم غيركم ياهبلة انتي
