رواية ادهم ويمنى بقلم ايمان حجازى

مني .. وعشان تتطمني خلاص مبقتش عايز اعاند في ايمان ولا اعملها حاجه تاني 
مريم بسخريه لييه !! .. مش دي اللي زيي زيها وعشان كده اخترتني انا بالذات عشان نكمل في الخطوبه المزيفه دي .. مش ايمان دي العاھره اللي طلعت بتبيع نفسها هي كمان
هوت صفعه علي وجهها فجأه وهو يقول في صرامه ايمان انتي فاهمه واوعي في يوم من الايام تقارني نفسك بجذمتها حتي .. 

ثم اخرج الدبله من جيبه والقي بها في سله المهملات قائلا وادي الدبله بتاعت اللي عمري ما لبستها اصلا اهيه في مكانها المظبوط .. ودلوقت بقه انا مبقتش ناقص قرف ولا عك .. 
ثم امسك بها من ذراعها والقي بها داخل سيارتها قائلا پحده وسط انفاعلها وصډمتها ويلا بقه غوري من وشي دلوقت .. مش عارف اصلا ازاي عايزاني اشوفك محترمه وانتي جايالي الفجر لحد بيتي .. يا شيخه ابعدي بقه عندي 
ثم تركها واتجه الي غرفته وجمع ثيابه في شنطه كبيره ثم ذهب الي شقته بمساكن الضباط ..
ههههههه معقوله ناجي ميردش عليكي !! .. 
قالها عبدالله في تعجب الي مرام الجالسه بجواره وتحدثت مش عارفه ما قلت لك يمكن يكون نايم 
عبدالله مش موضوعنا .. يبقي نشوف أولفت هانم 
كانت اولفت تنتظر ناجي بالفيلا خاصتهم حيث ذهب لأجتماع طارئ مع الرؤساء الكبار .. قطع انتظارها رنين هاتفها بأسم مرام فأجابت ..
مرام ..!!
لا انا عبدالله يا اولفت هانم .. ياريت متنسوش بكره حد فيكم يكون موجود ويستحسن حضرتك عشان نشوف موضوع الشغل اللي بلغتكم عنه قبل كده .. ولا نسيتم !!
لا .. لا .. م منستش .. حاضر بكره هيكون حد موجود مننا
اغلق عبدالله الهاتف وهو ينظر لمرام قائلا خلاص بكره هنحل الموضوع .. بس في حاجه عايز فعلا اعرفها منك يا مرام 
نظرت له مرام بأهتمام قائله حاجه ايه !!
عبدالله بتوتر وشغف انتي .. انتي فعلا عايزه تفضلي تحت الوصايه ولا كنتي بتقولي كده قدام ناجي وبس !
ابتسمت مرام في خفوت ثم نظرت اليه في لوم معقوله مش عارف !! 
ابتسم عبدالله براحه شديده وامسك يديها وقبلها ببطئ قائلا عايزك دلوقت تسمعيني للأخر وتنفذي اللي انا هقولهولك لو انتي فعلا بتثقي فيا .. ومهما يكون اللي هتسمعيه تتقبليه من غير اعتراض بما انك موافقه إني أكون الواصي عليكي
مرام بفضول وقلق خير يا عبدالله قلقتني 
وضع عبدالله امامها كل الاوراق التي تخص مرضها والتحاليل ونوعيه الدواء والمواد التي كانت تتغلغل بجسدها ولما سافرو الي باريس وسبب عوده مسعد معهم ليس فقط كي يستقر ولكن كي يصنع لها الدواء المضاد للمواد .. كانت مرام تستمع له وهي تقرأ الاوراق التي بيديها بدقه وعلقھا لا يستوعب مطلقا كل ذلك .. حتي انهي عبدالله حديثه قائلا وانتي بقه عارفه كان مين السبب في كل ده !!
نظرت له مرام وهي مازالت مصدومه بترقب شديد والدموع تتغلغل بجسدها .. اولفت هانم 
نزل عليها الاسم كالصاعقه الكهربائيه التي مست جسدها فانتفضت دفعه واحده پغضب مستحيل .. !
ضحك عبدالله بسخريه مستحيل ليه !! .. ليه شايفاها بريئه قوي كده !!
مرام بأندفاع يمكن لو قلتلي ناجي كنت هقولك اه معاك حق ده اتوقع منه اي حاجه .. لكن طنط أولفت لأ .. لأ .. لأ .. متعملهاش ابدا 
عبدالله بتعجب انتي عارفه انا بكلمك في ايه !! .. انا بكلمك في حياتك اللي كان فاضلها كان يوم وتنتهي بعد ما تبقي عبده مذلوله تحت رجليها .. بكلمك في سم كان يوم بتشربيه وكان بيموتك علي البطئ .. وانتي سايبه الموضوع ده وجايه تتكلمي وتقولي عن أولفت لأ .. انتي بتفكري ازاي !!
مرام باڼهيار عارفه يا عبدالله انك انقذتني ومش هنكر ده ابدا لكن اللي مش هسمح بيه انك تتهم طنط أولفت ابدا بحاجه مهما كانت .. انا من وقت ما انت رجعت وانا سايباها ومش معبراها واللي بتقولي عليه بسمعه بدون نقاش بس انك تتهمها لأ .. 
ظل ينظر اليها مصډوما وكأن التي تتحدث امرأه اخري غير مرام ابنته التي ولأول مره ترفع صوتها عليه بتلك النبره طنط اولفت اللي جبتني وقعدتني في بيتها وسفرتني وعلمتني ووهبتني فلوسها 7 سنين لحد ما بقيت أشهر جراحه قلب .. في نفس الوقت اللي انت رمتني واتخليت عني فيه ولا فكرت حتي تكلمني او تتطمن عليا ... بأي حق يا استاذ عبدالله جاي بتطالبني بأني اصدق عليها شئ عاطل!! .. حتي لو كانت فعلا هي اللي بتديني الدوا .. اكيد في حاجه غلط وهي متعرفش
ابتسم عبدالله وهو ينظر الي الارض مصډوما ثم رفع رأسه قائلا بهدوء من امته وانتي بتعلي صوتك عليا يا مرام ..