رنا تليفونك بيرن

الدموع كأنها خلصت من عيني خلاص 
كل حاجة خلصت!
خرج من الأوضة وخرج معاه آخر أمل ليا إنه يسامحني
عدى يومين مكنتش باكل ولا بشرب سمعتهم بيقولوا إنه السبب في إني قاعده هنا ومروحتش الحبس
مشوفتوش تاني من ساعتها سألت عنه مكنوش بيردوا عليا
حد دخل حطلي أكل 
ياريت تاكلي بقى أنا مش عايز أرجع أشيل الصينية زي ما هي كل مرة 

مش عايزه
ركن الصينية وخرج حسيت كأن كل قوتي اختفت
مبقتش قادرة افتح عيني حتى
كلمته مبتروحش من بالي غلطته الوحيدة إنه حبني!
ضحكت بۏجع عدى ساعات كتيرة وأنا هنا
وجودي هنا هيفيد بإيه محدش مصدق ليه إني معرفش عنه حاجة!
كنت قاعده على الكنبة وباصه في الأرض ودموعي على خدي عيني جفت من كتر الدموع
الباب اتفتح كان هو! 
بصتله وأنا في مكاني متحركتش دخل بص على الأكل وبصلي تاني
عامله إضراب ليه عن الأكل طعمه وحش لازم تتعودي للأسف ده أكل السجون هنا ده أنا كده كارمك كمان
تجاهلت نبرة السخرية ومردتش عليه 
فضلت مكاني باصه للأرض
قال بهدوء لازم تاكلي عشان تقدري توصلينا لأبوكي
شكرا مش عايزه
نفخ وقعد جمبي
ها بقالك يومين مفتكرتيش حاجة عايزه تقوليها 
أنت مش مصدق ليه إني معرفش حاجة أنت مقعدني هنا ليه اصلا ايه دليلك اللي يخليني موجودة هنا دلوقتي
ضحك بصوت عالي دليلي أنت دليلي يا رنا
بصتله وسكت وبعدين ابتسمت بۏجع وابتديت احكيله 
وأنا صغيرة كان بابا بالنسبالي ده أغلى حاجة في حياتي لحد ما كبرت وعرفت إنه ماشي في السكة دي واجهته واما قولتله همشي عارف قالي ايه
كان بصصلي وساكت كان بيسمعني بهدوء
ضحكت قالي امشي! متمسكش بيا مشيت وابتديت أرسم طريق لنفسي تعبت كتير أوي اشتغلت واتعلمت وعملت كل حاجة.... لوحدي 
ابتسمت وبصتله لحد ما ظهرت أنتحسيت إن الدنيا ضحكتلي أخيرا حد بيهتم بيا! حد بيحبني ومهتم بتفاصيلي بس كل حاجة اختلفت مجرد ما عرفت إنك ظابط وبتدور على شخص مچرم اللي هو أبويا!
قومت وقفت رن عليا معرفش جاب رقمي منين معرفش عرف منين إني لسه عايشه حتى كلمني وقالي إنه عايز يشوفني للمرة الأخيرة لإنه بېموت!
لفيت وبصتله أنت لو مكاني هتعمل ايه
مدتلوش فرصة يرد وكملت 
المهم مش أنت عايز تسمع المهم
روحتله للمرة الأخيرة عشان اقوله يبعد عني لقيته مكسور قدامي أنت عارف يعني ايه ابن شايف أبوه مكسور قدامه! حتى لو هو وحش!
عيطت أكتر وضحكت تخيل إن بعد ده كله صعب عليا! اه والله مش هنكر إني قولتله اهرب بس أنا معرفش عنه أي حاجة ومش عايزه أعرف أنا كل اللي اتمنيته إني أعيش حياة هادية بس حتى دي كمان طلعت مش من نصيبي!
خلصت كلامي وكنت حاسه بدوخة

شديدة جدا عيني ابتدت تقفل ببطئ
قولت بصوت متقطع ي يو س..... 
الدنيا ضلمت آخر حاجة سمعتها اسمي منه
فتحت عيني لقيت نفسي على سرير ومتعلق في ايدي محاليل وسلمى قاعده جمبي
قولت بإستغراب سلمى! 
ابتسمت ومسكت ايدي حمدلله على السلامة يا رنا
أنت جيتي ازاي وأنا فين 
أنت في المستشفى يحبيبتي يوسف كلمني من تليفونك وقالي إنك هنا رنا أنا مش فاهمه حاجة هو في ايه وكمان بقالك يومين مختفية
هو فين
معرفش خرج
أنا هخرج اجبلك أكل وعصير مش هتأخر
هزيت راسي وحاولت أقوم سلمى خرجت وقعدت 
بصيت للمحلول وايدي وبعدين خدت نفس وسرحت
سلمى جت جابتلي الأكل وكلت ولقيت الباب خبط ودخل
أ أ طب أنا هقوم أروح الحمام بقى
بصلي وجه قعد جمبي
حمدلله على السلامة
الله يسلمك 
تقدري تروحي يا رنا
بصتله وبعدين بصيت على المحلول لقيته خلص شلته من ايدي وحاولت أقوم
لقيته وقف قدامي ومسك ايدي بسرعة
براحة أنت