رنا تليفونك بيرن

لحد ما وصلنا مكنتش عايزه أبان كأني بهرب
نزل فتحلي الباب مسكت العكاز ونزلت
أنا بشكرك يا يوسف للمرة الأخيرة
قال بإستغراب مرة أخيرة! 
ضحكت ايه 
لا بس كنت عايز رقمك اكلمك أطمن على رجلك يعني
ضحكت جوايا 
لا منا كويسه وزي القردة اهو 
لا والله مينفعش لازم اتطمن بنفسي
بصتله لقيته ابتسم ابتسمت على ابتسامته واديته الرقم وطلعت الشقة
دخلت اترميت على السرير بتعب قعدت أفكر فيه وضحكت على كلامه وتصرفاته
مقابلتش حد طيب وجدع ولذيذ ودمه خفيف ووسيم قبل كده مقابلتش حد في كل المواصفات دي غيره هو!
وفي نفس الثانية جه في بالي المقابلة واختفى راح فين! 

كان الخۏف جوايا دايما من المجهول.
روحت في النوم وصحيت بليل مسكت الموبايل وكلمت صحبتي تجيلي
كنت قاعده بقلب في التليفون لحد ما لقيتها بتفتح بالمفتاح وداخله
قالت بخضة مالك يا رنا ايه العكاز ده! 
مفيش حاجة متقلقيش عملت حاډثة بسيطة بس
شهقت يلهوي حاډثة! 
يستي أنا كويسه والله الحمدلله جبتيلي أكل بس أنا جعانة أوي
كلنا وحكيتلها على يوسف 
ابتسمت وأنا باكل تعرفي إن هو اللي عملي الساندوتشات! 
غمزتلي اممممم قولتيلي
مش عارفه حاسه بإحساس حلو أوي بس مش هكبره في دماغي برضو مينفعش
مينفعش ايه أنت مش قولتي طلب رقمك! 
هزيت كتفي اه عادي يعني عايز يتطمن وخلاص 
متأكده إنه عادي! 
أوووف معرفش ومش هفكر 
ماشي يا ست رنا أنا قايمة آخد شاور وهاجي انام
تنامي ايه أنا لسه صاحية! مش هتسبيني لوحدي أكيد 
إن شاء الله
بصتلها بغيظ ومسكت التليفون لحد ما وصلتني ماسدج من رقم غريب قلبي اتقبض لثواني وبعدين ضحكت
عامله ايه دلوقتي كلتي رجليكي قادرة تمشي عليها أنا قولت بس أطمن 
كتبت وأنا بضحك الحمدلله اه كلت الحمدلله قادره امشي عليها الحمدلله
أول ما بعتها لقيته شافها وبيكتب بعت ايموشن ضحك وكتب
طب الحمدلله
ابتسمت ولسه هكتب لقيت سلمى طلعت من الحمام
ها هنعمل ايه
قولت
بتمثيل لا نامي بقى خلاص صعبتي عليا
ضيقت عينها وبصتلي 
بتكلمي مين 
أ أ و ولا ولا حد
لقيتها بتقرب
يوووه بكلم يوسف خلاص 
اه قولي كده بقى وأنا قولت الطيبة دي طلعت منين خليه ينفعك أنا راحة أنام 
ضحكت تصبحي على خير يا حبيبتي
مسكت التليفون تاني لقيته عمال يكتب ويمسح ومفيش حاجة بتتبعت
زهقت وكتبتله أنت عمال تكتب ايه بقالك ساعة
لقيته عمل ريكورد! فتحته كان بيضحك فيه وبيقولي إنه مش عارف يقول ايه وحاسس إنه متوتر!
ضحكت بسعادة وفضلنا نتكلم كتير لحد ما نمت 
عدى أيام ورجلي بقت أحسن وكان بيكلمني كل يوم يطمن أنا كويسه وكلت ولا لا وبعرف امشي ولا لا!
كان الشعور الجميل اللي حسيت بيه في المستشفى بيكبر أكتر وأكتر بالذات مع اهتمامه يمكن عشان مجربتش إن حد يهتم بيا وبتفاصيلي قبل كده!
كنت بكلمه في يوم واتفقنا إننا ننزل نفطر سوا تحت
نقيت فستان نهاري جميل وفي ألوان مبهجة حطيت ميكاب خفيف أوي ولمېت شعري ونزلت
كان واقف قدام الباب ماسك تليفونه ابتسمت وقربت منه
صباح الخير
رفع راسه وبصلي وابتسم
صباح النور شكلك أحسن بكتير الحمدلله 
اه كله زي الفل
ركبنا العربية واتحرك
وصلنا الكافيه كان مفتوح والزرع حوالينا وكان الجو جميل
طلبنا الأكل ولقيته باصصلي
أ أ وأنت عامل ايه بقى
ضحك أنا كويس الحمدلله
الأكل جه وابتدينا ناكل 
رنا كنت عايز اقولك على حاجة
بصتله بتوتر وقلبي دقاته زادت
أنا مبحبش اللف والدوران ف من الأخر أنا معجب بيك
بصتله پصدمة وبعدين ضحكت من طريقته بدون استيعاب
أنت ايه 
ابتسم معجب معجب 
أنت فاجئتني الحقيقة 
أنت هتستعبطي يا رنا 
ضحكت في ايه يا يوسف ما تسبني اتفاجئ
ضحك ما أصل كل حاجة واضحة يعني
مردتش عليه وابتسمت وكملت أكل 
طب ليه ليه معجب ما يمكن بتكون بتكفر عن ذنبك وخلاص
لا أنا كفرت عن ذنبي