فى قصر يبدو عليه الفخامه

وۏجع رجليها خف شويه وقامت ومسكت اللاب توب وحبت تخلص شغلها من الاوضه
واثناء ماهى بتشتغل الباب خبطت
خديجه اتفضل
زين صباح الخير يا خديجه رجلك عامله ايه انهارده وخدنى العلاج ولا لسه
خديجه صباح الخير يا باشمهندس الحمد لله رجلى احسن من امبارح كتير اخدت العلاج وان شاء الله على بكره انزل الشغل عادى
زين فطرتى ولا لسه

خديجه لا لسه بس بفكر اكلم حد يبعتلى الفطار هنا بحاول ماتغطش عليها عشان تخف بسرعه ومافضلش طالعه نازله عشان الطلوع والنزول ڠصب عنى هيخلونى اضغط عليها غير المشى
زين على فكره انا كلمت سليم وظبطت معاه يبقى مكانى فى الشركه انهارده عشان انا عارف انك مش هتقدرى تروحى الشركه ومش معقوله هشيلك قدام الموظفين ومحتاجين نحط التعديلات النهائيه للمشروع لان ليان وحازم بيه هيقابلونا الاسبوع ده يشوفوها
وهنسافر الاسبوع الجاى
خديجه طيب حلو اوى يا باشمهندس حضرتك ممكن تنزل وانا هنزل وراك
زين طيب يلا عشان نفطر سوا بالمره ونشتغل بعد الفطار على طول
خديجه طيب خلاص انزل انت وانا هنزل وراك على مهلى
زين من غير اى كلام راح على خديجه وشالها ونزل بيها واثناء نزوله شافتهم ورده
ورده يا سيدى يا سيدى حد يلاقى الدلع ومايتدلعشى رجلك عامله ايه انهارده يا خديجه
خديجه كان نفسها الارض تنشق وتبلعها ووشها بقى احمر من كتر الكسوف
خديجه الحمد
لله يا ماما ورده احسن من امبارح
ورده طيب يلا يا حبايبى الفطار جاهز
فى جهه اخرى لبست نور وخرجه وراحت الشركه عند مازن ودخلت مكتب السكرتاريه عشان تسال على مازن
نور صباح الخير
السكرتيره صباح النور
نور مستر مازن موجود
السكرتيره اه موجود هو منتظر حضرتك
دخلت نور مكت مازن
نور صباح الخير يا مستر مازن
مازن اهلا صباح الخير يا نور
نور اتفضل يا مستر مازن دى تصميمات كانت عندى انا كنت رسماها ودى انا رسمتها امبارح
مازن انا شايف انك متحمسه اوى يا نور يارب الحماس والشغف ده يفضل موجود مايروحش انا مستنيكى عشان ننزل الورشه بتاعت التصميمات ونبدا شغل ونشوف التصميمات على الحقيقه
نزلت نور مع مازن الورشه واو مانزلت نور اتفاجئت من التصميمات اللى محطوطه
نور ايه ده مش التصميمات دى اللى
نور ايه ده مش دي التصميمات اللي حضرتك شفتها امبارح
مازن اه ايه رايك بس عدلت في الالوان حاجات بسيطه لازم تاخدي بالك ان وقت التنفيذ درجات الالوان ممكن تتغير على حسب نوع القماش اللي هنستخدمه
نور تمام هو فعلا كده احلى انا ما كنتش متوقعه المفاجاه الحلوه دي التصميمات جميله زهلتني
حاضر بعد كده هاخد بالي من اختيار الالوان مع القماش
مازن تمام واي تصاميم بتعمليها على طول احنا بننفذها ما عندناش وقت ان احنا نتاخر لان دايما بيبقى في طلبيات ودائما في عروض لازم نقدمها عشان كده اي تصميم بنرسمه ويكون حلو بنفذه فورا
نور بصت لمازن وكانت فرحانه جدا لانها حاسه بنجاحها وان هي بقت ناجحه في اللي هي بتعمله وان تصميماتها ما كانتش وهم بالعكس دي تصميمتها حلوه وطلعت حقيقي هي بتعرف تصمم مش مجرد موهبه 
.....................................................
القصر عند زين زين كان قاعد بيفتكر الماضي ايام الكليه وحب الاول سلمى كان بيفتكر مواقفهم مع بعض
Flash back 
سلمى صباح الخير زينو عامل ايه
زين صباح النور يا قلبي انت عامله ايه
سلمى بخير الحمد لله بقول لك ايه يا زينو انا خارجه مع اصحابي النهارده هنزل اشتري هدوم واشتري شويه حاجات
زين لا ما تخرجيش معاهم انا هاخدك وهنزل معاكي نشتري الحاجات دي وسيبك منهم انا اهم عندك ولا هما 
سلمى لا طبعا يا زينو انت اهم عندي منهم كلهم خلاص تمام هبعتلهم رساله واقول لهم ان انا مش هروح معاهم يلا بينا
زين تمام يلا نتغدى دلوقتي عشان نلحق نروح عشان تلحقي تروحي وما تتاخريش
سلمى حاضر يا حبيبي يلا بينا
زين اخذت سلمى ودخلوا مول كبير وسلمى جابت كل اللي هي كانت عايزاه وزين كمان كان بيدفع وكان مبسوط عشان هي مبسوطه ودخلوا محل مجوهرات جاب لها خاتم واسوره غاليين جدا جدا وقدمهم لها واعمل لها مفاجاه
End flash back 
فاق زين من سرحانه على صوت خديجه وهي داخله المكتب وقلب وشه مره واحده اول ما شافها
زين يلا يا خديجه عشان نبدا الشغل عشان نلحق نبعت التعديلات لليان وباباها
خديجه اتفضل يا باشمهندس زين انا جاهزه وشغلي كله عملته وسجلته على اللاب توب هنا
زين ورينى الشغل كده 
بعد وقت طويل انتهى زين وخديجه من التصميمات وزين كلم سليم عشان يروح لي وياخد التصميمات يبعتها ليان وباباها يشوفوها ذهب سليم لزين في القصر واخذ التصميمات وعجبته قوي التعديلات اللي ضافتها خديجه سليم دخل الشركه عند ليان وقابل السكرتيره وطلب من السكرتيره مقابله ليان وقال لها تبلغها ان سليم منتظرها بره
سليم سلام عليكم
ليان وعليكم السلام
سليم اتفضلي رجعي معايا للتصميمات النهائيه ولو كله تمام هنسافر اخر الاسبوع القادم عشان نبدا شغل في الموقع هناك
ليان تمام اتفضل

________________________________________
اقعد