الحلقه 41 من رواية مكتوبه على اسمى بقلم ملك ابراهيم

الحلقة_41
مكتوبة_على_إسمي
بقلمي_ملك_إبراهيم
أعتذر لك يا أخي.. كل ما حدث لك كان بسببي.
عامر بصلها بدهشة وجيسيكا كملت كلامها وقالت كنت اعلم انهم يريدون التخلص مني بعد حصولهم علي المال وهذا ما جعلني اخاطر بكل شئ لكي احررك من هنا.
جيسيكا وقعت على الأرض والسلاح بتاعها وقع جنبها وعامر وقف قدام اخوه عشان يحميه اول لما نفس الرجل اتكلم معاه وقاله وانت أيها الشاب الصغير تعتقد انك تستطيع الدخول الي هنا وتذهب وانت مازلت على قيد الحياة!

عامر وقف قدام اخوه عشان يحميه و رد هو بقوة انت تريد المال وانا موافق ولكن اتركنا انا واخي نذهب من هنا.
الرجل ابتسم بثقة وعامر كان واقف قدام يوسف عشان يحميه وفجأة ظهر رجل الشرطة إللي كان متنكر في لبس الخدم ورفع سلاحة وطلب من كل الموجودين انهم يستسلموا ويتركوا السلاح وفي اقل من لحظة دخل عدد كبير من رجال الشرطة وقبضوا على كل الموجودين ويوسف كان حاسس بالامان واخوه الكبير مستعد يضحي بنفسه عشانه ووقف قدامه عشان يحميه. 
عامر بص ل سيف وضمھ وسيف قاله باعتذار اعتذر منك يا اخي.. لقد خدعوني وتسببت في اذيتك. 
عامر ابتسم وقاله باللغة العربية المهم انك كويس. 
يوسف فهم الكلام لأن والده ووالدته كانوا بيتكلموا عربي قدامه دايما وابتسم. 
الظابط قرب منهم وطلب منهم يتحركوا معاهم بسرعة من المكان. 
رواية مكتوبة على إسمي بقلمي ملك إبراهيم. 
في شقة كوكو.
عزيز كان متقن دوره ونايم على السرير وبيمثل انه تعبان وكان في محلول طبي متعلق جمبه وأدوية كتير وكل التجهيزات اللي حواليه تقنع اي شخص ان ده مريض حقيقي وحالته صعبه.
ميسرة دخلت مع ميرنا واټصدمت لما شافته في الحالة دي وعزيز كان بيتكلم بصوت متقطع وكأنه مش واعي وبدأ يقول كلام كتير هو مجهزه.
عزيز ميسرة.. مراتي ميسرة حبيبتي فين هاتولي ميسرة.. قولولها اني مقدرش اعيش من غيرها.. المۏت عندي ارحم من فراقها.. انا عايز مراتي... هاتولي ميسرة.
ميرنا بكت وقالتلها اهو علي الحال ده يا طنط وانا مش عارفه اعمله ايه! انا خاېفه على بابا اوي ومليش غيره في الدنيا بعد ما طردتينا من بيتك.
ميسرة حست بالذنب وضمت ميرنا وقالتلها متزعليش يا حبيبتي.
عزيز اتكلم مرة تانيه وهو مغمض عينيه ميسرة فين مراتي فين
ميسرة قربت منه وحطت أيديها علي صدره وهي حزينه عليه ومتأثرة وقالتله انا جنبك اهو يا عزيز قومي طمني عليك.
عزيز مسك أيديها وكأنه خاېف انها تسيبه وقال برجاء متسيبنيش يا ميسرة.. انا اموت لو بعدتي عني.. انتي الست الوحيدة إللي انا حبيتها واتمنتها في حياتي.. انتي مراتي وشريكة حياتي ارجعيلي.
كلام عزيز اثر في ميسرة وقالتله بعتاب انت اللي عملت فينا كده يا عزيز.. انت اللي...
قاطعها عزيز عشان متكملش كلامها وتلومه وتفتكر اللي هو عمله وقالها انا كنت فاكر ان انا بعمل كده لمصلحتك بس خلاص اوعدك اني مليش دعوة ب عامر ولا ب مراته.. انا مش عايز غيرك انتي في حياتي.
ميسرة فرحت بكلامه ليها وابتسمت وميرنا خرجت من الغرفة وسابتهم لوحدهم.
عزيز حاول يقعد على السرير وهو بيمثل انه پيتألم من قلبه وميسرة ساعدته وهو مسك أيديها وقالها اوعديني انك تفضلي معايا لاخر العمر.. انا مش هقدر أعيش في الدنيا دي من غيرك.
ميسرة خجلت من كلامه الرمانسي بالنسبه لها وقالتله اوعدك يا حبيبي.. بس انا مش هقدر ارجع معاك البيت قبل ما اطمن علي عامر ويرجع.. مش هقدر اسيب آيات لوحدها.
عزيز اتكلم معاها برجاء ليلة واحدة بس يا ميسرة محتاجك