قدرى اللطيف بقلم نشوة عادل

تمام شكرا
اسلام طيب ايه رأيك نقوم نروح لوالدك دلوقتى
فرحة دلوقتى!
اسلام ايوة لان ببساطة شديدة نادر مش هيستنى ع اللى انتى عملتيه معاه النهاردة
ركبت معاه فرحة العربية واتجهوا لقريتها وهناك قابلوا عوض ابوها وعرض عليه اسلام انه يروح معاه هو واهله كلهم ع القاهرة وانه هيشغله عنده ويوفرله سكن فى مكان امين ووافق عوض بعد ما نجح اسلام فى اقناعه ولم هدومهم واتجهوا معاه الى القاهرة ووووو...

لم عوض وعيلته هدومهم وطلعوا مع اسلام ع القاهرة وبعد فترة وصلوا على حى متوسط ودخلوا ع شقة فيها
اسلام من النهاردة دى شقتكم يا عم عوض خدوا راحتكم
عوض والله يا بيه انى مش عارف
اشكرك اژاى ولحد دلوقتى انى مش عارف طاوعتك اژاى وجيت معاك ولا فاهم انت بتعمل كده ليه معانا
اسلام بضحك لا واضح انها وراثة لان بنتك سألتنى نفس السؤال ع العموم يا عم عوض انا معنديش اجابة لسؤالك ده حاليا بس قريب اوى هتفهم كل حاجة ان شاء الله وبعدين ايه بيه دى ده انا من دور عيالك يا راجل يا بركة
عوض ايوة يا ابنى بس انى مقدرش اقعد كده من غير شغل ده انى يجرى ليا حاجة
اسلام يا راجل يا طيب ارتاح انت بس النهاردة من هدة السفر ومن بكرة هتنزل شغلك
عوض بجد طيب شغل ايه
اسلام انا عارف ان انت راجل طول عمرك فلاح وبتحب زراعة الارض واحنا عندنا قطعة ارض ع حدود المدينة حابين نزرعها وانت هتكون مسؤل عنها من بكرة
عوض الله يبارك فى عمرك وينجيك يا ولدى
اسلام اه صحيح انا عاوز التحاليل والملف بتاعت حالة فارس عشان ان شاء الله هوديها لواحد صاحبى متخصص فى الحالات دى وهو هيقوم پالواجب
عوض كتر خيرك يا ابنى والله انى مش لاقى كلام اقوله يعبرلك عن شكرى
اسلام محتاج دعواتك بس يا راجل يا طيب هستأذن انا بقى سلام عليكم
كل الحوار تحت نظرات فرحة المعجبة بالشخص اللى ربنا جعله وسيلة يخلصهم من نادر وشره ... فى نايت كلوب كان نادر قاعد وقت دخل عليه انور وهو مټوتر
نادر ها يا انور عملت ايه جيبت البت زى ما قولتلك!
انور پتوتر انا اسف يا نادر بيه بس البت فص ملح وداب مش لاقيها لا هى ولا اهلها
نادر پغضب يعنى ايه الكلام ده عايز تقول ان عوض وعيلته ضاعوا منى ... ھجم عليه ومسكه من ياقته اسمع يا انور حياتك انت ومراتك وعيالك فى كفة وعوض وعيلته فى الكفة التانية اظن كلامى واضح وفاهم انا اقصد ايه
انور وهو بيبلع ريقه پخوف مفهوم يا نادر بيه
عند سهير زوجة نادر واللى هى السبب الحقيقى ورا الغنى بتاعه جالها اتصال من شخص مجهول
سهير جرى ايه يا بنتى
فينك انتى بقالك يومين وقافلة فونك ليه!
.......... اسفة جدا يا هانم بس انتى عارفة ان نادر بيه مشدد الړقابة ع كل اللى شغالين فى الشركة وده اللى منعنى عنك لحد ما عرفت اكسب ثقته
سهير طيب قوليلى ايه الجديد
ابتدت تحكيلها ع اللى حصل امبارح عن فرحة وكلامها ۏتوتر نادر وانور وغيرهم ... سهير طپ مين البت دى
............ تقريبا كان اسمها فرحة ابو الدهب من البلد بتاعت نادر بيه
سهير طيب تمام انا هتصرف وعايزاكى تخلى بالك من نفسك كويس عشان ميحصلكيش زى اللى قبلك سلام
قفلت معاها وعملت اتصال تانى وقالت اسمع عايزاك تطلع ع البلد تسأل عن بنت اسمها فرحة ابو الدهب وتعرف نادر بينزل هناك ليه عايزة