يوميات زوجة مجنونه بقلم ايمان شلبي
المحتويات
هو
اتلسع
مني سيكا
باسم سيكا استر يارب ايه هو اللي اتلسع منك ياتري !
رقيه بحماس طاجن باميه بالحمه احضرلك !
باسم بابتسامه مهزوزه ح حضري ياحبيبتي حضري ربنا يستر
بعد شويه كان قاعد باسم علي السفره وهو مستني الاكل ...
رقيه وهي بتحط الطاجن علي السفره شويه باميه هتاكلها وتاكل صوابعك وراها
وسكتت شويه وهي بتقول بخفوت من الندم يعني
رقيه ايه ياحبيبي الباميه في الطاجن اهي
باسم وهو بيضحك ايه ده ماشاء الله يعني اللي لون الطاجن ديه باميه !
رقيه ببراءه اه هي بس اتلسعت مني سيكا
باسم سيكا ! قولي اتفحمت منك مش اتلسعت ..
رقيه وهي بتفرك ايديها بتوتر ا اصل انا هفمك
باسم وهو بيمسح علي وشه بغيظ نطلب بيتزا ولا فراخ!
باسم وهو بيتنهد ماشي
رقيه بزعل ب باسم أنا اسفه
باسم باستغراب علي ايه !
رقيه وعينيها مليانه دموع عشان حاولت اعملك الاكل اللى بتحبه بس فشلت كالعاده ..
باسم وهو بيقوم بلهفه انا مش زعلان انتي بټعيطي ليه !
رقيه وهي بتمسح دموعها ببراءه مش بعيط
باسم بقلق انتي كويسه !
رقيه بابتسامه رقيقه متقلقش بقولك ايه ما تيجي اعملك بكره فراخ
رقيه انا انسحب لان اكلي اتوصف بالمحروق وهذا غير لائق الغوا رحلتشي ...
باسم وهو
بيتصل علي الدليفري يارب صبرني اتجوزت واحده هبله ...
تاني يوم الصبح قامت رقيه من النوم بصت جنبها لقت باسم نايم ...
كان شعره نازل علي عيونه بعشوائيه ...شكله كان لطيف اوي
معقوله في حد جميل ولطيف اوي كده
معقوله في حد طيب وحنين وقادر يحتوي الشخص اللي بيحبه ويقدر أنه بيحاول عشانه لكن كل مره بيفشل وبالرغم من كده عمره ما زعق ولا حتي اتضايق ..
معقوله في حد ممكن يحبها زي باسم !
صباح الجمال
رقيه بابتسامه رقيقه صباح الجمال ياحبيبي
رقيه وهي بتهز رأسها عشره الصبح
باسم وهو بيبوس ايديها برقه طب ممكن تحضريلي الفطار لحد ما اجهز نفسي!
رقيه بهدوء حاضر
باسم باستغراب مالك ياحبيبتي !
رقيه باسم انت ممكن تزهق مني في يوم !
باسم صباح الخير ياحبيبتي بس فقره النكد معادها بليل مش دلوقتي !
رقيه بغيظ باسم لو سمحت رد عليا
رقيه قصدك ايه قصدك ان انا بنكد عليك يعني
باسم بضيق اصطبحنا واصطبح الملك لله حلمتي بايه يارقيه!
رقيه وهي بتفرك ايديها بتوتر ح حلمت أنك طلقتني عشان مش بعرف اطبخ وانك اتجوزت عليا
باسم بمزاح طب كانت حلوه !
رقيه باستغراب هي مين !
باسم اللي اتجوزتها !
رقيه بغيظ عااااا انت بټعصبني ليه!
باسم في ايه ياحبيبتي انا بتطمن علي مستقبلي
رقيه بزعل ودموع ماليه عيونها لا كانت وحشه وعلي فكره بقي انا احلي منها وانت اللي هتندم روح بقي اتجوزها ..
قالت جملتها وهي بتقوم من مكانها وبتخرج من الأوضه وهو بيبص لآثرها بذهول
باسم وهو بيضرب كف فوق التاني لا حول ولا قوه الا بالله ربنا يعينك علي المهلبيه اللي في دماغك ..
شويه ودخلت رقيه وهي بتنشف وشها بالفوطه وبتفتح الدولاب وبتخرج الشنطه وهي بتحط هدوم فيها
باسم برفعه حاجب ده ايه ده بقي أن شاء الله !
رقيه زي مانت شايف شنطه
باسم بسخريه لا بجد ! كنت فاكرها جزمه !
رقيه بقرف دمك يلطش
باسم وهو بيقرب منها بعصبيه وبيشد منها الهدوم انتي بتعملي ايه !
رقيه وهي بتتنهد بضيق زي مانت شايف بحضر شنطتي وياريت ورقه طلاقي تتبعت بكره ومبروك مقدما
باسم بذهول مبروك ! مبروك علي ايه انتي متخلفه
رقيه مبروك علي جوازك بس ياريت تستنضف ..
باسم وهو بيسمح علي وشه بغيظ اصطبحي يارقيه وقولي ياصبح وفكك من الجنان بتاعك ده
رقيه بضيق يووووه بقي ياباسم هو انت مش بتنخانق ليه !
باسم باستغراب نعم !
رقيه اووووف انا عايزه اعيش جو الافلام وازعل واروح عند اهلي وانت تفضل كام يوم من غيري وكل ما تدخل البيت تسرح في كل ركن وانت بتفتكرني وتحن وتشغل عمرو حسن وهو بيقول
ياورداية ف جبل روحي
يا أول شمس في الدنيا
يا شيء Well Done
يا Only One
يا زوجتي الأولى والتانية
وأجمل ضحكة في سنيني
وحشتيني
وبعدين بقي متقدرش علي بعدي وتروح تجيب بوكيه ورد من الكبير اللي مليان شوكليت ده بس حط شاورما بدل الشوكلت وتيجي تخبط علي باب اهلي وتقعد تقولي وحشتيني وبحبك وحياتي فاضيه من غيرك وانا بقي احن وارجعلك !
باسم وهو بيحط أيده علي جبينها انتي سخنه !
رقيه وسع كده وسع اروح اعمل اكل ده أنت زوج مثالي جدا
باسم وهو بيرفع رأسه لفوق يارب انا عملت ايه في دنيتي عشان يحصل معايا كده
رقيه من برا بصوت عالي تكفير ذنوب عملت ذنوب كتير في حياتك
باسم وهو بيهز رأسه باقتناع صح عندك حق كويس انك عارفه نفسك ...
عاااااااااا
باسم وهو بيتنفض بقلق من مكانه رقيه في ايه ....
يتبع
إيمان_شلبي
يوميات_زوجه_مجنونه
البارت_الثاني
خرج باسم وهو حاطط أيده علي قلبه من الړعب ...
وقف مكانه پصدمه وهو فاتح بوقه لما شاف رقيه واقفه تتنطط قدام التليفزيون وبتسقف زي الاطفال لما شافت توم وجيري شغال !
رقيه بفرحه تعالي ياباسم تعالي اتفرج معايا علي توم وجيري
باسم بذهول يعني وقعتي قلبي بين رجلي وفزعتيني عشان توم وجيري !
رقيه وهي بتبصله ببراءه اه طبعا ده توم وجيري
باسم بزعيق انتي مجنونه هو انا متجوز طفله ولا ايه ! ده الاطفال مش بتعمل زيك
رقيه أنا عملت ايه لكل ده يعني
باسم بضيق لا ولا حاجه حضريلي طفح عشان اشوف شغلي لما اشوف بوظتيلي قميص ايه المره ديه ..
رقيه بتوتر ل لا ا انا يعني مبوظتش حاجه واحده
باسم باستغراب غريبه يعني
رقيه م ماهو يعني ا اصل انا هقولك بص بص ادخل افتح الدولاب وانت هتعرف ..
باسم وهو بيبصلها بشك استر يارب عملتي مصېبه ايه ...
رقيه هتنبهر
دخل باسم وهو خاېف ...
رقيه وهي بتلف حوالين نفسها يارب يارب عديها علي خير ماهو مكانش ينفع برضو احط كل القمصان الالوان والابيض مع بعض في الغساله ....
رقييييييييه
رقيه وهي بتبلع ريقها پخوف سلم علي الشهداء اللي معاك
دقايق وجه باسم من الأوضه التانيه زي الطور الهايج وهو ماسك في أيده كل القمصان اللي اتحولت لألوان الطيف ....
رقيه وهي واقفه علي الكنبه انا هفهمك خليك هادي وانا هفهمك كل حاجه
باسم وهو بياخد نفس عميق وبيجز علي أسنانه انا هادي هادي خااالص سامعك
رقيه وهي بتبلع ريقها پخوف ا اصل اصل انا يعني
باسم بزعيق اصل ايه ! هتبرري تقوليلي ايه هتقولي انك غبيه ومتخلفه صبرت كتير عليكي قولت معلش لسه في أول الجواز بكره تعقل وتتعلم بكره تبقي ست بيت اكيد مش قصدها ټحرق الاكل ولا تبوظ الهدوم انما أنتي مش بتحسي مش بتتعلمي الناس تتعلم من غلطها انما
أنتي تعملي
الغلط بالعشرين مره وبرضو مش بتتعلمي ..البس ايه انا دلوقتي اروح الشغل ازاي انا
متابعة القراءة
