رواية تانى حب كامله حتى الاخير بقلم ملك ابراهيم

وشهد بصت ل فريدة ومتكلمتش معاها وسميحة كمان اتحركت وفريدة بتحاول تسيطر على دموعها وتكون قويه قدامهم.
ركب كامل عربيته ومامته ركبت جمبه وشهد ركبت ورا في نفس الاتجاه اللي قاعده فيه مامتها وفريدة ركبت جنب شهد في الاتجاه اللي كامل قاعد فيه وكامل كان شايف انعكاس صورتها في المرايا اللي قدامه وهو بيتحرك بالعربيه في طريقه ل بيت المستشار.
اول لما كامل خرج ب عربيته من الكومباوند اللي ساكنين فيه كان في عربية في انتظاره وبتراقبه واتكلم شخص مجهول وهو جوه العربيه الو.. وكيل النيابة خرج دلوقتي بعربيته ومعاه امه واخته.
سمعه الطرف التاني واتكلم بأمر يبقى التنفيذ الليلة.. تقطعوا عليه الطريق دلوقتي وتخطفوا اخته وتكلمني تاني اقولك باقي التعليمات.
مجهول 1 تحت امرك يا باشا.
وبص للرجاله اللي معاه في العربيه وقالهم على الخطه وكلم باقي الرجاله اللي في العربية التانيه وعرفهم هيعملوا ايه.
في عربية كامل كان طول الطريق بيبص على فريدة في المرايا اللي قدامه وهي قاعده ساكته وبتخفض وشها وعينيها وكاتمة حزنها جواها.
في نص الطريق فجأة لاحظ ان في
فجأة عربية قطعت الطريق عليه وكامل وقف بالعربيه فجأة وفريدة وشهد صرخوا پخوف اول لما شافوا مجموعه من الملثمين نازلين من العربيه اللي قاطعت عليهم الطريق وبيرفعوا اسلحة عليهم.
اتكلمت سميحة مع كامل بهلع مين دول يا كامل وعايزين ايه
كامل انتفض وصړخ فيه انتوا مين وعايزين مين مفيش حد هينزل من العربيه.
كان في واحد واقف جنب باب العربيه في اتجاه كامل ومثبته بالسلاح وواحد جنب باب العربيه في اتجاه سميحة ومثبتها بالسلاح وشهد من شدة الخۏف والهلع نزلت بجسمها تحت الكرسي عشان تخفي نفسها وهي مړعوبه وفريدة كانت قاعده مصډومة وفجأة الشخص الملثم ده فتح باب العربيه من اتجاه فريده وجذبها من داخل العربيه اتحركت بيهم بسرعه ولسه باقي الملثمين مثبتين كامل ووالدته عشان ميتحركش وراهم بعربيته.. 
جوه العربيه اللي خطفوا فيها فريدة كانت لسه بتصرخ پخوف وتنادي على كامل ينقذها وفجأة واحد من الخاطفين حط منديل على وشها كان فيه مخدر وكتم بيه نفسها وبعد لحظات فقدت الوعي.
باقي الملثمين اللي كانوا واقفين قدام عربية كامل بدؤ يتحركوا بسرعه وهما لسه مثبتين كامل بالسلاح بتاعهم وقربوا من عربيتهم اللي كانت قاطعه الطريق على عربية كامل واتحركوا بيها بسرعه وبص كامل على لوحة العربية مكنش فيها اي ارقام واضحة.
كامل كان لسه جوه الصدمة ومش قادر يستوعب اللي حصل في ثواني وخطڤ فريدة قدام عينيه وهو عاجز مش قادر يتحرك.
رفعت شهد جسمها من تحت الكرسي وهي پتبكي پخوف وقالت خطفوا فريدة من جنبي يعني كانوا ممكن يخطفوني انا كمان.
نزل كامل من العربيه وهو بيبص حواليه پصدمة وبيحاول يستوعب ازاي فريدة اتخطفت كده قدام عينيه ومين دول وليه خطڤوها وهيعمل ايه دلوقتي وازاي هينقذها ومفيش اثر لهم على الطريق قدامه وكمان مامته .
تليفونه رن في اللحظة دي بالرقم المجهول اللي دايما يكلمه ويهدده وفتح كامل المكالمه وسمع صوت الشخص المجهول وهو بيضحك بسخريه وصوت ضحكه كان عالي وقال طمني عليك يا باشا رجالتنا عملوا معاك الواجب ولا حد فيهم قرب منك انا مأكد عليهم محدش يقرب منك ولا من الست الوالدة.. يخطفوا الهانم اختك ويجيبوهالنا عشان نعرف نتفق ونتفاهم.
كامل پصدمة انتوا اللي عملتوا كده!!..
المجهول احنا اديناك فرصة تفكر وانت دماغك ناشفه اوي يا نيابه.. حذرتك قبل كده ان الناس اللي انت بتدور وراهم دول ملهمش عزيز والمرادي خطفوا المحروسة اختك المرة الجايه الدور هيبقى على الهانم الكبيرة.
كامل پصدمة انتوا مين وعايزين ايه بالظبط.. انت عارف لو فريدة حصلها حاجة او حد قرب منها اناا....
بقلمي ملك إبراهيم.
في العربية اللي كانت فريدة مخطوفه
فيها.. نزلوا من العربيه على جانب الطريق وواحد من الملثمين شال فريدة وركبوا عربيه تانيه تبعهم ومختلفه عن اللي كانوا راكبينها عشان يتحركوا على الطريق برحتهم.
جالهم اتصال من الباشا اللي متفق معاهم.
مجهول 1 الو ايوا باشا اخت وكيل النيابه معانا دلوقتي وركبنا العربيه التانيه هنعمل ايه تاني
الباشا هتاخدوها وتروحوا البيت اللي في الجبل.. محدش هيقدر يوصلكم هناك.
مجهول 1 بس يا باشا البيت اللي في الجبل ده بعيد اوي دا في الصعيد وعشان نوصله يبقى النهار هيطلع علينا واحنا في الطريق وانت عارف الليل ستار.
الباشا اسمع اللي قولتلك عليه وقبل ما النهار يطلع تكونوا في بيت الجبل.
قفل الباشا التليفون واتكلم الخاطف مع باقي زمايله الباشا عايزنا نطلع بيها على بيت الجبل.
رد عليه واحد من زمايله بس كده النهار هيطلع علينا والبنت ممكن تفوق من المخدر واحنا لسه في الطريق.
مجهول لا متقلقش البنت شكلها خفيفه وهتفضل نايمه للصبح.. شد انت على الطريق خلينا نوصل قبل الفجر وكمان شكلها كده هتمطر علينا وممكن الطريق يتعطل.
زميله متقلقش قبل الفجر هنكون وصلنا.
ظهرت فريدة وهي فاقده الوعي جوه العربيه ومش حاسه بكل