ادخلى من البلكونه

اسكريبت
_ ادخلي من البلكونه يا هانم
_ مين حضرتك وازاي تسمح لنفسك تكلمني وجبت رقمي منين
_ قولتلك ادخلي من البلكونه دلوقتي لان شعرك باين يا هانم
انا اتخضت مرة وحدة هو شايفني ازاي قعدت ابص يمين وشمال يمكن حد بصصلي بس ملقتش حد لقيت مسدج اتبعتتلي منه
_ متقعديش تلفي تبصي كتير ادخلي
سمعت كلامه ودخلت مش عشان هو قالي لاء اوعو تفهموني صح
_ شاطرة
_ جبت رقمي منين
_ سألت العفريت
_ بلاش استظراف
_ عادي يا بنتي دي اسهل حاجه
_ معلشي تعالا علي نفسك وقول
_ ولو مقلتش
_ يبقي استلم بلوك
بعتله المسدج دي واستنيت ام يبقي typing ورحت عملاله بلوك اصل بقا مش ناقصه بلاوي 

روحت لبست الطرحه وخرجت البلكونه تاني.....فجأة لقيت النمره بترن ردت
_ هو مش انا عملتلك بلوك يا بني ادم انت
_ ايو
_ اومال بترن تاني ازاي
_ هو انا مقلتلكيش
_ لا
_ اصل انا مهكر تليفونك وفكيت البلوك
_ ينهار ازرق.... طب انت عاوز ايه
_ اتجوزك
_ هو اللي بيبقي عايز يتجوز بيروح يكلم البنت
_ لا منا عايز رقم والدك
_ زي ما جبت رقمي تقدر تجيب رقم والدي سلام
دخلت الاوضه بتاعتي وخلعت الطرحه ورميت نفسي علي السرير وحاولت افكر في حاجه تسعدني قبل ما انام علشان دي عادتي ومره وحده لقيت نفسي بردد كلماته وهو بيكلمني وافتكرت صوته والبحه اللي كانت فيه فوقت لنفسي ونفضت الفكرة دي من دماغي ونامت
تاني يوم
_ ايه اصحي يلا
_ حاضر يا ماما صحيت اهو
_ خدي اشربي الشاي بلبن ده
_ يا ماما هو انا صغيرة عشان اشرب شاي بلبن