اسكريبت الشهد

الخطوبه ده الصح 
_وانا مش عايزه ضوابط خطوبه انا عايزه زي الناس المخطوبه اللي بتتفسح و بيعملوا كل حاجه 
_وانا مش هعمل ده ابدا مش هعمل كده انا ممكن اعمل كده في حاله واحده 
_اي هي 
_انك تغيري من نفسك من حياتك كلها من لبسك من خروجاتك اللي انا منعتك منها دي تلتزمي بالصلاه الحاجات البسيطه اللي ربنا قال عليها وساعتها نتكلم
سابني و مشي وانا واقفه پغضب ماليني لي ما كل الناس بتعمل ده لي مش نكون زيهم !
ايمان_صالح 
قعدت بليل و لقيته بعتلي علي الجروب اللي احنا فيه انا و ماما علي الوتس اصل الشيخ بېخاف من الفتنه !

ضحكت بسخريه و لقيته كالعاده بعتلي ميعاد الصلاه و يعتلي احكام و بعتلي كلام كتير ما انا عارفه كل ده و عارفه أن الخمار و النقاب فرض بس انا عايزه اعيش حياتي !
بعتله في الشات انا عارفه كل ده بس انا عايزه اعيش حياتي
شويه و لقيته بعتلي رساله _هو انتي كده مبتعشهاش لما تتبعي قواعد و منهج النبي صلى الله عليه وسلم يبقي مبتعشيهاش ما كل دول كانوا عايشين 
_النبي صلي الله عليه وسلم كان عايش زمان مش دلوقتي كل الناس بقت كده 
_هو انتي عشان كل الناس بقت كده تعملي زيهم يعني لو لقيتي واحد بيسرق أو بيضرب مامته هتعملي زيه المفروض اننا ناخد رسولنا الكريم قدوه لينا انتي عارفه النبي صلى الله عليه وسلم كان عايش في قلب الكفار و بيحاربهم عشان نتولد مسلمين و ناخده قدوه نهتدي به و تقوليلي زينا !
مش هنكر ان كلامه هداني شويه و قفلت معاه الوتس بس بردوا لما قابلت منه و الشله زعلت عشان كل واحد مع اللي بيحبه وانا لا خطيبي بيقول قال الله و قال رسول
ادهم زي ما هو بيتبع الضوابط اللي هو عملها بس الموضوع مش عجبني يمكن اصحابي مش كده ف انا مش عايزه ضوابط خطوبه مش عايزه تحكمات انه يمنعني عن اصحابي البنات و الولاد!
قعد شويه يبعتلي عن اللبس و الحجاب و بردوا مش مقتنعه لقيته في يوم جاي وطبعا ماما قاعده معانا ولقيته بيمد أيده بشنطه ابتسمت و قولت جايب حاجه حلوه ليا فتحتها و لقيتها دريس و خمار و نقاب !
ابتسم _اي رأيك عجبتك 
بصتله پغضب _لا مش عايزه الهديه دي خدها 
_لي يعني مالها بصي يا امي شوفيها 
_ماشاء الله يبني جميله مالها يا شهد 
_انا مش عايزه تحكم مش عايزه البس زي ما هو عايز مش عايزه البس كده 
_طيب انتي عايزه اي يا شهد !
_عايزه افسخ الخطوبه دي انا اتخنقت 
_يعني اي 
_زي ما سمعت يعني يا تمشي زي ما انا عايزه يا لا 
_يبقي لا
مشي پغضب و طبعا ماما زعقتلي و اتخنقت معايا خدت الشبكه و رجعتهاله و خدها بس حسيت بحزن في عيونه للحظه و نزل رأسه بسرعه وانا كنت ماشيه زعلانه بس بردوا انا بحبه بس مش هغير حياتي انا بقيت بصلي بس ده كفايه اوي لحد كده مش هغير نمط حياتي
رغم أن حياتي كانت هاديه وبدأت اقرب من ربنا بس رجعت تاني و سبت الصلاه و لسه لما اشوف ادهم قلبي بيوجعني
رجعت ل شلتي تاني و قابلت طارق زميلي 
_شهد انا كنت عايز اقولك حاجه 
_قول يا طارق 
_انا بحبك يا شهد و من زمان 
_اي 
_انا بحبك و عايز اتقدملك 
_انت عارف يا طارق انا لسه فاسخه خطوبتي و محتاجه وقت 
_اكيد هسيبك زي ما انتي عايزه 
_ماشي يا طارق 
_هستناكي في الحفله بتاعتنا بليل 
_اوكي
مشيت وانا بفكر طارق صاحبنا في الشله من زمان تعليم عالي وابن ناس كده و مرح و ظريف غير ادهم تماما
جه الليل قلعت الحجاب و ليست لبس شيك وانا بحاول انسي ادهم تماما ماما زعقتلي بس بردوا هعمل زي ما انا عايزه طلعت و روحت عندهم و قعدنا مع بعض بس طارق قالي عايزني في حاجه مشيت معاه شويه وبعدها اتكلم و مسك ايدي وقالي _بحبك يا شهد و مصدقت فسختي خطوبتك 
ايمان_صالح
بعدها الدنيا لفت بيا تماما اصوات كتير و دوشه محستش بحاجه غير لما فتحت عيوني و لقيت نفسي في مكان غريب بصيت پخوف علي نفسي لقيتني