اسكريبت الشهد

اسكريبت
_موافقه تقابليه بتهزري ده شيخ يا شهد
اتكلمت بتردد _ايوا موافقه أقابله يا منه 
_يبنتي ده مربي دقنه ومبيسبش فرض و كل شويه يقول الرسول قال و ربنا قال 
_ما انا عايزه ده عايزه الشخص ده 
_انتي مبتركعهاش اصلا هتتجوزي ازاي 
_يستي يمكن ربنا يهديني واصلي بانتظام 
_ازاي ده ده انتي دايما مقطعاهم مقاطعه الشيوخ و حتي البنات بتوع الخمار جنتي و نقابي حياتي دول مبتقربيش منهم 
_بحبه و مصدقت اتقدملي فين المشكله 
_بتحبيه !بتهزري اكيد لا 
_وليه اه اي المشكله لما احبه هو قلبنا بأيدينا 

_لا بس فيه عقل تفكري فيه 
هزيت راسي و ابتسمت و مشيت روحت بيتنا وانا طول الطريق بفكر ادهم و اخيرا أخيرا اتقدملي انا بحبه من زمان من واحنا صغيرين بس للاسف لما كبرنا بعد عني بقي كل واحد و ليه طريق مختلف عن التاني زي ما بيقول أو كان دايما يقولي انا فرحانه لا انا طائره من الفرحه انه اخيرا تقبلني و جه يتقدملي 
روحت بيتنا و اختارت احلي طقم عندي لبسته و حطيت ميك اب و لفيت الطرحه وابتسمت بتنهيده
ايمان_صالح
خرجت كان ميعاد وصلهم و طبعا دخلوا و ماما قالتلي ادخلي اقعدي معاه بعد ما ماما اخدت مامته و دخلوا الأوضه التانيه دخلت بهدوء وقعدت قصاده وانا مبتسمه بصيت عليه و اتأملته دقنه خفيفه مرجع شعره لوره عيونه بني فيها حده خفيفه ملامحه رجوليه وسيمه !
بصلي پحده و ڠضب وثواني ابتسم بهدوء وانا استغربته جدا في اي !
اتكلم بهدوء وبصلي _ازيك يا شهد !
اتكلمت بابتسامه ماليه وشي زي الهبله _انت بتكلمني انا 
ابتسم بهدوء _اظن محدش غيرك هنا اسمه شهد أو مفيش حد هنا غيرنا 
ضحكت _عندك حق انا تمام وانت عامل اي يا ادهم 
_الحمدلله في نعمه
سكت شويه بتردد زي ما يكون بيجمع أفكاره وانا قاعده مراقباه حاسه بحاجه غريبه اوي في الموضوع بس مش فاهمه 
_انتي عارفه طبعا أني أنا كنت جاي اتقدملك صح 
_ايوا عارفه 
_طيب بصي انا مش مستعجل احنا هنعمل خطوبه هنحاول نلتزم بضوابط الخطوبه اللي ربنا قال عليها وبعدها نكتب الكتاب 
بصتله بهدوء_ضوابط خطوبه !يعني اي 
_يعني هنتعامل زي الأغراب كده مش هينفع نتكلم لوحدنا مش هينفع اسلم عليكي ولا ابصلك مش هينفع انتي كمان تبصيلي هنعمل شبكه و ماما هتلبسهالك عشان حرام 
بصتله باستنكار _ايوا بس انت هتكون خطيبي 
_خطيبك مش جوزك لما اكون جوزك يبقي ينفع كل ده 
_بس احنا بنتكلم لوحدنا دلوقتي عادي 
_عشان احنا في رؤيه شرعيه مسموح بده عشان نتعرف علي بعض اكتر
هزيت راسي بهدوء _وانت بقي مش عايز تقولي غيري لبسك والبسي خمار و نقاب 
_لا 
استغربت _لا لي 
ابتسم_عشان انتي كبيره كفايه و انتي عارفه من غير ما انا اقول انه حرام و الميك اب ده حرام فملوش لازم الكلام مع اني بتمني تغيري لبسك ده 
_لي يا ادهم عايزني اغير لبسي ده 
_عشان الجنه تستاهل يا شهد تستاهل أننا نحارب عشان نوصلها 
ايمان_صالح
ابتسم و مشي وانا مش عارفه متلخبطه فكرت يوم و التاني وبعدها قولت ل ماما اني موافقه يمكن هو يتعامل معايا كويس في الخطوبه
عملنا الخطوبه و مامته لبستني الشبكه وسط ضحك اصحابي و شلتي عليا كلهم بيضحكوا وانا متغاظه لاني قولت ل ادهم يلبسني و مرديش و اصلا كان متضايق لوحده خلصنا الخطوبه و قولت هيعد معايا لوحدنا زي اي عريس بيستنا الخطوبه عشان كده بس هو دخل بعد ما خلصنا الخطوبه و نادي ماما و خلاها قعدت معايا كمان مش عايز يقعد معايا لوحدنا ده انسان غريب تقريبا منه كانت عندها حق !
يوم التاني و بقول يمكن يتغير كنت بلبس واعمل حاجات يمكن الفت نظره بس لا هو مكنش بيبص عليا اصلا وأوقات يقولي غيري لبسك ده و يسبني و يمشي مره اتخانقت معاه جامد و قولتله 
_ادهم انا عايزه افسخ الخطوبه دي 
_لي 
_كده انت مش زي الناس المخطوبه اللي بتتفسح مع خطيبته انت حتي مبتقعدش معايا لوحدنا انت مبتكلمنيش في الموبيل فيه حاجات كتير انت مبتعملهاش
_ومش هعملها
_لي واوعي تقولي حرام 
_لانه حرام فعلا وانا كام مره اقولك أن ده حرام انا مش عايز أغضب ربنا 
صړخت _بس انا خطيبتك 
_والمفروض لحد ما تبقي مراتي نلتزم بضوابط