غرام الاكابر الموسم الثالث بقلم الكاتبه منال عباس

جايه لينا .أن ...............

بالتعاون مع شركات أجنبية وعربيه ....

عاصم : كدا فهمت .علشان كدا لؤى شك فى بنود العقد .. وخصوصا أنهم شركه كبيرة ومع ذلك عايزين النقل والشحن يكون بالسفن ..

كأن الايام بتعيد نفسها ...نفس ايام أسعد الشريف اللى بسببه تركت شغلى كضابط ...لكن المرة دى مش هنغلط نفس الغلطه ..وانا عندى الخطه ل كدا 

وبدأ يوضح فكرته لمصطفى ....... وبعد أن انتهي 

مصطفى : الله عليك يا عاصم ..فعلا بالرغم من كل السنين دى .الا انك مثلى الاعلى ...

يرن هاتف عاصم

عاصم : الو ايوا يا احمد 

احمد : ايوا يا عاصم ..احنا فى مشكله 

عاصم : مشكله ايه ...

قص عليه احمد ما حدث 

عاصم : طيب أهدى كل اللى طالبه منك انكم تجمعوا ملفات الطلبه تانى ..وشوفوا اى ملفات ناقصه وانا جاى ليكم انا ومصطفى حالا ...واغلق الهاتف

مصطفى : فى ايه 

عاصم : اعتقد لو اللى فى بالى صحيح ..يبقي دا الخيط التانى للقضيه ...وأخذه معه وغادرا ...

 عند غرام فى المستشفى

تمر غرام على الحالات وتدخل حجرة شروق 

غرام بابتسامتها : صباح الخير 

يرد كل من يحيي وشروق : صباح الخير

غرام : الحقيقه عندى ليكم خبر حلو وحبيت أبلغه ليكم بنفسي ...

يحيي بلهفه : خير يا دكتور غرام

غرام : نتيجه العينه الحمد لله سلبي ...والورم ورم حميد ...مجرد شويه ادويه وراحه ومدام شروق هترجع لطبيعتها أن شاء الله

يحيي بفرحه : الف حمد والف شكر ليك يا رب

وشكرا يا دكتور غرام يا وش الخير

غرام : الشكر لله

شروق : انا بجد مش عارفه اشكرك ازاي ..ربنا يكرمك فى صحتك وأولادك ...

غرام : احنا بقينا أهل ويلا شيدى حيلك علشان نفرح بالاولاد ...

شروق : ربنا يفرح قلبك يارب 

استاذنتهم غرام لاستكمال عملها .....

يأتى رساله الى يحيي 

يفتح يحيي الرساله 

اذهب إلى مكتب غرام فى الحال ستجد فنجان قهوتها ضع فى قهوتها تلك الماده الموجوده في. كيس صغير تحت الوساده تحت رأس زوجتك ..

اذا اردت أن لا يفتضح امرك ...وان تبقي زوجتك على قيد الحياة ...

يقرأ يحيي الرساله فى ذهول ...

ولا يدرى ماذا يفعل ...

فاتصل على غرام ..

غرام باستغراب لما يتصل عليها فلقد تركها للتو ..

يحيي بصوت منخفض خوفا أن يكون مراقب ..

يحيي : دكتور غرام ...ارجوكى نفذى اللى هقولك عليه ..القهوة اللى على مكتبك ..اول ما تدخلى وقعيها بأى شكل ..

غرام : وانت عرفت انى طلبت قهوة ازاى ...وأوقعها ليه ..

يحيي : مفيش وقت ..هشرح ليكى بعدين وخليكى واثقه فيا واغلق الهاتف وذهب إلى حجرة غرام ونفذ المطلوب ..وخرج بسرعه .

دخلت غرام حجرة مكتبها بمرافقه الخبير الألمانى ..حيث أتى لعمل صفقه عمل بينهم لعلاج حالات مصابه بأمراض مزمنة فى المخ 

وما أن دخلت غرام ..حتى أوقعت القهوة وكأنه دون قصد ..

نظر الخبير الألمانى إليها بضيق ..ثم ابتسم 

وطلب منها أن يغادر وسيعود لاحقا ...

خرج ذلك الشخص وتحدث باللغه الالمانيه 

بأن خطتهم قد فشلت وباقى ساعات قليله ويجب ايجاد خطه بديله ...

الطرف الآخر : تمام مهمتك انتهت ويجب أن تترك المكان بسرعه ....

وصل عاصم ومصطفى إلى الحضانه عند أحمد 

عاصم : لقيتوا حاجه مفقودة 

هنا : ايوا 3 ملفات 

وبالبحث عن الاولاد دووول لقيتهم بيسان وزياد واياد ...

عاصم : بس الاولاد كبروا وتركوا الحضانه من فترة 

هنا : مش عارفه ليه هما بالتحديد ..يمكن علشان بياناتهم موجوده كامله هنا ..بس كل الطلبه من يوم ما فتحنا الحضانه وملفاتهم وبياناتهم موجوده ومتسجله ...

عاصم : النهارده تروحوا وتاخدوا طنط حسناء وبيسان وتروحوا على الفيلا عندى وممنوع تتكلموا مع حد لأى سبب ...وتركهم وغادر هو ومصطفى 

جلس عاصم هو ومصطفى بالسيارة

اتصل عاصم على لؤى 

لؤى : ايوا يا عاصم ما جيتش الشغل ليه 

الشحنه لازم تتشحن بكرة ومحتاجين توقيعك ..كمان البند اللى قولت ليك عليه ..عايزين نتناقش فيه ..

عاصم : روح دلوقتى بيتك وخد اولادك وسما وروح على الفيلا عندى 

وما تعرفش حد على ما اوصل ليك ...

لؤى باستغراب : انت بتقول ايه انا مش فاهم حاجه

عاصم : نفذ اللى بقولك عليه وبسرعه واغلق الهاتف

مصطفى : فهمت دماغك يا صاحبي 

عاصم : المهم الوقت يسعفنا ...

اتصل عاصم على غرام 

غرام : ايوا يا عاصم كنت هكلمك 

عاصم : مالك حبيبتى 

قصت عليه غرام ما حدث من يحيي

عاصم : برافو عليكى انك نفذتى كلامه ..

هكلم السواق حالا يجيلك ولازم تروحى .وعرفى الكل انك تعبانه ..

غرام : هو فى ايه 

عاصم : لما ارجع هنتكلم ...

ينظر عاصم لمصطفى 

عاصم : اظن كدا الجزء اللى عليا عملته 

ورينى همتك يا حضرة الضابط 

مصطفى : كدا فل وجارى تنفيذ الخطه 

يذهب عاصم إلى منزله...

ليجد الجميع فى انتظاره

غرام : فى ايه يا عاصم ..احنا كلنا موجودين ومش فاهمين حاجه ...

حسناء : خير يا ابنى 

عاصم بهدوء : طب ممكن نتغدى الاول وبعدين احكى كل حاجه ...ونظر إلى غرام فين كرمك يا غرام ..دا حتى دا بيت الأكابر ولا نسيتى 

ابتسمت غرام ... دقائق والغدا هيكون جاهز 

ودعت الجميع للذهاب لتناول الغداء ........يتبع

غرام:الاكابر

بقلم منال:عباس

غرام:الاكابر بقلم منال:عباس

الجزء الثالث سكريبت 21 الاخير

بعد تجمع أسرة احمد وأسرة لؤى بفيلا عاصم 

الكل فى حاله استغراب وينتظر تفسير عاصم 

عاصم بهدوء : طب ممكن نتغدى الاول وبعدين احكى كل حاجه ...ونظر إلى غرام .. فين كرمك يا غرام !! دا حتى دا بيت الأكابر ولا نسيتى ..

ابتسمت غرام .. دقائق والغدا هيكون جاهز ..

ودعت الجميع للذهاب لتناول الطعام....

على مائده الطعام

تجلس سما وبجانبها التوأمين زياد واياد 

اما لوجى جلست بين والديها لؤى وسما ..

فى المقابل جلس اسد قباله لوجى وهو ينظر إليها بحب ..اما لوجى فكانت تنظر إلى والدتها خوفا منها أن تغضب ...يبدأ الجميع فى تناول الطعام فى صمت تام ...

يقطع هذا الصمت 

حسناء : قول يا عاصم يا ابنى فى ايه ...وليه جيبتنا هنا ...

عاصم : نتغدى بس وكل حاجه هقولها

غرام : الحقيقه كلنا محتاجين نعرف يا عاصم 

عاصم : بعد الغدا يا غرام ...

غرام : تمام ...

تناول الجميع الغداء 

رفع الخدم الاطباق ..وذهب الجميع إلى الصالون ...

طلب عاصم من اسد ان يأخذ الطفلين زياد واياد ولوجى وبيسان إلى الأعلى 

وطلب من الخدم تجهيز حجرات 5 حجرات للضيوف ...

بعد صعود الاولاد مع اسد نظر عاصم إلى ساعته ثم

بدأ عاصم فى الحديث ...

عاصم : خلال ساعه من اللحظه دى كل مشاكلنا هتتحل ...

لؤى : انا مش فاهم حاجه يا عاصم ...

عاصم : الحكايه ابتدت من ايام أسعد الشريف واعذرينى يا هنا من اللى هقوله

هنا : انا متقبله اى كلمه هتقولها ..كمل كلامك

أسعد الشريف مش مجرد انسان عادى ...دا مچرم دولى وليه علاقات دوليه متعدده ..بدول عربيه واوروبيه ...

فاكرة يا غرام اول ما اتجوزنا 

لما روحنا عشاء عمل وكان فى مترجم للغه الألمانية 

وترجم خطأ