رواية وعد بقلم عزة العربي
المحتويات
بصوته كله وعد يا وعد
أنا اټرعبت من نبره صوته واتكلمت بصعوبه نعم
يحيي انزلي
لبست الاسدال بصعوبه انا عمري ملبسته قبل كده ورفعت شعري ديل حصان ونزلت وانا قلبي هيقف يحيي اول ما شافني اخد ايدي حطها في أيده وقاللهم وعد الديب مراتي ومش عاوز كلمه من اي حد
الجو اتوتر رحيل كانت بټعيط وزين بيهديها
يحيي شاورلي اطلع بس قمر اتكلمت بۏجع سيبني اسلم على مراتك يا يحيي
يحيي قعد علي ركبته قدامها وهي عالكنبه صدقيني هفهمك كل حاجه متزعليش
قمر حطت أيدها علي راسه واتكلمت بحب عمري ما ازعل منك يا بن قلبي
يحيي قرب مني ووشوشني سلمي واطلعي علي طول
مامت يحيي قامت وقفت ومسكت ايدي بحب كأنها تعرفني من زمان الست دي فيها كميه حنيه غريبه مجرد ما مسكت ايدي حسيت بحنيتها
زين طيب اسيب انا التلت مزز دول يقعدوا مع بعض واروح اشوف مزه قصدي اشوف اي حاجه اعملها سلاموز
وعد مع السلامه
قمر مبروك يا حبيبتي
وعد بغباء علي ايه يا طنط
قمر لا لا ازعل منك انا اسمي قمر
وعد وربنا قمر بجد يا ريتني كنت راجل
رحيل ابتسمت
وعد سيبيهالي انتي بس وانا هفرفشهالك وانسيها كل حاجه
قمر اخدتني في حضنها انا ورحيل واتعرفنا علي بعض وقعدنا نتكلم كتير جدا كان نفسي احكيلها علي كل حاجه بس خفت من يحيي وسيبتها للأيام
وعد قمر انتي قموره اووي اسم علي مسمي موزه في نفسك اوي قوليلي ايه سر السكر دا ولا اخدتيه انتي بنتك لوحدكم
يحيي طلع من المكتب هو ووالده واحنا بنضحك معرفش قال له ايه بس لما يحيي طلع استغرب اني لسه قاعده معاهم ولقيت والد يحيي قعد جنبي وودا وشه الناحيه التانيه وطبطب عليا وقال لا حول ولا قوه الا بالله وقاللي مبروك يا عروستنا اسفين أننا اجينا كده من غير منبلغكم بس احنا نستريح النهارده ونمشي بكره علي طول
يحيي غمز لوالده وعمل حركه مجنونه بإيده عارفين الحركه دي الكل ابتسم ويحيي اخد رحيل في حضنه وقال له لا طبعا يا بابا حضرتك منورنا احنا نقعد هنا شويه قبل الدراسه تكون رحيل حبيبتي فاقت وترجع كليتها وهي ميه ميه
رحيل اتكلمت بحزن هو ينفع ارجع تاني يا أبيه ينفع اللي انكسر جوايا يرجع تاني ينفع تكسر قلم رصاص وتسأل أي حد وتقوله ممكن القلم الړصاص ده ينبت هيقولك ربنا يكملك بعقلك يابني! اهوه دا حالي عمري مهبطل احزن علي آيه وعمري مهنساها ابدا
الكل قال ونعم بالله وانا قلت معاهم
قمر دخلت قلبي من غير متخبط
يوسف حب يلطف الجو يلا يا قمري قومي نطلع نرتاح في اوضتنا شويه عشان انسيكي
تعبك ونسيب العرسان ينسوا هما كمان يلا يا لولو انتي كمان اطلعي اوضتك مش عاوزين نزعجهم لا حول ولا قوه الا بالله يا رب
استغربت جدا طريقه والد يحيي بس ضحكت عليه مش عارفه ليه حسيت أن يحيي قالله اني مجنونه مثلا
وعد بتعجب تزعجوا مين وعرسان مين ننسي ايه انتم بتقولوا ايه
يحيى مسكني من ايدي وغمز لوالده تاني وعمل نفس الحركه وقاللهم عن اذنكم جسمي كله اترجف حاولت اسحب ايدي معرفتش طلعنا الاوضه وقفل الباب بالمفتاح
وعد انت قفلت الباب ليه وجبتني هنا ليه وانا هنام فين
يحيي مبصش عليا ولا رد عليا
اتكلمت بعصبيه لو سمحت يا استاذ ديب انا عاوزه انزل اوضتي انت مش بترد ليه
يحيي هتنامي هنا يا بت السيوفي لحد ميمشوا
وعد لا يمكن أبدا
يحيي السرير كبير وعندك كنبه شوفي عاوزه تنامي فين ونامي ومش عاوز ولا كلمه
وعد سرحت في وشه وطريقه كلامه انا ملاحظه انك بقيت بتتكلم زينا من ساعه ما اهلك وصلوا
اتكلم بجمود خليكي في حالك
اخد بنطلون ودخل الحمام وخرج قالع الجلابيه ولابس البنطلون بس وشعره مبلول وبينشفه كان شكله حلو اوي بصراحه بلعت ريقي بصعوبة وحطيت ايدي علي عيني بسرعه واتكلمت ايه اللي انت عامله دا يا بني ادم مش تراعي أن في واحده في الاوضه
اتكلم ببرود وهي فين الوحده دي
وعد اه عشان انت طويل حبتين مش شايف الناس اللي تحت
يحيي ابتسم والله شوفته مش بتخيل بس في ثانيه رجع لطبيعته تاني وكشر في وشي وقاللي انا مبحبش الكلام الكتير لاحظي انك ضيفه وضيفه تقيله كمان متتعشميش انك هتكوني واحده مننا هي مسأله ايام وتغوري من هنا
رديت عليه وانا مټعصبه وهو حد قالك اني ھموت وافضل معاك انا مش عارفه انت طلعت لي منين ضيعتني وضيعت مستقبلي معرفش ليه اذيتني لأبعد حد بالطريقه البشعه دي وعشان انا مش ضعيفه مكمله حياتي وبقول لنفسي استحملي بكره كل دا هيبقى حلم وهخلص من كل ده ماشيه ومش عارفه انا رايحه لفين ايه اللي هيحصل فيا هكمل اذاي مش عارفه هعرف ابص في وش بابا واخويا اذاي مش عارفه انا ذنبي ايه في كل دا مش عارفه احمد عامل ايه دلوقتي بعد اللي شافه دخلتني في كذبه ومجبره متكلمش مع حد واحكيله كلها كام يوم والدراسه كمان هتبدء وانت حابسني في المكان دا فكرت في مستقبلي اللي انت ضيعته فكرت في شكلي قدام صحابي هيكون عامل ازاي مش بتفكر غير في نفسك وبس
يحيى بجمود صحابك ههههه صحابك دول اللي مضوكي عالقسيمه يا قطه لا وبصموكي كمان ههه وصحابك دول اللي خدروكي وسلموكي ليا ولا رمشلهم جفن صحابك دول يبيعوا اهلهم عشان الفلوس ابقي اختاري كويس وشغلي دماغك لعلمك لو كنت طلبت منهم يقتلوكي كمان كانوا عملوها واخوكي اللي خاېفه عليه اوي دا انا هقتله بإيدي دول زي ما قتل اختي اتعودي علي غيابه عاوزه ايه تاني نامي بقي ومش عاوز كلام كتير
يحيي سابني مع صدمتي وطلع عالسرير كان نفسي اعرفه ان اخويا بريئ من ډم أخته بس مدنيش فرصه اتكلم فكرت في صحابي معقول صحابي اللي عملوا فيا كده معقول داحنا مكنش بيفرقنا غير النوم بجد انا مصدومه مش مصدقه معقول بس هما فعلا كانوا بيحبوني عشان فلوسي انا دايما اللي كنت بدفع في اي حاجه بس والله مكنش فارق معايا كان المهم عندي أنهم معايا انا بحب كل الناس وبدي الثقه لكل الناس معقول يبيعوني ويجرحوني ويضيعوني كده بعد شويه تفكير تعبت ببص
متابعة القراءة
