قصة العتبة

انا ساكنه في عمارة بالإيجار بقالي ٤ سنين ومن شهرين الشقة اللي فوقي سكن فيها عريس وعروسه
من حوالي ١٠ ايام لاقيت قدام باب الشقة دود ابيض قد عقلة الصوباع كده اول مرة في حياتي اشوفه لاقيته نازل علي السلم من فوق لحد شقتي وريحته صعبه اوي اوي
 المهم طلعت لاقيت قدام شقتها كوم دود وعلي السلم اللي فوقيها مفيش اي حاجه عليه يعني هو بادئ من قدام شقتها

خبطت عليها وخرجت شافت المنظر وبصراحه هي مش راكنه اي حاجه علي السلم ولا انا وقعدت ادور يمكن يكون في خرم في السلم كده ولا كده مفيش اي حاجه

المهم مسكنا السلم كنس ومسح والريحه بشعه قعدت اۏلع في بخور بعد ما لمېت القرف ده

ومن ساعتها خلاص مفيش حاجه لحد امبارح لاقيت نفس الموقف وبردو نازل من قدام باب شقتها ومفيش ي مصدر ليه وبينوا لحد عندي ويقف يعني مش بيكمل لحد الشقة اللي تحت ولا باقي العمارة ونفس الريحه بشعه

انا مش عارفه ده ايه ولا تفسيره ايه لو حد عنده معلومه عشان هتجنن عايزة الاقي ليه مصدر حتي أو سبب