حين تتبدل الاقدار بقلم آيات الرحمن

كنت راجعه من عند اهلي الساعه 3 الفجر كنت في حفل زفاف اخويا وراجعين بيتنا عادي فجأه العربيه اتعطلت بينا المكان مفيش فيه اي حد وهادي جدا ومفيش نور غير نور القمر زوجي نزل يشوف سبب التعطيل دا من ايه
في اليوم دا والدتي صممت اسيب الاولاد عندها عشان الجو كان برد شويه وهما كانوا نايمين من كتر الر.قص واللعب

نزلت اشوفه بيعمل ايه بقاله نص ساعه بيلف حوالين العربيه لهو اللي بيصلحها ولا هو اللي بيسكت وشكله اصلا مش فاهم فيها حاجه بس اهو بيحاول وربنا يستر
ايه يا معتز اللي حصل العربيه مش عايزه تشتغل ولا ايه

نهاري بلاك يا فيفي وبعدين حد يقول علي فاطمه فيفي ايه فيفي دي
اومال يقولوا ايه يا قرة عيني
يقولوا فطوم
اسكت يا معتز بالله عليك وسيبنا نفكر في المص.يبه السودا دي
انا عندي اقتراح
لا بلاش تقترح واسكت
كان اقتراح رومانسي علي فكره
طب اقترح بس مش اوى
بما ان العربيه اتعطلت ومفيش حد حوالينا

فضلنا ماشيين وبنتكلم وبنسترجع ذكراياتنا الجميله احنا متزوجين علي قصة حب كبيره اوى
كنا بنفتكر وبنضحك لحد ماسمعنا ص طفل بيصر.خ بص عالي
سامع اللي انا سمعاه يا معتز
في ص طفل
ايوه انا سامع المكان دا شكله مهج.ور
بجد يا معتز انا سامعه ص طفل بيبكي

 ­ ­لحد ما لقينا طفل صغير لسه وكإنه مو.لود دلوقتي بصيت لمعتز اللي كان واضح عليه فعلا صه قويه
معتز معتزززز
ايه
دا لسه بيبي مو.لود هنتصرف ازاى دلوقتي هنسيبه في البرد دا حتى امه سابته من غير اي حاجه تحميه من البرد
لقيت معتز بص للطفل وبعدين بص ليا وقال ام الطفل دا هنا بعانا
ازاى مش فاهمه
لقيته نزل وشال الطفل وغطاه بالجاكيت اللي كان لابسه وقال افضلي هنا وهي معاكي
هي كانت بنت اصلا

المهم اخدتها منه ووقفت وضها ليا حسيتها وكإنها جزء
وفضلت متابعه معتز بعيوني لحد مالقيته وقف في مكان وبص بذهول ووجه نظره ليا وشاور انى اروح عنده لحد ماروحت وشوفتها وهي بتتوسل معتز ياخد الطفله دي بعيد عن هنا ومايعرفش حد طريقها
كنت واقفه مصد.ومه من فعلة الأم دى ازاى تتخلي عن بنتها سيبها في مكان مهجو.ر زي ده ازاى جالها قلب تعمل فيها كدا ازاى قدرت تسيبها من غير حتى تغطيها من البرد ماكنتش سامعه غير صها بس لكن مش شايفه شكلها لان هي كانت مغطيه وشها