رواية حامل بلا عقل الجزء الاول كامله
في حالة ذهول..
سيف واقف مش دريان بالدنيا وجمسه بيفرز عريق بشكل غريب.
الأب هيتجنن .. وضعه دلوقتي أصعب من اللحظة اللي كانت مراته بتتهمه فيها.
زياد نسي الكلية والاڼتحار ومش مستوعب..
هي الأم مالها ساكتة كده ليه مش بتدافع عن نفسها ليه مش بتتكلم ليه
طيب تقول حاجة تقول للشيخ انت كداب .. أو تقول حتى إنها كانت عند دكتور تاني .. هي ساكتة ليه ..
يا نهار أسود!..
يا دي المصېبة!
هي ممكن تكون فعلا هي السبب في كل ده
ما اهو ممكن يكون الدكتور لأنه كتب لها علاج يخليها تجهض الحمل.
أو ممكن تكون شريكة الدكتور
هو في ايه
ايه اللي بيحصل ده
والشيخ ده هيعرف ازاي
الأب حاول يستجمع كل قوته وبيبص ع الشيخ علشان يتكلم معاه.
بس الشيخ بيبص على سقف البيت وبيبص ع الحيطان زي اللي تايه في شارع كبير.
بيقرب من حاجات غريب ويدقق النظر فيها..
أخيرا الأب هينطق يسأله..
الأب استجمع قوته وبطل يترعش .. ما اهو لازم يتنيل يسأله .. مفيش وقت يضيع في الخۏف والسكوت والصدمات.
_ وانت ت نتت تتت ... وانت هتعرف ازاي يا شيخ
_ أنا هطلع أوضة البنت دي وهخليها تتكلم قدامكم.
الكل بيبص في بعضه والأب أخد الشيخ وطلع بيه عند أوضة البيت بس المفتاح مع أمها..
الأم خاېفة .. مش عايزة تطلع لهم المفتاح.
_ لاء .. مفيش حد هيدخل على بنتي .. مفيش حد يدخل على بنتي .. أوضة بنتي خط أحمر..
الأربعة طلعوا ورا الشيخ..
فتح الباب بالمفتاح .. ودخل يبص حواليه على الأوضة ... شكله كده مخاوي جن فعلا .. الست مش بتكدب..
البنت قاعدة ع السرير.. بتفتح بؤها .. وبتحاول تشوف أسنانها..
ايه اللي بتعمله المسكينة دي
يا بنتي مش هتعرفي تشوفي أسنانك بالعين..
أصوات زي دي هاااااااااااء .. هوووووووووع ... اااااااااااااااء.
وبترفع راسها لفوق وبتحاول تسندها وراها ..
بتبص بطرف عينها ع الشيخ مړعوپة منه ..
بدأت تكمش في نفسها ..
جسمها بيترعش .. دي أول مرة يحصل معاها كده..
الأربعة واقفين يتفرجوا..
الشيخ بيتقدم ناحيتها يسألها
_ قولي لي يا ليندا .. كنتي تروحي فين مع ماما لما خرجتي معاها
ليندا خاېفة .. ساكتة مش بتتكلم.
الشيخ . بغلظة
.. بمنتهى القسۏة .. ضغط عليها كأن قطارين سكة حديد بيدهسوا رأس بني آدم.
يا ربي! حرام كده .. البنت مسكينة .. بتصرخ .. بتتألم .. ايه ذنبها في كل ده
_ انطقي يا حمارة .. اتكلمي..
البنت مش قادرة تتكلم .. بتصرخ..
الشيخ طلع عصاية من جيبه فرطها بيده بقت أكبر.. رجع خطوتين لورا وبدأ يضربها بالعصاية
حرام بجد اللي بيعمله المتخلف ده .. حرام ..
ليندا بتصرخ اااااااااااااء ... هاااااااااااااااااااااااع ....
_ اتكلمي يا معاقة يا متخلفة .. انطقي .. كنتي فين..
الأربعة واقفين متسمرين .. بيتفرجوا .. معتقدين إنه بيضرب جن .. مفيش حد قادر يتكلم .. الشيخ وحده صاحب السلطان في الأوضة..
البنت بدأت تنطق فعلا .
فتحت عينيها وبصت على أبوها .. وأخوها.. وخالها .. وبصت على أمها..
_ ماما .. وأنا .. وماما .. وأنا
_ انطقي .. كنتوا تروحوا فين
_ ماما كانت .. كنا .. ماما ... نروحوا .. كنا .. فين
الشيخ اتعصب عليها .. جاب آخره.. راح مطلع شطة مطحونة من جيبه وراح قافل بيها بؤها .. ومناخيرها.. وهو پيصرخ..
_ انطقي يا متخلفة .. انطقي ..
المسكينة ھتموت .. مش مستحملة ..
_ شق شق شق ... هاتسي .. هاتسي .. هاتسي .. اااااااااااااء
الشيخ بعد منها شوية .. والبنت قالت بصوت طبيعي خالص..
_ ابعد مني .. أنا هتكلم .. هقول على كل حاجة .. هحكي كل اللي حصل..
انتظرو الجزء السادس
