عودة من الماضى بقلم محمود الامين

بعد ما دفعت كفالة 10 الاف جنيه.. مكنتش عارف هتصرف ازاي في المشكله دي 
لحد ما جال خبر كويس.. فريدة فاقت في المستشفى 
جريت علي المستشفى من غير تفكير 
لكن الفرحة دي مكملتش.. فريدة فاقت من الغيبوبة وكانت فاقدة الذاكرة 
الدكتور قال ان عندها فقدان ذاكرة مؤقت بسبب الصدمة اللي اتعرضت ليها.. حتي أملي الوحيد في البراءة راح 
رجعت البيت وبدأت افكر في المشكله دي وهتصرف فيها ازاي 
في الوقت ده جالي اتصال تليفون من فؤاد.. وقلي 
_ انت فين.. عاوز اشوفك ضروري يا رمزي 
_ خير يا فؤاد في أي 
_ لازم نتقابل مش هينفع في التليفون 
_خلاص عدي عليا في البيت يا فؤاد 
_تمام.. مسافة السكة وهكون عندك 
بعد نص ساعة.. لقيت باب البيت بيخبط فتحت ولقيت فؤاد اللي كانت بصاته ليا كلها ريبة وشك وقلي 
_ انا جاي اقولك كلمتين وعاوزك تسمعني كويس 
_ اتفضل اتكلم 
_ انا عارف انك أنت اللي قټلت الناس دي كلها.. وجاي اقولك اني سألت عن الموضوع.. اللي بيعمل فيك كده القرين.. قرين سعد اللي انت قټلته.. والدجال حرره لما خرج چثة سعد من القپر.. والقرين ده مش هيسيبك غير وانت مېت او مچنون 
_ أستني بس يا فؤاد.. أنا مقتلتش حد 
_ رمزي مفيش داعي للانكار.. انا عرفت كل حاجه خلاص ومرضتش ابلغ عنك 
_ هو انت ممكن تبلغ عني يا فؤاد 
_ انا لو عايز ابلغ عنك مكنتش جتلك.. بس انت لازم تسلم نفسك.. أنت قټلت يا رمزي.. قټلت عارف يعني اي 
_ طيب اهدي بس هعمل غدا عشان جعان ونتكلم كده اهدي 
دخلت المطبخ لسه الجحود متمكن مني.. كان في سم فران عندي في المطبخ عملت اكل وحطيت سم في طبق فؤاد.. مكنش شاكك فيا نهائي 
اتكلم معايا وهو بياكل.. وقلي 
_ اوعدني يا صحبي أنك تسلم نفسك.. اوعدني 
_ اوعدك يا فؤاد.. متخفش
مفيش شوية وبدأ فؤاد يمسك معدته اللي كانت بتتقطع وقلي 
_ ليه.. ليه كدا يا صحبي 
_ ڠصب عني والله.. سمحني يا فؤاد
اول مره ابكي علي حد وانا اللي قاتله بايدي.. حطيت جثته في شوال ونزلت بيه علي العربية.. حطيته في الشنطة ورميته في الطريق الصحراوي 
خلاص الجحود أتمكن مني.. أنا ممكن أعمل اي حاجه عشان متمسكش 
رجعت علي المستشفى.. لقيت الدكتور بيقولي 
_ في واحد كبير كده في السن شويه قاعد مع مدام فريدة جوه.. واقدر اقولك انها بدأت تفتكر كل حاجه 
_ واحد.. واحد مين يا دكتور 
_ ادخل الاوضه هتلاقيه موجود
دخلت الاوضه عشان اتفاجئ بالاستاذ سليم خارج من جوه.. ولقيت فريدة بتقولي 
_ طلقني يا رمزي.. طلقني 
_ في اي يا فريدة 
_ انت اللي عملت كل ده.. انت السبب في كل المصاېب اللي حصلت انت اللي قټلت جوري وسعد 
انت اللي حرمتني منهم عشان طمعك وجحودك.. اتسببت في قطع عيش الراجل الغلبان ده عشان تستولي علي كل حاجه 
ومش كده وبس حتي ابنك قټلته والله اعلم مين تاني.. الله اعلم مين تاني 
_ اسمعيني يا فريدة 
_ مش هسمعك.. اطلع بره.. برره 
خرجت من المستشفى بسرعه بدور على اللى اسمه سليم ده لازم اقتله واشرب من دمه.. مكنتش لاقيه ولا اعرفله عنوان 
ومكنش ينفع ارجع البيت.. اكيد فريدة بلغت عني وزمانهم دلوقتي بيدوروا عليا 
عشان اكون صريح معاكم لاول مرة احس بالندم.. أنا اللي ضيعت حياتي بايدي افتكرت نفسي كده اني اخدت كل حاجه 
واهي ضاعت كل حاجه 
وقررت اني هسلم نفسي.. روحت علي اقرب قسم واعترفت بكل حاجه عملتها خلاص مش عايز اي حاجه تاني
دخلت السچن وفضلت مستني حكم القاضي كتير واللي انا عارف هيكون اي 
لحد ما فعلا جيه يوم النطق بالحكم 
واتكلم القاضي وقال 
قتل النفس حاجه متتوصفش بيتجرد فيه الشخص من كل الانسانية اللي بيعشها علي الارض بتتجرد منه المشاعر 
بيتحول لوحش ولا يصنف من البشر 
لذا طبقا لاحكام القانون فقد قام هذا المتهم پقتل العديد من الاشخاص.. وطبقا لقانون العقوبات رقم 131 و و 
فقد حكمت المحكمة وباجماع الاراء علي المتهم رمزي عابد سلام باحالة اوراقه لفضيلة المفتي 
حكم الاعډام مش كفاية لواحد زيي عاش علي اذية الغير ومكنش راضي بنصيبه.. اتعلموا الرضا عشان تعرفوا تعيشوا في آمان
محمودالأمين