سلسله جرائم القصه وما فيها بقلم منى محمود

تعابير علي وشها.
معيطتش ... مصرختش ... منهارتش ... بس ساكتة وعينيها بتدور علي ابوها في كل الوشوش اللي حواليها بتدور عليه ومش مستوعبه أنه راح ومش راجع تاني
ومهما حاولت شاديه و دعاء أنهم يخلوها ټعيط ومتكتمش جواها الا أنهم فشلوا ومبقوش عارفين يعملوا ايه
أما عمرو ف انشغل في تحقيقات وكان حريص ان عزمي يتعرض للمحاكمة بسرعه لان كان حاسس ان أهله بيخططو ل حاجة وبحسه الأمني كان واثق أنهم بيدبرو طريقه يهربو بيها عزمي من الحبس
بعد يومين من تحقيقات النيابه والمناهدة مع اهل سوما رجع عمرو البيت مهدود وتعبان ملقاش حد موجود وقبل ما القلق يتمكن منه افتكر أنهم

اكيد مع سوما في شقتها راحلهم علي هناك خبط و دقيقه وفتحت دعاء أخته
عمرو 
_مساء الخير يا دودو
دعاء بملامح حزينة
_مساء الخير. يا أبيه اتفضل
عمرو 
_لا انا مش قادر ھموت وانام .. اومال ماما فين وهتدخلو امتي 
دعاء 
_مش عارفه بس مظنش هنقدر نسيب سوما انهاردة كمان
عمرو 
_اية المشكلة يعني ! متقوليش أن دي پتخاف تنام لوحدها لا مصدقش
دعاء بدموع 
_سوما مش بتتكلم من وقت اللي حصل لا اتكلمت ولا عيطت حتي ولا اي حاجة مجرد عيون مفتوحة و وش جامد وبس احنا خايفين عليها اوي
عمرو بتأثر
_للدرجة دي ... طب انا عايز اتكلم معاها هاتيها البيت معاكم وادخلوا كلكم جوة هتعرفو تتحركو في شقتنا اكتر وانا هتكلم بس معاها وبعد كدة هطلع شقه ماجد ابات فيها
دعاء
_حاضر ادخل طيب انت وانا هجيبهم واجي وراك
عمرو هز رأسه واتحرك خطوة وقبل ما دعاء تقفل الباب لف ليها تاني واتكلم بسرعه
عمرو 
_صحيح يا دعاء قبل ما انسي ... معلش يا حبيبتي مش هينفع تنزلي تدريب عند اخو صحبتك الفترة دي .. لو معندهمش مشكلة يتنظرو شويه يبقي تمام لو مستعجلين يجيبو غيرك تمام الفترة مش كبيرة يعني اظبط بس أموري مش عايزك تزعلي
دعاء 
_لا يا أبيه مش زعلانة انا كمان مش هقدر انزل الفترة دي عشان سوما متقباش لوحدها
عمرو ابتسم وكمل طريقه لشقتهم دخل وساب الباب موارب وراه وقعد ينتظرهم في الصاله ومفيش دقايق وكانو دخلو وقفلو وراهم ...
عمرو من اول ما شافها وهو فهم كلام دعاء أتأثر جدا بشكلها اللي اتغير وروحها اللي انطفت .. شادية حركت سوما لحد الكرسي اللي قصاد عمرو وقعدتها وسوما مطاوعها في كل حاجة بدون أي مقاومة
عمرو 
_ماما ممكن اتكلم معاها لوحدنا لو سمحتي 
شاديه بدموع
_حاضر يا عمرو انا هقوم احضر العشا .. تعالي معايا يا دعاء يلا
دخلت دعاء مع شاديه المطبخ بدون كلام وفضل عمرو قصاد سوما باصصلها بتركيز حوالي دقيقه وبعدين قطع الصمت دا واتكلم ...
عمرو بجديه 
_انا اكتر واحد حاسس بيكي وعارف اللي بتمري بيه وحسه بيه دلوقتي ... انا مجرب يعني ايه حد يفقد سندة في الدنيا انا فقدت ابويا وصاحب عمري و مراتي في يوم واحد ولحد دلوقتي معرفتش مين عمل كدة وليه ... كنت حاسس وقتها بالضياع بصلها اوي صح مش هو دا اللي انتي حسه بيه دلوقتي حسه انك ضايعه زي العيله الصغيرة اللي صحيت فجأة من النوم لاقيت نفسها في الشارع وأبوها مش معاها تايهه مش عارفه ترجع ازاي ولا مستوعبه أنها بعيد عنه اصلا فوفقت مكانها مبتتحركش مستنيه أنه يظهر من العدم وياخدها في حضنة أو أنها تنام تقوم تلاقي كل دا حلم وهي في بيتها من تاني ..
سوما لاول مرة من يوم مۏت صبري دموعها تنزل وهي بتسمعه بتركيز
عمرو ابتسم بۏجع
_بس انتي متهتيش يا سوما ولا بتحلمي ... للاسف انا مش هجملك الكلام ابدا .. انتي فعلا بقيتي لوحدك وسندك بقا في مكان تاني .. انا لما حصلي اللي حصل كنت هدخل في الحاله اللي انتي فيها دي لولا أني فوقت نفسي بنفسي ... انتي كمان لازم تفوقي لازم ټعيطي عشان اللي راح مش اي حد دا ابوكي وسندك وحبيبك لازم تطلعي الۏجع اللي جواكي حتي لو هتفضلي ټصرخي لازم تعرفي انك مش تايهه وأنه مش راجع وانك هتكملي لوحدك يا سوما لوحدك من غيره العمر كله ...
مع اخر كلمة عمرو قالها سوما انهارررت تماما وفضلت حطة ايديها علي قلبها وهي بټعيط بقوة عمرو اللحظة دي حس أنه عايز يخدها في حضنة حس أنه عايز يكمل كلامة ويقولها بس انا مش هسيبك انا هفضل جمبك حس أنه عايز يقول ويعمل حاجات كتير مش من حقه في الوقت دا شاديه و دعاء خرجو علي صوت عياط سوما وجريو عليها وهي اترمت في حضڼ شاديه واڼهارت اكتر 
عمرو بص عليها بحزن و ۏجع وقام طلع من الشقه ومقدرش يطلع شقه ماجد لاقي نفسه بينزل وبيركب عربيته وبيطلع تاني علي المقاپر وجعه اللي مش بيفارقه حس أنه زاد لما شاف سوما موجوعه وهو

مش عارف يعملها حاجة حس أنه محتاج أبوة اوي ديما كان بيقولو يعمل ايه ويتصرف ازاي وصل هناك وركن ونزل واول ما قرب اتفاجا أن الباب مفتوح وفجأة فتحة ودخل عشان ېتصدم بوجود هند ...
عمرو پصدمة 
_هند ! ياااااه اخيراااا اخيرا شفتك وفين هنا اخر مكان اتوقع اشوفك فيه
هند بحزن 
_ انا علي طول هنا يا عمرو ... مش برتاح غير وانا جمبهم
عمرو 
_ليه هربتي كنتي فين وليه خليتني الف وراكي كل يوم في حتة شكل ليه يا هند انا هتجنن ومش لاقي اجابه حرام عليكي
هند 
_كان لازم ابعد ... كان لازم اجيب حق جوزي بنفسي ... كان لازم ابعدك انت كمان عن طريقهم ... انا مليش حد بعد ماجد لا طفل ولا اب ولا ام .. لكن انت طنط شاديه ودعاء محتاجين لك .. مكنش قدامي حل غير المجازفه واني احاول لوحدي وابعدك انت عن الخطړ دا والله ياعمرو كنت خاېفه عليكم والله خفت عليكم اوي صدقني ...
عمرو پغضب 
_خووووفتي من ايييييه ... وليييييه للدرجة دي مش شايفاني راجل اقدر اجيب حقهم ... هربتي ليه يا هند .
وفجأة طلع مسدسه في لحظة ڠضب مسيطرة عليه ووجهو ناحيتها وهي بصلته پصدمة ممزوجة پخوف منه ودموعها نازله ومش قادرة تتكلم 
عمرو بشړ 
_لو حالا متكلمتيش يا هند هعتبر انك انتي اللي عملتيها ومش ههتم ابدا اعرف الأسباب وھقتلك حالا حالا والله يا هند
هند پخوف 
_اعقل يا عمرو وانا والله هقولك كل حاجة حاضر بس بس انا مش هعرف اتكلم وانت ماسك المسډس في وشي كدة ارجوك انا هند يا عمرو مرات ماجد
عمرو نزل المسډس بعصبيه 
_وادي الزفت اهو اخلصي انا علي أخري والله انطقي بقا
هند بتوتر
_اللي عمل كدة واحد وأخوة رجال أعمال من عيلة الصواف بتوع المعمار اللي ماجد كان له شغل معاهم
عمرو بعدم فهم 
_ليه كملي يا هند ليه عملو كدة 
هند 
_فاكر مرض ماجد النفسي اللي مكنش حد يعرف عنه حاجة غير باباك بس 
عمرو 
_ايوة فاكر طبعا
هند 
_ماجد كان عندة اضطراب الشخصيه المزدوجة و
عمرو قاطعها
_عنده ايه !!!
هند كملت بتوضيح
_يعني يا عمرو عندو شخصيتين وكان بيتابع مع باباك عشان يقدرو يعرفو الشخصيه التانيه دي بتعمل ايه