روايه لم تكن البدايه سعيده بقلم رودى عبد الحميد
...
قامت زينة جريت وكلهم طلعو وراها وراحو أوضة زين وإتصدمو لما شافو زين واقع علي الأرض ورجليه بتنز"ف وبيعيط
قربت عليه زينة بخضة وقالت: إيه اللي حصل
زين بعياط: كنت بلعب وإتعو"رت من الإزازة
شالتو زينة وقعدتو علي السرير وقالت لِـريهام: هاتيلي علبة الإسعافات من الحمام دا يَـريهام من فضلك
دخلت ريهام الحمام وطلعت وهي ماسكة في إيديها علبة الإسعافات
أخدتها زينة وطلعت قطنة وبدأت تمسحلو الد"م
زين پألم وهو بيعيط: براحة بتوجعني
زينة نفخت فيها وقالت بقلق: ممكن تقولي الإزازة إتكسـ"ـرت إزاي
مسح زين دموعو في كُم التيشيرت وقال: كنت بلعب بالبلورة ووقعت إتكسـ"ـرت علي الأرض لمېت الإزاز بتاعها بس مأخدتش بالي من الحتة اللي كانت جمب السرير ودخلت في رجلي
شدتو لِـحضـ"ـنها وقالت: خلاص يَـحبيبي حصل خير المهم إنها مدخلتش في رجلك وإتعو"رت بس
حطتلو لزقة وقالت: يومين ولا حاجة وهتروق بس اليومين دول مفيش فيهم لعب كتير علشان تخف بسرعة إتفقنا ؟
هز راسه ودموعه نازلة، با"ست مكان الجر"ح وقالت: تقدر تمشي ننزل نقعد تحت ؟
زين: خلينا نحاول
ساعدتو ينزل علي الأرض وأول ما رجلو لمست الأرض ووقف عليها عيط
شالتو وقالت: خلاص يَـحبببي مش مشكله أشيلك وننزل
أخدتو ونزلت وريهام ونيهال نزلو وراها
" في شركة عيسي "
دخل رامي وقال بمرح: عيسي إبن خالتي اللي بحبو
عيسي وهو باصص في الورق: لخص وقول عايز إيه
رامي حط إيده علي راسه من ورا وقال: إحم عايزك بليل إنت والواد مازن
دخل مازن وقال: سامع إسمي
رامي بإبتسامة: حبيبي يَـميزو عايزك بليل إنت وعيسي
عيسي رفع راسه وقال بهدوء: علي الساعه ؟
رامي بإبتسامة: 7
عيسي رجع ضهره لِـورا بأريحيه وقال: تمام
رامي بإستغراب: مش هتسأل ليه ؟
عيسي ببرود: مدام عايزني أنا ومازن تبقا مصېبة فَـخلينا نعرف وقتها أحسن
رامي بإبتسامة عريضة: علي خيرة الله أستأذن أنا بقا
عيسي شاور علي الباب وقال: في داهيه يَـبني إنت لسه هتستأذن!
طلع رامي وقرب مازن وقال: فيه إجتماع
قام عيسي وقف وقال: يلا
" الساعة السابعة مساءًا "
" في بيت تقي "
الباب خبط أبو تقي راح فتح الباب وقال بإبتسامة: أهلا رامي تعالو إتفضلو
دخلت سُهير ودخل رامي وأبو تقي كان هيقفل الباب رامي قال بسرعة: إستني إستني
أبو تقي بصلو بإستغراب، قال رامي بإبتسامة: إتفضل أمولانا
أبو تقي بصله بعدم فهم وكان لسه هيتكلم قطع كلامه دخول المأذون
قال بصد@مة: مولانا!
دخل عيسي وزينة مع بعض وبعدها مازن وريهام مع بعض وزين ونيهال مع بعض
أبو تقي بصد@مة لِـرامي: رامي إحنا قولنا قراية فاتحة بس!، إنت جاي تحضر حنة بنتخالتك هنا ولا إيه يَـرامي
رامي بضحكة خفيفة: لأ يَـعمي بس قولتلك مفاجأة وبصراحة معنديش مشكلة يكون فيه خطوبة بس يكون فيه خطوبة وهي مراتي وكاتبين عند مأذون علشان أعرف أخرج وأروح وأجي وأقعد معاها براحتي ومبقاش مُقيد في الموضوع
أبو تقي كان لسه هيتكلم قاطعو رامي وقال: ولو علي تقي أنا هكلمهالك بس تسمحلي أقعد معاها خمس دقايق قبل ما نعمل أي حاجة
أبو إتنهد بهدوء وقال: إدخل لِـحد ما أعرفها إنك عايز تتكلم معاها وأخليكم تتكلمو في البلكونه بدل المورستان اللي معمول في الصالون دا
رامي بضحكة مكتومة: تمام يَـعمي
دخل أبو تقي الأوضة وقال: تقي حبيبتي فيه حد عايزك برا
تقي قالت: قول إن نايمة يَـبابا
أبوها بإبتسامة: حتي لو كان رامي
تقي كانت هتشد الغطا عليها أول ما سمعت إسم رامي قامت بصد@مة وقالت: إيه!!، رامي!
أبوها هز راسه وإبتسم وقال: أه قومي تعالي يلا
تقي خدت نفس عميق وقامت عدلت شكلها وطلعت معاه
لقت رامي واقف في البلكونة دخلت وقفت جمبو وقالت: خير ؟
بصلها رامي وقال: معلش يعني إنتي متضايقة ليه!
دموعها نزلت ومردتش عليه، أخد نفس عميق وقال: تقي إنتي كنتي بتحبيني ومازلتي وكنتي عايزاني أحبك وأتجوزك أديني جيت يَـستي وإتقدمت، بس هو دا حبك ليا تتخطبي وتسيبيني ؟
تقي بصتله وقالت ببرود: علشان بيحبني وعندو إستعداد يعمل أي حاجة علشاني
رامي بعصبية: علي فكرة هو بيحب الفلوس أكتر منك دا أول ما شاف الشيك سا..
حط إيدو علي وشه وقال: أحيه
تقي بصتله بصد@مة وقالت: منصور سابني بسببك!
شال إيدو من علي وشه بهدوء وقال ببراءه: أنا يَـبنتي!
تقي بغيظ: مدام البراءه دي يبقا إنت
رامي بعصبية خفيفة: عايزاني أعمل إيه يعني بعد ما علقتيني بيكي وحبيتك تسيبيني وتتخطبي كدة والمفروض أقفل أتفرج عليكي!، خلي بالك هو لو مكانش سابك بالشيك كنت هخليه يسيبك بالعافية لإنك مش هتبقي غير ليا يَـتقي
تقي فرحت جدًا من جواها بس قالت بوش جامد: للأسف جيت متأخر أوي وأنا مستحيل أوافق عليك يَـرامي لإن ببساطة مبقتش أحبك
رامي برفعة حاجب: أخر كلام مش عايزاني!
تقي ربعت إيديها وقالت بتحدي وعناد: مش عايزاك يَـرامي
After 15 Minutes
" بارك الله لكُما وبارك عليكُما وجمع بينكُما في خير "
شدها رامي من جمبو وحضـ"ـنها جامد وقال بسعادة مُبالغ فيها: مبروك يَنورعيني
ضحكت وقالت بإبتسامة وهي بتضمو ليها أكتر: الله يبارك فيك يَـحبيبي
