رواية بقلم نيرة عبدالله

حبيبتي الکابوس ده قرب ينتهي وانا وانتي هنكون سوا وللابد 
شيما ابتسمت وقالت طب يلا عشان نلحق المحاضرة 
أحمد بضحك يلا ي فصيلة هانم 
ومسك ايديها لحد ما وصلوا الجامعه وبعد كده كل واحد راح محاضرته
في الليل 
تليفون مني رن وكان عمر اللي بيرن
مني اهلا اهلا بدكتور عمر 
عمر مش وقت سلامات طمنيني اي الأخبار

مني متقلقش ي دكتور كله تحت السيطرة 
عمر بضحك يعني كده نقدر نقول باي باي احمد 
مني بضحك وللابد كمان 
عمر تمام ي مني وانا لسه عند وعدي ليكي وكل درجاتك هتتقفل 
مني وهو ده العشم برضوا ي دكتوروقفلت معاه
ومسكت صوره احمد وقالت كان لازم اديك قرصه الودن دي عشان بعد كده تحرم تبص لغيري
في بيت شيما 
شيما كانت قاعده في أوضتها مستنيه مراد يجي من برا واول ما سمعت صوته راحتله أوضته وخبط علي الباب
مراد ادخل 
شيما ممكن أتكلم معاك 
مراد معلش ي شيما مش قادر اتكلم دلوقتي 
شيما بس الموضوع اللي عاوزه اكلمك فيه ميستناش لبكرا ي مراد 
مراد بعصبية ما يتاجل لبكرا ي شيما 
شيما بزعل ماشي عن اذنك 
مراد استني
وراح عندها وباس راسها وقال متزعليش مني ي قلب اخوكي انا بس كان مصدع عشان كان عندي مشكلة في الشغل بكرا هاخدك بعد الجامعه ونقعد برا ونتكلم في اللي انتي عوزاه 
شيما وهتجيب ليا شكولاته 
مراد حضنها وقال بضحك هجيلك اللي انتي عوزاه
شيما صحيح برن علي نور مش بترد 
مراد تلاقيها نامت ي حبيبتي عشان كانت مصدعه شويه 
شيما هبقي اعدي عليها بكرا ونبقي ناخدها ونخرج كلنا 
مراد لا خليها انا وانتي بس بقالنا كتير مقعدناش سوا 
شيما تمام يلا تصبح على خير 
مراد باس راسها وانتي من اهله
شيما طلعت وقفلت الباب ومراد غير هدومه ولبس هدوم بيتي وبص لدبلته بحزن وقلعها حطها في الدرج ونام
في اوضة شيما 
كانت نايمة علي السرير وماسكة تليفونها واستغربت ان عمر مبعتش ليها ولا رن عليها وحتي لما هي بعتتله ورنت عليه مردش عليها ولاقت احمد بعت ليها علي ماسنجر
احمد مراد قالك اي 
شيما مقالش ليا حاجة قالي بكرا هاخدك ونخرج ونتكلم فاللي انتي عوزاه 
احمد انهارده من بكرا مفرقتش كتير 
شيما لا فرقت انا كده مش هنام من كتر التفكير فيه اي بخصوص عمر مخبيونه انتوا االاتنين عليا ما تريح قلبي وتقولي انت ي أحمد 
أحمد ي حبيبتي اهدي ونامي وارتاحي عمر ميستاهلش انك تفكري فيه أصلا ووعد مني لو مراد مقالش ليكي بكرا انا هحكيلك كل حاجة 
شيما ماشي ي احمد تصبح على خير 
أحمد وانتي من أهلي
وقفله مع بعض وشيما فضلت طول الليل صاحيه بتفكر مراد واحمد مخبيين عليها اي ومنامتش الا لما النهار بدا يطلع
تاني يوم في بيت شيما 
بابا شيما كان قاعد في الصالة وبيشرب كوبايه الشاي والباب خبط والجرس ضړب في نفس الوقت
بابا شيما شوفي مين ي مروه 
مروه حاضر ي بابا
وراحت فتحت الباب بس ملقتش حد ولاقت ظرف موجود قدام الباب مروه خدته باستغراب ودخلت
بابا شيما مين ي حبيبتي 
مروه معرفش ي بابا بس لاقيت الظرف ده 
بابا شيما باستغراب ظرف اي ده
وفتح الظرف واټصدم اول ما شاف........
توقعاتكم للي جاي!
تفاعل حلو بقي عشان التفاعل مزعلني 
تفتكروا مين غلطان مراد ولا نور!
حبي الاول بقلم نيرة عبدالله
بابا شيما باستغراب ظرف اي ده 
وفتح الظرف واټصدم اول ما شاف صور لاحمد وهو ماسك ايد شيما وفضل يبص للصور پصدمة وفاق من صډمته علي صوت مروة
مروه اي اللي في الظرف ي بابا 
بابا شيما بعصبية ملكيش دعوه ي مروه وادخلي أوضتك
وقام دخل لشيماء اللي كانت بتجهز عشان تروح الكلية 
شيما فيه حاجة ي بابا
باباها ضربها بالقلم وشيماء
حطت ايديها علي خدها پصدمة وقالتله ودموعها نازلة انت بتضربني ي بابا
بابا شيما واكسر دماغك كمان الواضح انى معرفتش اربيكي 
ورمي الصور في وشها وقال پغضب اي ده ي هانم انطقي
شيماء شافت الصور پصدمة ومكنتش عارفة تتكلم 
بابا اي انطقي 
شيماء بدموع يابابا انت فاهم غلط 
بابا شيما بزعيق واي هو الصح ي هانم انطقي پتخوني عمر ي شيما هو عملك اي عشان تعملي فيه ده كله انطقي يخسارة تربيتي فيكي يخسارة 
شيماء بعياط يابابا انا بحب احمد وهو بيحبنى وكنت ناوية انهاردة اتكلم مع حضرتك واقولك اني عاوزة انهي كل حاجة بيني وبين عمر
بابا شيما وهو عمل اي عشان تبقي عاوزه تسبيه 
شيماء مش بحبه حاولت كتير احبه بس معرفتش وانا مش عاوزه اظلمه معايا 
بابا شيما مش بتحبيه ولا اللي اسمه احمد ده لعب في دماغك 
شيما تقصد اي ي بابا 
بابا شيما اسمعي ي شيماء اللي اسمه احمد ده تقطعي علاقتك بيه نهائي واياكي اسمع انك قابلتيه او حتي كلمتيه أما عند عمر فمش هتسيبه لمجرد ان واحد لعب في دماغك ومش هتخرجي من البيت من غير اذني ولا حتي فيه مرواح للجامعة غير ما اقول مفهووووم
وأخد تليفونها وخرج وقفل الباب الاوضة بالمفتاح وقعد وهو زعلان من اللي حصل
مروه يابابا 
بابا شيما مش عوزه اسمع كلمة فاهمه ويلا على اوضتك مروه بزعل حاضر ي بابا
ودخلت وهي زعلان على اختها ورنت علي مراد 
مراد الو ي مروه فيه اي 
مروة تعالي بسرعه ي مراد 
مراد حصل حاجة ولا اي 
مروة حكتله اللي حصل 
مراد اي طب انا جاي بسرعه اهو وساق بسرعه لحد ما وصل البيت
مراد اي اللي حصل ي بابا خلاك ټضرب شيماء وتحبسها 
بابا شيما حكي له اللي حصل 
مراد يابابا احمد ده كويس جدا وعمر هو اللي ميستاهلش شيماء 
بابا شيما ومن إمتي وانت بتتكلم على عمر كده ده انت كنت مبسوط لما عرفت انه هيتقدم ليها وقولت فيه اشعار 
مراد على شان عمر خاېن يابابا
بابا شيما انت بتقول اي 
مراد زي ما قولتلك كده ي بابا واحمد هو اللي عرفني حقيقته 
وحكاله اللي احمد قاله ليه وان عمر متجوز ومخلف 
بابا شيماء معقوله عمر يعمل ده كله ويخدعنا كلنا
مراد انا كنت شاكك الاول بس بعدها اتاكدت 
بابا شيماء اتاكدت ازاي 
مراد في يوم عمر كان ودا ابنه المستشفي عشان كان تعبان ودي كانت المستشفي اللي نور بتدرب فيها ولما نور سألته مين دول قالها اختي وابنها ولما حكتلي استغربت لاني قبلها كنت سألته قالي ان اخته مسافره قبل خطوبته باسبوع ومش هترجع الا بعد سنه فشكيت في الموضوع وطلبت من نور تجبلي العنوان اللي اتكتب في استماره المستشفي ولما روحت سألت بواب العمارة قالي دي شقة الدكتور عمر ومراته
بابا شيما وانت ازاي تخبي عليا حاجة زي دي 
مراد ي بابا انا اتاكدت اول امبارح بس وكنت بحاول انا واحمد عشان نجمع أدلة تدين عمر 
بابا شيما كلم عمر خليه يجيلي 
مراد لا يابابا انا هكلم احمد يجي ونقول لشيما الاول الحقيقة وبعدها نشوف هنعمل اي 
بابا شيما هز راسه وقعد زعلان عشان ظلم بنته 
مراد قوم ي بابا ادخل صالحها انت جيت عليها 
بابا معاك حق
وقام دخل ليها وحضنها ومسح دموعها
وقال متزعليش مني ي قلب ابوكي حقك عليا 
شيماء بعياط انا اسفة انى زعلتك ي بابا وهعمل كل اللي قولتلي عليه 
باباها باس خدها اسف يانور عينى اني ظلمتك مكنتش اعرف انى عمر واطي اووي كدا 
شيماء مش فاهمه
بابا شيما هو هيجي يحكيلك