رواية ست الدار بقلم أميرة أسامه

بتحدي وأبتسامه سخيفه دكتور سالم أخو موسي وصل أنهارده من مصر وجاعد معاهم طول الشهر وشكل إكده هنتسلوا صوح 

بدر...مفيش فايده فيك وده عملك أيه ده كمان عشان تتسلي صوح.

هيبه..عايز أكسر شوكته عشان يبطل يتباهي عالخلج بشهادته.

بدر..سالم محترم وعمره ما أتكبر علي حد ولا أتباهي بشهادته كيف ما بتجول وبترمي بلاك عليه وحتي لو بيتباهي أيه اللي مزعلك ومين عينك واصي عليه عشان تكسر شوكته كيف ما بتجول وحتي يا سيدي لو بيتباهي بشهادته حجه وكمل وهو قاصدكلامه حجه يتباهي ويفتخر واحد متعلم ومعاه شهاده ودكتور كد الدنيا مش چاهل ومعهوش شهاده وماشي ورا الحريم وهيرمي بلاه عالناس.

قام هيبه وهو شړ الدنيا بيتطاير من عينه وكأن بدر أصاب نقطه النقص عند هيبه

هيبه لا أنت عايز تتربي صوح

قام عتمان وقف بينهم بسرعه

عتمان..جرا ايه هتمسكوا في بعض جدامي خلاص عدمتوا كبيركم

هيبه..مش شايف يا أبوي تلميحاته اللي كيف وشه

حمدان..بدر زودها يا ابوي هيبه عنديه حج

عتمان...جرالك ايه يا بدر نسيت أنهم أخواتك ولا ايه

بدر...لا يا أبوي منستش بس يظهر إكده أن هما اللي نسيوا أني أخوهم

هيبه..پغضب أدعي ربنا أني منساش أنك إخوي عشان لو نسيت يا بدر صدجني واللي خلجني وخلجك هحزنك علي عمرك وسهير مرات حمدان وهاجر مراته سمعوا كل اللي دار بينهم بسبب صوتهم العالي سابهم بدر وخرج علي الجنينه وهو باين علي ملامحه الڠضب 

جريت وراه هاجر وعطر وهنيه

ودخلت بخيته وسهير علي المضيفه.

بقلمي ..أميره أسامه

بخيته..في أيه صوتك عالي ليه إكده

عتمان...تعالي أجعدي يا بخيته

هيبه..شوفتي ولدك يا أما واجف جصادي عشان أبن چليله

عتمان...ياواد أجعد ميبجاش دمك حامي إكده اللي أنت عايزه هيحصول

حمدان...يا ما نفسي أشوفه واجع جدامي وروحه متعلجه لا هو طايل مۏت ولا طايل حيا 

سهير..مالك بس معكر دمك ليه عاد بالهداوه اللي انت عايزه هيحصول بس روج إكده

عتمان...جوليلهم يا سهير يابتي 

بخيته...ماعاش ولا كان اللي يعكر مزاجكم وأنت يا عتمان لازم تشد علي بدر انا معوزاهوش ليه صله بأبن چليله ده واصل داهيه تاخده هو وأمه أني نفسي أشوفها جدامي جلبها مفتور علي ولدها نفسي أشوف وچع الجلب صايبها

عتمان...هيحصول يابخيته بس بالهداوه ولو علي بدر سيبوه مينفعش اجوله كلم مين ومتكلمش مين ولدك مبجاش صغير ده أولآ أما ثانيا قربه من موسي في صالحنا عشان لما نضرب ضربتنا الشبهه تبعد عنينا يا بخيته أني مش عايز ډم تاني لو فوتنا في سكه المۏت دي من تاني ماهنخلصش ووهبه ما هيسكتش علي ډم ولده ووجتها هنحيي التار من تاني وأني وانتي مش حمل الۏجع علي حد من عيالنا

بخيته بفزع...بعد الشړ عنيهم تف من خشمك

حمدان...مټخافيش يا أما ولادك أسود 

هيبه...صحيح يا أما أيه سر كرهك لچليله

أرتبكت بخيته وكأن السؤال جالها في مقټل لكن حبت تخرج منه بسرعه بذكاء

بخيته....شايفه حالها وديما بتحاول تبان الكبيره والنجع كله تحت إشاره منيها عايزه أكسر سمها

وأذلها وأوجع جلبها

حمدان ...هيحصول ياغاليه وهزعلها علي حبيب الجلب جريب ومهيبجاش في كبيره غيرك

هيبه...جصدك حبايب الجلب أوعاك تنسي الدكتور بس همله عليا التحيه بتاعته عندي

ضحكوا كلهم بشړ وحقد وسواد لا يليق إلا بقلوبهم.

اما في الخارج خرج بدر وهو علي أخره 

عطر...بدر يا بدر أستني رايح فين

بدر...همليني الوجت يا عطر أني مطايجش حالي

عطر...أستني يا اخوي الله يخليك هتروح فين بس

بدر....لازمآ أحذر موسي ياعطر أخواتك ما هيچيبوهاش البر الحقد مالي جلبهم الأسود وأبوكي فرحان بيهم وأمك طبعا هتشجعهم

هاجر...بلاش يا بدر الله يخليك أحنا مش حمل جلبت أخواتك علينا

بدر...عيزاني اعرف يا هاچر ان صاحب عمري في خطړ وأسكت 

هاچر ..مجولتش إكده بس أني خاېفه علي ولادي وعليك يا بدر ڠصب عني حمدان وهيبه طبعهم واعر

عطر...بحزن هو حوصل ايه لده كله موسي طيب وفي حاله ليه حاطينه براسهم

كل ده عشان الارض كلمه يا بدر خليه يصرف نظر عن الأرض دي

بدر...أنتي طيبه يا عطر لا هو انتي فاكره أن اخواتك هاممهم الارض كيف ما بيجولوا حمدان اللي يهمه أي ارض موسي يحط عينه عليها عشان بس يجهره ويضايجه عشان هو من الاساس ماهيحبهوش وبيغير منيه يعني الجصه مش جصة أرض موسي بالارض من غيرها هو في خطړ حمدان مش هيسيبه وأبوكي لادد عليه اللي حمدان بيعمله عشان يجهر وهبه وأمك عشان تحرج جلب چليله وهيبه أخوكي مش هامه كل ده اللي هامه يوجع سالم ويجتله بعدها أخواتك مش شايفيين ولا سامعين حد غير صوت نفسهم وبس.

عطر..بۏجع يبجي لازم موسي يعرف يابدر

هنيه...بحزن وخوف بتحاول تخفيه صوح يا بدر موسي لازمآ يعرف حمدان واعر وهيبه چوزي وأني عرفاه الحجد مالي جلبه ويوم ما بيحط حد في راسه ماهيسبهوش 

هاچر..بس أني خاېفه أني سمعت هيبه وهو بيهددك بالجتل يا بدر 

عطر..جتل ايه عاد هيجتل أخوه كمان يبجي أتچنن ده حديت خايب بيجوله لحظه ڠضب

هنيه...لاه يا عطر هيبه جاسي ويعملها مش هيبه اللي يفرج معاه اخوه 

هاچر...شوفت يا بدر أها هنيه مرته وبتجول نفس كلامي

بدر...مټخافيش عليا إن شاء الله ربنا هيلحها من عنديه

عطر...بحزن عن أذنكم هطلع اريح فوج شويه

هنيه...خديني معاكي ياخيتي

طلعت عطر وهنيه وفضلت هاجر مع بدر ساكته وسرحانه

بدر مسك ايدها بحب

مټخافيش علي العيال يا هاچر

هاجر...اني خاېفه عليك يا بدر لو جرالك حاجه هروح فيها ومهجدرش اعيش لحالي من غيرك 

بدر...يابت جولتلك مټخافيش وبعدين كيف ما عطر جالتلك ده كلام خايب طالع من هيبه لحظه ڠضب يعني ماهيجدرش يعمل حاچه أني أخوه يابت

هاچر...لاه يا بدر حمدان وهيبه مش كيفك أنت وعطر كنكم من أب وام تانيين هما طبعهم صعب وجلبهم جاسي

بدر...مټخافيش يا هاچر محدش ھيموت ناجص عمر خليها علي الله يابت

هاچر...پخوف ونعم بالله

في غرفه عطر

هنيه...وطي صوتك يا عطر لو حد طلع وشافك هتبكي أكده هنروح في داهيه

عطر...عيزاني أعمل أيه ياهنيه أعرف ان موسي أخواتي عايزين يجتلوه وأفرح

هنيه...پخوف وطي صوتك يا خيتي الله يخليكي أسمعي يا عطر موسي ماهيجرالوش حاچه طول ما أني عايشه أنتبهت هنيه علي الجمله اللي خرجت منها

هنيه...أجصد يعني طول ما اني عايشه مع هيبه هعرف ايه اللي بيفكر فيه هو وحمدان أول بأول وهبلغك انتي وبدر وبدر وجتها يتصرف

عطر..بدموع اني خاېفه عليه ياهنيه

هنيه...مټخافيش ياخيتي ان شاء الله ماهيصيبوش مكروه وابتسمت هنيه بۏجع جهلته هنيه ..بتحبيه جوي أكده ياعطر

عطر...بحبه بس موسي الراچل الوحيد اللي دخل جلبي اني فتحت عيوني علي عشجه ياهنيه

هنيه...وهو كمان شكله بيعشجك يابت يابختك كان نفسي حد يحبني كيف ماهو بيحبك إكده بس نعمل ايه ربنا رزجني بأخوكي عاد 

أبتسمت عطر ڠصب عنها هتحسدينا إياك عالحب

هنيه...بحب لاه والله ماجصدي ربنا يخليهولك أنتي خيتي ياعطر واتمني أشوفك فرحانه وسعيده

عطر...يابت اني بضحك معاكي اني عارفه أنك بتحبيني من جلبك انتي وهاچر اخواتي اللي ربنا عوضني بيهم 

هنيه...ربنا يديم بينا الحب يا خيتي

عطر...هو اني ليه يا هنيه دايما حساكي حزينه

سكتت هنيه بحزن..عادي ياعطر محدش بياخد كل اللي عايزه في الدنيا

عطر...هي حكايه الخلفه دي مضيجاكي اني