رواية رائعه بقلم عبير سليم
المستشفى وطالب يشوفك
اسر شريف تعبان ماله
امجد بېموت يااسر حالته متاخرة اوى وهو بصراحه نفسه يشوفك قبل مايموت وانا جايلك وطمعان فى كرم أخلاقك انك متحرمش واحد بين ايدين ربنا من طلب زى ده
اسر ماله عنده ايه مش الدكاترة خرجوله الړصاص اللى جه فيه
أمجد اكتشوا ان عنده لوكيميا وحالته متاخرة جدا ودلوقتى هو تقريبا بېموت
اسر لا حول ولا قوة الا بالله حاضر ياامجد انا حروحله
أمجد هو ده اسر التهامى صاحبي
اسر طب بقولك ايه ياصاحبي دلوقتى الجمعه الجايه ان شاء الله سبوع ريان ابن فارس ياريت تشرفنا
أمجد الف مبروك اكيد حاجى ان شاء الله ثم يستاذن بالخروج
يسلم عليه اسر ويوصله للباب
بخرج أمجد من المكتب ويتجه لركوب الأسانسير ولكنه بجد فتاه تخرج من الاسانسير
وتتجه للدخول لمكتب اسر
أمجد انا متهيالى شوفت البنت دى قبل كده ياترى شوفتها فين
ايوة ايوة هى البنت اللى شفتها يوم فرح اسر اللى ركبت معايا العربيه بس دى جايه عند اسر ليه انا فاكر انها قالتلى انها صاحبة مراته يبقى ايه علاقتها باسر
طب وانا مالى وانا شاغل بالى بيها ليه
تدخل هدير المكتب وتطلب من فرح رؤية اسر
اسر اهلا ياهدير ازيك عامله ايه
هدير الحمد لله والله يااستاذ اسروالف حمدالله على السلامه
اسر الله يسلمك يا هدير خير يا هدير فى حاجه
هدير ايوة يااستاذ اسر بصراحه انا جايه ومتعشمه فى حضرتك
اسر اطلبي ياهدير عينيه ليكى
هدير اخويا من وقت ماساب الشركه اللى كان شغال فيها وهو مش لاقى شغل والفلوس اللى معانا قربت تخلص ممكن حضرتك تساعده يلاقى اى شغلانه وانا كمان بعد اذنك لو تشوفلي اى شغلانه انا محتاجه فلوس عشان مصاريف الكليه حضرتك عارف
اسر لو على اخوكى
________________________________________
مفيش اى مشكلهخليه يجيلي بكرة بالسيفى بتاعه وانا حشوفله شغلانه كويسه وبمرتب كويس
لكن انتى تركزى فى مذاكرتك وعينيه ليكى ياهدير فى اللى انتى عاوزاه
هدير ربنا يخليك يا رب يااستاذ اسر بس معلش كفايه اوى اللى حضرتك عملته معايا ومع ماما الله يرحمها
وانا عاوزة اشتغل فياريت لو حضرتك بس تساعدنى يبقى كتر خيرك
اسر خلاص ياهدير لو انتى مصرة تشتغلي يبقى تيجى هنا تساعدى فرح فى الشغل وكمان عشان ابقى مطمن عليكى
هدير ربنا يخليك يارب يااستاذ اسر
تخرج هدير مت من المكتب وهى فى قمة سعادتها
تخرج من باب العمارة لتتفاجا بمن يتحدث اليها
ياانسه ممكن لو سمحتى
هدير نعم حضرتك فى حاجه
امجد انتى مش عارفانى مش فاكرة انا مين
هدير حضرتك مين وعاوز ايه منى
امجد انا اللى انتى ركبتى معايا العربيه يوم فرح اسر
فرح وهى تتذكر الكلام المهين الذى اهانها به فى تلك الليله ايوة نعم خير فى حاجه واللا يمكن ماكملتش اھانتك لية ونفسك تكمل اتفضل لو نفسك فى حاجه تانى تقولها اتفضل قول
أمجد والله العظيم انا من يومها وانا بانب نفسي انى كلمتك بالطريقه دى والله انا ماكنت اقصد انتى بس استفزتينى لما فضلتى تلحى انك تنزلى من العربيه وانا زى مانتى شايفه ظابط يعنى ماكنتش حخطفك وانا لما شفتك داخله مكتب اسر مرضتش امشي قلت لازم استناكى لما تنزلى و اعتذرلك
هدير خلاص حضرتك مفيش داعى للاسف محصلش حاجه
عن اذنك
أمجد طب تحبي اوصلك اى مكان
هدير لاشكرا انا مليش فى ركوب العربيات انا اخرى اركب ميكروباص عشان هو ده اللى تمن اجرته على ادى عن اذن حضرتك
تمشي هدير بينما يحدث أمجد نفسه مين دى اتهبلت دى واللا ايه هى ازاى تتجرا وتكلمنى بالطريقه دى
طب والله لو وقعتى فى ايدي تانى لعرفك مين هو امجد السيوفى
في فيلا فهمى التهامى تعلق الانوار واغانى الاطفال والسبوع تملاء المكان وتملؤه بهجه الكل سعيد بهذه المناسبه الجميله
انه اليوم الذى انتظرته العائله لسنوات طويله اسم ريان على كل البالونات كل اشجار الحديقه عليها بالونات تحمل اسم ريان الاطفال يجرون ويلعبون والكل يشارك هذه الفرحه احتمع كل الاهل والاحباب والاصدقاء جاء الجميع ليشاركونهم فرحتهم
فى غرفة نوم ملك وفارس
يجلس فارس بجوار
ريان على الفراش وهو يتحدث اليه بينما كانت ملك تستعد للنزول لاستقبال الضيوف
فارس ريان ياحبيبي عاوزك تبقى راجل كده زى عمك اسر عاوز الكل يعملك الف حساب عاوزك تبقى راجل محترم انت فاهمنى ياض
ملك ههههههه ايه يافروستى انت بتقولله ايه هو حيفهمك يعنى
فارس بفهمه انه لازم يبقى راجل اه انا مش عاوزه يطلع واد فرفور بتاع مامى وبابي انا عاوز ابنى يبقى بطل
ملك اطمن ياروحى مادام عمه اللى حيربيه ويهتم بيه يبقى حيكون راجل
فارس انتى قصدك ايه ياست هانم يعنى لو انا اللى حربيه الواد أخلاقه حتبوظ
ملك لا طبعا ياروحى هو فى حد فى اخلاقك بردو يافروستى ده انت لو ربيت ريان مش بعيد يطلع ماسك الصاجات فى ايده ههههههه
فارس بقى كده طب ماشي ياملك يعدي بس السبوع وشوفى حعمل فيكى ايه
ملك فرحان بيه يافارس
فارس وهو ينظر الى ريان ويمسك باصابعه الصغيرة ياااه ياملك فرحان ده انا الدنيا كلها مش سايعانى من الفرحه اخيرا بقى لية ابن اخيرا بقيت اب ومن مين من ملوكتى حبيبة قلبي من جوه
عارفه ياملك انا طول عمرى اسمع عن غلاوة الضنا بس معرفتش معناها الحقيقي غير لما ريان جه حسه كده روحى نور عينى يالهوى كمية احاسيس جوايا ناحيته ملهاش وصف
ملك ربنا يباركلنا فيه يارب
فارس يارب ياملوكه يارب
فى غرفة اسر وحياة
حياة ايه رايك فى الفستان ياحبيبي
اسر حلو اوى ياحبيبتى وبعدين انتى اى حاجه عليكى بتبقى قمر
حياة حبيبي ربنا يخليك لية يارب بس ايه الجمال ده كله انا متوقعتش ان الفيلا حتبقى بالجمال ده والزينه والبالونات بصراحه حاجه خيال
اسر مانا اصلي اتفقت مع مصمم ديكور حفلات عيد الميلاد وزى ماشفتى هو والناس اللى معاه هما اللى عملوا كل حاجه
حياة كنت عامل كده بردو فى سبوع تولين وسيلين
اسر اه طبعا انا فرحتى بيهم ماكنش ليها حدود وعملتلهم حتة سبوع محصلش
عقبال ماربنا يكرمنا ياحبيبتى واعملك احلى سبوع فى الدنيا كلها
حياة يارب يااسر يارب نفسي اوى اجيبلك الولد اللى نفسك فيه ياحبيبي
اسر حبيبة قلبي انا مفيش حاجه نفسي فيها غير انك تفضلي فى العمركله
يجدون من يفتح الباب نعم انهم عصافير البيت تولين وسيلين بابي مامى تيته وجدو بيقولولكم ياللا انزلوا
حياة وهى تحتضنهم بكل حب حبايب قلب مامى قوليلهم نازلين حالا
حياة كان نفسي اوى سعيد يكون معانا النهارده
اسر ربنا يرجعه بالف سلامه وعقبالنا احنا كمان لما نروح عمرة مع بعض
حياة ان شاء الله ياحبيبي
اسر بس علا دى جدعه اوى تعبت اوى مع ماما وملك فى تحضير الحفله
حياة هو فى حد زى علا عارف يااسر من يوم مادخلوا حياتى وانا عرفت معنى الحب والاهل والاصل
اسر طب ياللا بينا بقى قبل مانلاقى العيله كلها هنا بتنادينا
ياخذ اسر حياة من ايديها وينزل ليجد كل العائله متجمعه والاطفال يجرون ويلعبون ويرقصون على اغانى الاطفال الجميله
حياة شهد حبيبتى وحشتينى اوى
شهد انتى اكتر ياحياة عامله ايه بابطتى طمنينى عليكى
حياة حسه انى اسعد انسانه في الدنيا كلها
شهد ياحبيبة قلبي ربنا يسعدك واشيل ولادك
