رواية قاسم وزهرة بقلم ملك ابراهيم
المحتويات
انك جبان يا دياب يا خسارة تربيتي فيك انت واخوك كان نفسي يطلع منكم ولو واحد راجل مش يطلع واحد صايع بتاع حريم والتاني جبان وكل شوية يستخبى زي العيل الصغير
رواية هيبة الكبير بقلمي ملك إبراهيم
امام مخزن عائلة الشرقاوي...
وقف قاسم وبجانبه كامل ومعهم الحاج منصور صديق والدهم ويعلم كل شئ عن اعمال والدهم
نظر قاسم للمخزن واتكلم مع الحاج منصور بهدوء..
رد الحاج منصور ايوه يا ابني ابوك الله يرحمه قال نسيبه فاضي واي حاجه مش محتاجينها نبقى نخزنها في قلبه وخلاص لكن المخازن التانيه هي الا بنحط فيها حاجتنا الا بنشتغل بيها في الارض
نظر قاسم للمخزن بتفكير واتكلم بغموض..
قاسم طب مش فاكر اخر حاجه اتخزنت فيه كانت ايه..
الحاج منصور مش فاكر يا بني بس متهيألي اخر مرة اتفتح المخزن ده كان ايام فرح اختكم الصغيرة
نظر قاسم للحاج منصور واتكلم بلهفه..
قاسم طب حاول تفتكر يا عم منصور..انت بتقول انه متفتحش من سنتين وان اخر مرة كان ايام فرح اختنا واحنا اختنا متجوزه فعلا من حوالي سنتين.. مش فاكر بقى ايه الا اتحط في المخزن ده ومين الا جه حطه..
حاول الحاج منصور ان يتذكر واتكلم بعد تفكير..
الحاج منصور ايوه افتكرت كان اتخزن فيه اوضة دياب القديمه قبل ما الحاج رفعت يجبلهم اوضة العرايس بتاعتهم والحاج بعت السرير والدولاب وكل الخشب الا كان في اوضة دياب وقال نخزنهم لحد ما يروحوا
لصاحب النصيب
اتكلم قاسم بلهفه طب ومين الا جه فتح المخزن وحط الحاجه..
________________________________________
رد الحاج منصور بعدم تذكر...
الحاج منصور مش فاكر يا بني بس انا فاكر ان خشب اوضة دياب القديم هو اخر حاجه اتحطت هنا
اتكلم قاسم طب واوضة دياب دي راحت لمين بعد كده
رد الحاج منصور واحد غلبان من اهل البلد..الحاج رفعت عرف انه بينام على الارض هو وعياله بعتلهم الاوضه دي وجبلهم سرير عليها كمان
قاسم احنا لازم نجيب اللي اخد اوضة دياب ونعرف منه مين الا سلمهاله
رد كامل بدهشه وده هيفدنا في ايه..
اتكلم قاسم هيفدنا كتير اوي منها هنعرف مين الا خد مفتاح المخزن من ابويا لانه اكيد عمل عليه نسخه وعمله مخزن لحسابه بس الا انا متأكد منه ان الشخص ده حد ابويا كان بيثق فيه اوي
نظر كامل لقاسم بدهشه واتكلم قاسم مع الحاج منصور..
رد الحاج منصور امرك يا ابني هبعت حد يجبهولكم
نظر قاسم امامه بغموض واتكلم بقوة...
قاسم وياويله مني الا هيطلع هو الا عمل كده
في منزل عائلة الشرقاوي..
جلست ندى بالحديقه الصغيره امام المنزل..
اقتربت منها زهرة وجلست امامها واتكلمت بهدوء..
زهرة مالك يا ندى ليه قاعدة حزينه كده..
ردت ندى بحزن مش عارفه يا زهرة..مش عارفه اعمل ايه في موضوعي مع دياب ونفسي اعرف مين الا كان بيحطلي حبوب منع الحمل وكانت بتتحطلي ازاي وانا معرفش
نظرة لها زهرة بحيره واتكلمت بهدوء...
زهرة بصي يا ندى انا هقولك على حاجه مهمه جدا.. طول ما انتي قلبك ابيض وجواه خير مستحيل هيحصلك حاجه وحشه مهما كنتي شايفه ان الا بيحصلك ده وحش صدقيني في الاخر هتلاقيه خير
ردت ندى بحزن مش فاهمه قصدك يا زهرة..يعني انتي قاصدك ان عدم خلفتي من دياب ده خير ليا
اتكلمت زهرة بتأكيد ايوه يا ندى لانك تستهلي شخص احسن من دياب مليون مرة..صدقيني يا ندى دياب ده مش مناسب ليكي ابدا
________________________________________
ردت ندى پبكاء بس انا للاسف بحبه يا زهرة
ردت زهرة بهدوء طب انا هسألك سؤال..انتي بتحبيه ليه..
نظرة لها ندى بدهشه من سؤالها وحاولت تفتكر حاجه واحده كويسه في دياب وتكون سبب انها تحبه لكن ملقتش..
اتكلمت ندى بعد تفكير مش عارفه
ردت زهرة قصدك مش لاقيه حاجه حلوه فيه تقولي انك حبتيه عشانها
حركة ندى رأسها بحزن واتكلمت بأسف...
ندى للاسف عندك حق يا زهرة انا فعلا مش عارفه انا حبيته ليه
تذكرت زهرة رقيه وحبها الوهمي لقاسم واتكلمت مع ندى بحزن..
زهرة اكبر غلطه ممكن البنت تغلطها في حياتها هي انها تحب بدون سبب انها تحب شخص كده وخلاص من غير ما يكون هو كمان بيحبها من غير ما يعمل حاجه تثبتلها اد ايه هو بيحبها ويستاهل انها تحبه
اتكلمت ندى پبكاء انا جيت الدنيا دي لقيت نفسي بحب دياب
ردت زهرة برفض مفيش حد بيجي الدنيا ويلاقي نفسه بيحب حد بدون سبب لازم يكون في سبب للحب..وفي حالتك دي يا ندى اقدر اقولك انك اتعودتي على دياب مش حبتيه.. انتي تقريبا مشوفتيش حد غيره عشان كده افتكرتي نفسك بتحبيه
شردت ندى بتفكير في كلام زهرة لتتابع زهرة حديثها بتأكيد..
زهرة الحقي نفسك يا ندى واتخلصي من المړض ده..حبك لدياب مرض وتقدري تتخلصي منه..انتي لسه صغيره وقدامك العمر طويل واكيد هتلاقي انسان يحبك بجد ويعلمك يعني ايه حب
ابتسمت ندى واتكلمت بهدوء..
ندى طب انا هطلب منه الطلاق ازاي..
ردت زهرة بابتسامه ومرح انتي مش هتطلبي منه انتي هتطلبي من اخوكي الكبير وهو يعملك كل الا انتي تأمري بيه
ردت ندى بتوتر قصدك اقول لقاسم ان انا عايزه اطلق من دياب
اتكلمت زهرة بتأكيد اه طبعا لان محدش في الدنيا يهمه سعادتك غير اخواتك وهما الا هيقفوا جانبك ويجبولك حقك
ردت ندى بتوتر طب انا محروجه اطلب من قاسم يطلقني من دياب دا غير ان موضوع الطلاق ده كبير اوي عندنا ومفيش بنت من بنات العيلة طلبت الطلاق قبل كده
اتكلمت زهرة بهدوء خلاص يا ندى خليكي على ذمة دياب لحد ما تكوني مقتنعه من جواكي هل تكملي معاه ولا لأ
نظرة لها ندى بتوتر وشردت تبحث لدياب عن شئ يجعلها تتمسك به لكنها لم تجد له اي شئ
رواية هيبة الكبير بقلمي ملك إبراهيم
في منزل عائلة المهدي..
اخبر احد الفلاحين سعفان ان قاسم الشرقاوي وشقيقه كامل بالبلد يتابعون ارضهم
دخل سعفان المنزل يتحدث إلى والده وهو يجلس بمنتصف المنزل..
سعفان عرفت الا حصل يا ابويا.. بيقولوا قاسم الشرقاوي خرج وبيلف على الارض بتاعهم هو واخوه
ابتسم الحاج توفيق واتكلم بسعاده..
الحاج توفيق الحمدلله انه خرج بالسلامه..واجب نروح نباركله ونطمن على زهرة بالمره
اتكلم سعفان پغضب وموضوع كامل ورقيه هنسيبه كده يا ابويا..البت كده حالها وقف
تسللت رقيه بهدوء وتخفت اسفل الدرج تستمع إلى حديث والدها مع جدها..
رد الحاج توفيق بصرامه احنا قولنا كل شئ قسمة ونصيب وبكره نصيبها يجيلها لحد عندها
اتكلم سعفان پعنف مش هينفع يا ابويا..انا هروح لقاسم دلوقتي واشترط عليه يا اما اخوه يرد بنتي يا اما هو يطلق زهرة
اتكلم الحاج توفيق بصوت مرتفع..
الحاج توفيق يبقى انت كده اټجننت يا سعفان..مينفعش تربط حياة بنتك ببنت عمها..يعني لو زهرة الا كانت رجعت مطلقه كنت هتروح تقولهم دي قصاد دي
رد سعفان بتوتر
متابعة القراءة
