رواية هتجننى بقلم ايمى عبده

إن الموضوع طول وإنت أهملت يارا خالص
زين  لأ متقلقيش هيا مقدره الوضع 
فارس كان بدأ يفوق وهما مش حاسين بيه
حنين  بس كده إنت بتجى على حقها
زين  بقولك إيه من غيرلف ودوران إنتى عاوزه تباتى النهارده فى حضنه مشتقاله حقك وحشك عارف فبطلى تقوليلى يارا أنا هروح وأبقى اجى الصبح إن شاء الله وإن احتاجتى حاجه اتصلى بيا 

وجه يمشى الټفت وبصلها  
حنين ووشها أحمر  هه
زين  أنا بقول مفيش داعى المره اللى فاتت كان موصول باسلاك كتييير المره دى خالى ومين عارف يمكن دا اللى يكون محتاجه عشان يفوق
حنين  قصدك إيه 
زين  قصدى وجودك جنبه يحسه فعلا مش مجرد صوت وبس تصبحى على خير
حنين  وإنت من أهله 
فارس كان فاق لكن بمجرد ما زين خرج غمض عينيه عشان يعرف حنين ناويه على إيه واهى فرصه يستمتع بقربها منه بدون قيود ماهو طول ماهو غايب عن الدنيا هيا هتتعامل معاه بحريه لكن متخيلش إنها محوشاله خبر فرحه عمره
زين مشى وحنين قفلت الباب وقعدت جنب فارس وباست راسه ومسكت ايده وقربت من ودنه تهمس
حنين  حبيبى وحشتنى أوى إيه موحشتكش خالص طيب بلاش أنا موحتش ابنك أيوه ابنك فارس أنا حامل من ساعه ماكنت فى المنصوره وأنا عارفه بس كنت عاوزه أقولك وإحنا سوا وأنا فى حضنك لكن محصلش نصيب وبعد كل اللى حصل مش عارفه ازاى نسيت وأول ما انتبهت قلت ابلغك حتى لو مش شايفنى إنت سامعنى وفاهمنى وهتحس بفرحتى ويمكن دا اللى يرجعك لينا بالسلامه مفيش مخلوق يعرف غير أنا وإنت دلوقت
كانت مغمضه وهيا بتكلم ومشفتش عيونه اللى فتحت من أول ما سمع الخبر ودموع فرحته ملت وشه رجعت لورا وهيا مغمضه وبتتمنى وتتخيل لو كان صاحى وأول ما فتحت ماصدقتش عينيها إنه شايفها افتكرت إنها لسه بتحلم فضلت تدعك فى عنيها وتبصله ومش مصدقه وبدأت تضحك وعينيها ڠرقانه دموع
حنين  انت صاحى إنت شايفنى دا بجد دا مش حلم فارس والنبى إنت إنت 
فارس  اهدى اهدى أنا معاكى أهوه 
حنين راحت نطه فى حضنه وضماه أوى ومش قادره من كتر البكا تتنفس
فارس 
بعدها عنه بهدوء  اهدى اهدى بلاش عشانى عشان النونو اللى جاى
حنين  هه آه عارف هيبقى أحلى فارس فى الدنيا
فارس  وليه متبقاش أرق حنين فى الدنيا
حنين  مش مهم المهم إنو يبقى وسطنا وإنت معانا 
فارس  إن شاء الله 
بلغو الدكتور ومعرفوش حد عشان تبقى مفاجأه
وفاتت ليله جميله على حنين بعد عذاب ليالى طويله صحيت تانى يوم خاېفه تفتح تلاقى الحلم اتبخر لكن لقته حقيقه ولأنه صحيا خف تماما وكانو منتظرينه بس يفوق أصر يروح وبعد ما الدكتور اطمن عليه خد حنين وروحوا عشان يفجأوهم هناك أول حد شافهم كانت يارا فى بلكونتها ماكنتش مصدقه بصت أوى لقت حنين بتبصلها وتضحك وتهز راسها بالموافقه يعنى أيوه دى حقيقه مش حلم نزلت يارا تجرى وتصرخ وتنادى على جدها
يارا  حنين رجعت وفارس معاها فارس خف وبقى كويس يا جدو 
فؤاد ساب الفطار وخرجوا بسرعه كان فارس رن الجرس وأول ما أم محمد فتحت رقعت أحلى زغاريط لمت كل البيت 
كانت دموع الفرحه سابقه الكلام والاحضان مش سيباه وبعد ما استوعبوا المغجاءه وقعدوا وهديوا فارس بلغهم كلهم بحمل حنين الفرحه دى بقى نستهم كل عذاب الأيام اللى فاتت بقت المباركه مصحوبه بضحك ودموع ولوم ازاى تخبى واهملتى نفسك وقرروا إن فرح زين ويارا يبقى بعد ولاده حنين لكن حنين وفارس صممو إنه يبقى بعد شهر بعد اللى عاشوه محجاش بقت تضمن يبقى لازم يستعجلو الفرحه وعلى رأى زين زين  كده أحسن بدل ما اجى أتصور مع عروستى تشيلونى ابنكم ويعملها عليا يوم فرحى
فات الشهر اوام ويادوب حضروا للفرح 
يارا كانت أميره فى فستان الفرح وزين كان فارس أحلامها بأناقته وشياكته وأصر الفرح يبقى فى الفيلا لغرض فى نفسه بعد ما زفوهم لحد الكوشة استعجل رقصه الصلو وفى نهايه الرقصه
زين  بتحبينى
يارا  وانت لسه جاى تسأل دلوقتى
زين  آه وهتجاوبى
يارا بكسوف  أيوه 
زين  طيب إنتى دلوقتى مراتى وكلامى بس اللى يمشى فاهمه
يارا  فاهمه
زين  طيب يبقى تيجى معايا بدون نقاش
يارا  على فين
زين  ماقولنا بدون نقاش
أول ما الرقصه خلصت وقف الموسيقى وقالهم
زين  إحنا كتابنا اتكتب واتزفينا وخلاص بقت بتاعتى الفرح عندكم افرحوا اټخانقو اتصالحو براحتكم أنا ما يلزمنيش غير عروستى بالاذن آه ومتدورووش علينا لما شعر العسل يخلص إن شاء الله هنرجع
وخدها وساب الفيلا وركبوا العربيه ومشيو والكل مزبهل ولما استوعبوا اللى حصل فضلوا يضحكوا وسهروا وانبسطو ا وبعدها خرجوا كل واحد على بيته 
كان زين وصل بيارا لفندق فخم حجز فيه جناح للعروسين مزين بالورود لأجمل وأرق عروسه فى الدنيا 
سعاده يارا وفرحتها نستها أى سؤال أو مناقشه بخصوص اللى عمله
وهو كان معزور يوم خطوبتهم قلبت غم وكله اټخانق خاف للفرح يقلب غم وينكدوا عليه
بدأت حياته الجديده مع حبيبته اللى جننته وعلقت قلبه بيها وطيرت النوم من عينيه
ربنا يسعدهم ويسعد كل اتنين قلوبهم اتجمعت فى الحلال
تمت بحمد الله
أتمنى تكون عجبتكم
إيمي عبده