رواية هتجننى بقلم ايمى عبده

تبقى علاوه ترقيه مش مهمه جديده
المدير والله دا اللى عندنا ولما ربنا يوفقك فى المهمه دى ليك علاوه ممتازه
زين  يا فرحتى 
المدير  نعم
زين  بكح يافندم
وبعد ما زين رجع الفيلا نادى على أمه عشان الغدا
فاطمه مش نافع أنا راحه لشهد
زين  طب خلاص يا أم محمد
فاطمه  أم محمد جايه معانا 

زين ليه طالعين رحله
فاطمه أختك سهرانه جنب الواد طول الليل وبتنام بالعافيه والداده كبيره فى السن ومن ساعه آخر مره لما مشت الشغاله محدش بيخدمهم إيه ټموت من الجوع هناخد أكل وأم محمد هتقعد عندها تساعدها لحد ما الواد يخف
زين الله اومال مين هيخدمنا إحنا
فاطمه حنين أهه 
زين  ياماما حنين مرات ابنك مش شغاله هنا
فاطمه وهو أنا جبرتها هيا اللى عاوزه كده واتطوعت من نفسها وهيا اللى قالتلنا على فكره مرواح أم محمد لشهد
زين  ياماما بدل ما تعلميها تهتم بجوزها بتعلميها الغسيل دا شهد اللى المفروض كنتى تعلميها ماكنتش بتحط ايدها فى حاجه
فاطمه وأنا مالى هيا جايه متعلمه جاهزه
زين  ياماما 
فاطمه اوووف أنا مليش دعوه اهى عندك كلمها قلتلها ملهاش دعوه قالتلى بتسلى
زين بينادى حنين 
حنين  أيوه حد بينادى
زين  يا نهار هباب إيه المنظر ده
حنين  فى إيه 
زين  إنتى اللى فى إيه الله يعينك يا فارس دا أنا لو رجعت البيت ولقيت مراتى كده هولع فيها وإيه دا بصل حنين  فى إيه مش بطبخ
زين  وإيه علاقه شعرك بالموضوع دا إنتى ولا اللى طالعه من حريقه
حنين  اوووف بطل تريقه قولى كنت بتسأل ليه
زين قدامى
حنين  على فين
زين  متسأليش
اخدها بالعافيه وركبها العربيه ووداها بيوتى سنتر وطلب منهم يحولو الكائن ده لانثى واستناها لحد ما بقت فينوس بعد ما كانت ست أبوها 
اخدها معاه البيت وأول ما وصلو كان فارس رجع من بره وأول ما شافها تنح
زين همسلها  شوفتى عشان تصدقى كنتى مطفشاه
فارس  حنين إنتى إنتى 
زين إيه إنت هنجت ولا إيه 
فارس  هه لا أبدا بس أصل أنتو كنتو فين
زين  كنا بنتفسح قلت افسحها مادمت إنت مبتفسحهاش
فارس وهيا طلبت وأنا قلت لأ دا غير إنها مشغوله مع ماما دايما
زين بهمس  سامعه دى فرصتك تصلحى بلاويكى شويه دلع بقى
حنين  يعنى أعمل إيه 
زين  يابنى ادمه ادلعى إيه متعرفيش قلدى هند رستم حنين  إيه 
زين  خليها مارلين مونرو
حنين  نعم
زين  خلاص مشيها صافينار
حنين  انت اتهطلت
زين  ليه عشان بقولك ادلعى على جوزك تصدقى له حق يتمسك بالمرحومه عن اذنكم أنا داخل دا غلب إيه ده
حنين  ماله ده
فارس وهو لسه متنح مش عارف 
حنين  وانت مالك
فارس  هه مش عارف
حنين انت علقت
فارس  مش عارف
حنين  هههههه إنت مبلم كده ليه
فارس بيقرب منها بهدوء إنتى صحيح عاوزانى افسحك
حنين بخجل دا لو ميضيقكش
فارس  يضايقنى دا أنا أتمنى ثوانى هاخد شور واجى حالا ولا أقولك أما نرجع
حنين حست إنه مجهد استنى بلاش النهارده
فارس  ليه بس
حنين  انت راجع مجهد خلينا النهارده نتعشى هنا
فارس  سوا
حنين سوا
فارس طب مانتعشى سوا لوحدنا
حنين  ازاى
فارس  فى اوضتنا 
حنين اتكسفت وبصت فى الأرض ومسك ايديها ودخلو الفيلا
زين  أنتو لسه هنا
فارس  هنتعشى هنا أنا راجع خلصان
زين  ياخيبتك التقيله
فارس  بتلبخ بتقول إيه 
زين  بغنى ظلموه
فارس  غنى يا أخويا على ما العشا يجهز 
زين بتريقه عشا لهو إنت متعرفش
فارس  خير
زين  أمك استحلتها ومن الضهر وهيا عند شهد وواخده أم محمد معاها وحنين لو ما انقذتش المطبخ منها النهارده كانت عملت عمليه نزع حلل من شعرها والأكل مهناش أكل 
حنين  ياخبر أنا هجيب اع
قاطعوها الإتنين بزعيق  لاااااا
حنين اټفزعت  فى إيه 
زين  إحنا ماصدقنا طلعناكى من المطبخ خدها معاك وإنت طالع وأنا هطلب لكم دليفرى معايا على ماتجيب الفلوس
فارس باستغراب  فلوس إيه 
زين  اومال الدليفرى ده مين اللى هيحاسب عليه
فارس  هو إنت مش عازمنا يا ابنى
زين  لا ياحبيبى كفايه عليا فلوس الييوتى سنتر دا أنا المفروض تدينى علاوه خليتلك حسنات بقت ملكه جمال
فارس حسنات مين 
زين  أم برعى اللى جنبك آه لو كنت شفت شكلها كنت قطعت الخلف
فارس  ههههههه
حنين بتخبطه بالكوع  انت بتضحك على إيه
فارس وهو بيحاول يدارى ضحكته بملامح جاده  ولا حاجه جرى إيه يا زين دى حنين قمر من غير ماجه
زين  آه أمر بالستر أطلع الله يرضى عليك أنا عارف العيله دى جايه عليا بخساره بس برضه هات حساب الدليفرى
طلع فارس خد شور كانت جهزتله حنين هدوم ومستنايه خرج بالبرنس وهيا أول ما شافته كده وشها بقى لون الطماطم وهو استغلها فرصه وقرب منها راحت راميه الهدوم فى وشه وجاريه وهو ملقاش رد غير إنه يضحك زين شافها نازله تجرى وملخبطه وحالها حال فهم ومتكلمش شويه وفارس نزل اتعشو وعز وفاطمه رجعوا وقضوا سهره حلوه لعب وهزار وحواديت
بس ياخساره فارس بعد ما قضى ليله أحلى من الحلم مع حنين جاله الکابوس المعتاد وحنين سمعته وهو بينادى باسم رشا بقت هتتجنن 
رجعت حنين تبعد عنه تانى وهو هيطق مش قادر يفهم التحول المفاجىء دا سببه إيه وهيا مبتقولش
زين راح شغله ويارا راحت فيلا عز تزور حنين وأعدو يتكلمو
يارا بفرحه بجد متأكده
حنين  آه إمبارح كنا عند شهد والولاد شبطو فى جدتهم ورجعت لوحدى عديت من هناك قلت اتفرج منزليين حاجات تحفه 
يارا  كده يبقى لازم أروح استنى هقول لزين
حنين باستغراب  زين
يارا  آه ياختى أصله عملى حظر تجول
حنين  هههههههه ليه
يارا  أصلى من يومين خرجت اتفرج على المحلات وتوهت
حنين  إيه وبعدين
يارا  سألت الناس ألاقى تاكسى فين وقالولى وركبت تاكسى ورجعت الفيلا ومن عبطى قولتله ومن ساعتها منع خروجى لوحدى
حنين  إيه دا طب ما إنتى جيتى لوحدك أهوه 
يارا  آه ما السواق اللى جابنى وبعد ما استأذنته
حنين  وهتفضلوا كده على طول
يارا  قالى لحد ماتبقى مراتى واعرفك الطرق والعناوين
حنين  هههههههه
يارا  بطلى ضحك بتغظينى كده 
يارا اتصلت بزين ورفض طبعا ويارا طلبت من حنين تروح معاها عشان زين يوافق لكن هيا رفضت عشان لو خرجت هيعجبها حاجات وهتشترى وأكيد هتطلب فلوسها من فارس وهيا مش عاوزه كده
وقفت يارا تتحايل على حنين وحنين رافضه
فى نفس توقيت رجوع فارس البيت كان وراه محاضره واحده بدرى ورجع وأول ما دخل لقى حنين بقى ھيموت وياخدها فى حضنه مهو من يوم ما سمعته بيخرف باسم رشا وهما بينامو ضد بعض وبتصحى بدرى وتنزل قبل ما يصحى وبتتهرب منه
يارا  يوووه
فارس  جرى إيه 
يارا  عاوزة أعمل شوبنج
فارس  طب ماتعملى
يارا  زين مش راضى
فارس وهو ليبص لحنين  ليه
حنين  عشان هيا متعرفش حاجه هنا ومينفعش تخرج لوحدها تتسوق وهو مش فاصى
فارس  طب ماتروحى معاها
يارا وهيا بتحاول تدبس حنين عشان تروح معاها  مش راضيه مع إنها كانت بتقول عاوزه تشترى حاجات ليها 
فارس  ليه
حنين وهيا بتحاول تخلع من الموضوع  عشان ذوقى وحش مبعرفش أختار وهيا ذوقها غريب
فارس  طب إيه رأيك فى ذوقى
حنين  حلو بس عشان نستغل ذوقك يبقى لازم تبقى معانا
فارس  ماشى
حنين  ماشى إيه
فارس  هاجى معاكم 
يارا بجد
فارس  ايوة 
حنين  بس كده هنتعبك معانا إحنا هنلف كتير
فارس  لأ من الناحيه دى اطمنى أنا عارف أماكن محلات ممتازه يعنى مش هنلف كتير
حنين بغيظ  والله طيب
فارس  أنا طالع أغير تكونوا جهزتوا
يارا  أنا جاهزه
فارس  وحنين
حنين  آه جاهزه
بعد ما مشى
يارا فى إيه مالك