رواية هتجننى بقلم ايمى عبده

وبس لو إنتى مش عاوزه خلاص طنط منك زى العسل
حنين لأ ازاى وأنا هلاقى أحن منك ماما
فاطمه ربنا يسعدك يابنتى يارب 
يارا مبروك يانونا
حنين الله يبارك فيكى عقبالك ياحبيبتى
فؤاد قريبا جدا
حنين ايه دا فى حاجه أنا معرفهاش
فؤاد اومال هتقول ياعز ولا اقول أنا 
عز لا أنا ولا إنت العريس يتكلم
زين لقاهم بيشقطوه لبعض وهو نفسه يختفى فى اللحظه دى خبى وشه بايده وبص فى جهه تانيه

فؤاد شكله مكسوف خلاص قول إنت يا أبو العريس
عز حدف القنبله زين خطب يارا
الكل إيييه 
محدش مستوعب امتى وازاى وفين
عز النهارده قبل مانيجى على طول
فاطمه طب مش كنت تبلغنا نفرحلك ولا خلاص كبرت ومبقناش نهمك
زين ياماما إيه الكلام ده بس أنا طلبت ايدها بس 
فاطمه ومقلتليش ليه ولا أعرف زى أى حد
زين أنا نفسى ماكنتش أعرف إنى هخطبها 
فاطمه نعم وبصت لعز
عز بعدين هفهمك اسكتى بقى
يارا الكلام جرحها واضايقت وخرجت الجنينه
شهد أنا هروحلها
زين لأ بلاش أحسن الفيلا تولع
شهد اخص عليك ليه فاكرنى هعملها إيه 
زين لأ وانتى الصادقه فاكرك إنتى وهيا هتعملو فيا إيه 
إيهاب هههههه ماتخفش شهد بقت اليفه نوعا ما
شهد ليه نسناس 
إيهاب لأ ياروحى نسناس إيه إنتى أكبر من كده بكتير
شهد أيوه كده
إيهاب إنتى تنفعى بديل غوريلا
شهد كده طب ماشى وهات يا ضړب باللكميات فى كتفه
يارا مطولتش بره عشان متنكدش على العرسان ورجعت 
زين دا أنا مستقبلى ضلمه
فاطمه يا لهوى يا ابنى ليه كده
زين منتش شايفه عمايل شهد
إيهاب وانت مالك ومال عمايلها وبعدين أنا بحبها وراضى بيها كده
شهد حبيبى ياهوبا
إيهاب مش للدرجه دى خفى شويه 
زين لأ ما يارا عينه شهد مش عارف حاسس إنك فى مره دعيتى عليا من قلبك ياماما واستجابت
فاطمه ليه يا ابنى دى البنت زى العسل 
زين آه بتلزق
يارا ودموعها على وشك النزول متشكره على ذوقك
زين بندم يارا أنا أنا بهزرمقصدش اهينك
يارا معدتش فارقه مبروك يا حنين وربنا يسعدك بحبيبك أنا هروح بقى يا جدو
فؤاد بس يابنتى سكت وحس بالندم كده هيظلمها مع زين ويشيل ذنبها
فؤاد بصى يا بنتى لو مش عاوزاه بلاش الجواز مش بالعافيه واوعدك هسيبلك حريه الإختيار أنا مقدرش اظلمك ولا اجبرك على عيشه بالشكل ده
زين انتبه إنه زودها بزياده ولازم يلحق الحكايه قبل ما تكبر ويارا تضيع منه ولو ضاعت المره دى مش هيعرف يلاقيها تانى 
زين انتو بتهرجو جواز إيه اللى بلاشه ولا أنا لعبه فى ايديكم وبص ليارا إيه ياهانم مش مالى عينيكى ولا إيه عاوزه تجوزى مين 
يارا عاوزه أتجوز حد بيحبنى ويحترمنى مش أحبه أنا وهو يذلنى
عز ما عاش ولا كان اللى يذلك يابنتى
يارا اومال هو باهناته دى بيعمل إيه 
زين أنا هعرفك بعمل إيه وشدها من ايدها وخر ج
عز على فين
زين هنتفاهم
زين خدها ركن بعيد فى الجنينه 
زين اقعدى
يارا حاضر
زين إيه المسكنه دى مش لايقه عليكى
يارا ملكش دعوه
زين أيوه كده هنتفاهم إيه رأيك فى المكان ده
يارا حلو وذوقه جميل
كان المكان تكعيبه عنب صغيره ممدوده بين أغصان شجرتين وشجره لبلاب ممدوده بينهم ومتقضبه عامله زى تلات حيطان ومتعلق فى أركانها اضواء هاديه تنور بالليل وفى سقفها لمبه كبيره عشان لو هيقرا حاجه وعلى النجيله مفروشه سجاده صغيره على ادها ومرتبه مقاسها فوقها وعليها مخده فى كل ركن كان الركن مساحته طولها مربعه بطول جسم زين ويكفى شخصين مش أكتر 
زين بابا قالنا كل واحد فيكم يختار مكان ويعمله ركن ليه وفيها أنوار كمان بتبقى حلوه أوى بالليل بابا وماما ليهم سوا بالعافيه 
يارا بالعافيه ازاى 
زين ماما كانت مصره تعملها ركن لوحدها قالتله اشمعنى أنا افرض مزعلنى اضطر أقعد معاك
يارا وبعدين
زين زعل واضايق وقالها خلاص خديه وأنا مش عامل أركان ولا زفت
يارا ياخبر وبعدين
زين مستحملتش واعتذرت وصالحته وعملو ركن كبير لهم وفى ركن لشهد وركن لإيهاب بعد ما ارتبطو ببعض عطفت عليه وضمو الركنين سوا
يارا هههههه عطفت عليه
زين اومال وبعدين لما ربنا رزقهم بالولاد وسعوا الركن وفارس له ركن وبكره تنضم ليه حنين
يارا وااو دا انتو قلبتو الجنينه شقق
زين يعنى عشان كل واحد يبقى براحته ويبقى ليه مكان على ذوفه وبعدين الأركان مش كبيره زى ما إنتى شايفه 
يارا حلوه الأركان دى بس لو عايزين تقعدو سوا هتعملو إيه 
زين هنقعد فى الجنينه بره إحنا عاملين الأركان دى ورا عشان محدش يدخلها غيرنا 
يارا بس انت دخلتنى واحد منهم أهوه
زين دا الركن بتاعى إيه رأيك ولا تحبى اغيره
يارا ليه وأنا مالى
زين مالك ازاى مش هتبقى شريكتى فيه
يارا أنا ! ازى !
زين لما نتجوز
يارا لأ يا زين
زين لأ هو إيه اللى لأ 
يارا مش هنتجوز
زين ليه 
يارا عشان إحنا مننفعش لبعض
زين ومين قال كده 
يارا تصرفاتك إنت مابتحبنيش ولا بتحترمنى وكمان عينيك زايغه وأنا مش ممكن أقبل بحاجه زى دى
زين ولو قلتلك إنى من ساعه ما عرفتك وأنا قلبى متشعلق بيكى ومش قادر أشوف غيرك 
يارا كداب ولا نسيت البت بتاعه البلاج ولا الممرضه اللى أول مره شوفتك كنت مهبول عليها
زين تصدقى محدش أهبل غيرك الممرضة أول ما وصلنا أوضه جدك اديتها سكه بعد ما شوفتك نفرت منها والبت بتاعه البلاج قلبتلها مصلح أمين ومشتها
يارا لا والله والروج اللى كان مغرق جسمك
زين كانت محاولات منها إنها تغرينى وفشلت بسببك
يارا باستغراب بسببى أنا ازاى
زين كل مره بحس كأن عينيكى بتبص عليا وتعاتبنى بتراجع وبكره نفسى حاولت أثبت لنفسى إنه عادى لكن مفيش فايده
يارا قصدك إيه 
زين قصدى إنى بحبك
يارا بتقول إيه 
زين كان خلاص مش قادر شدها بايده 
____________
فؤاد جرى إيه كل دا بيتفقوا 
عز أنا خاېف ليكونو مسكو فى خناق بعض روحى يا شهد شوفيهم
فارس لأ خليكى إنتى أنا اللى رايح
فارس كان تقريبا حاسس فخرج ماشفهمش فى الجنينه راح على طول على ركن زين
فارس احم احم
زين ويارا بعدو عن بعض وهما مرتبكين ويارا مكسوفه ووشها فى الأرض وبتحاول تظبط شعرها وهدومها
فارس شد زين من دراعه وخده على جنب 
فارس أهو دا اللى كنت عامل حسابه عشان كده قولتلهم أنا اللى هاجى أشوفكم 
زين جرى إيه كانت وحشانى يا أخى 
فارس مهياش مراتك ماتستهبلش يارا مش زى البلاوى اللى عرفتها قبل كده
زين عارف وبحبها
فارس مش باين لو بتحبها تحافظ عليها دا أنا بيتهيألى لو اتأخرت عليكم شويه كان زمانك بلاش أكمل 
زين تصدق فعلا أنا نسيت الدنيا ومقدرتش 
اتحكم فى نفسى وكنت هقضى عليها أنا بجد آسف 
فارس انت بتتأسفلى انا وبعدين الحاجات دى مفيهاش أسف لو حصل بينكم حاجه هتتكسر فرحتكم وحتى لو اتجوزتها عمركم ما هتنسوا الغلطه دى وحبكم هينتهى
زين خلاص يا فارس فهمت مش هختلى بيها لوحدنا كده تانى اتهد وأقعد بقى
فارس يا ابنى أنا بتكلم لمصلحتك
زين باس إنت هتسيح متخليك حلو دا أنا اللى ساعدتك فى جوازتك
فارس كانت مساعده مهببه
زين نهار أسود لهو أنتو ما أوعى تقول
فارس انت عبيط عاوزنى أتعامل معاها عادى بعد اللى عرفته لأ طبعا 
زين اومال عملتو إيه طول الليل
فارس ولا حاجه نامت فى اوضتى وأنا نمت فى اوضتك
زين بغيظ وحيات أمك
فارس زين احترم نفسك
يارا هو فى إيه 
زين مفيش