احببت تلك السمراء بقلم حوريه مصطفى
في البداية انا روحت اتقدمت لواحدة معايا في الشغل بعد تلميحات منها انها معجبة بيا وكده فأعجبت بيها واتكلمنا شوية وبعدين قررت اروح اتقدم ليها
روحت قعدت مع ابوها قالي اول سوال
عندك شقة
قولتلوا لأ
هنسكن في ايجار لحد ما ربنا يسهلها
المهم قولتلوا طلبات حضرتك يا عمي
قالي انه عاوز ٦٠ جرام دهب شبكة وهيجيب نص العفش ب ٩٠ الف وانا اجيب النص التاني في حدود ٩٠ برضو
والخطوبة علينا والفرح عليك
قولتلوا بص يا عمي
بالنسبة للدهب انا هجيب ٢٥ جرام
والعفش جيب الي حضرتك تقدر عليه وانا هجيب الي اقدر عليه
ومش هكتب في القايمة غير الي هتجيبوه وبالنسبة للدهب لو هكتبه في القايمة يبقى هاخده احطه عند ابويا في البيت لأنه امانة معايا لكن لو هيفضل مع بنتك مش هكتبه وهيتكتب في القسيمة انه مقدم مهر وبالنسبة للمؤخر انا اخري اكتب ٥٠٠٠ جنيه افرض محصلش نصيب ومتوفقناش انا وبنت حضرتك تغرمني ١٠٠ الف جنيه !
قالي انا بضمن حق بنتي
قولتوا حق بنتك في ايه حضرتك
مش حق البنت المهر مهرها وهتاخده والعفش الي هتجيبه هيتكتبلها في القايمة وقت لو لا قدر الله وصلنا للطلاق تاخده معاها وهي ماشية
لما روحت لقيت البنت بعتالي على الوتس تقولي ليه عملت كده انتا لو شاريني كنت قبلت بالي هو قاله
قولتلها والله يا حبيبتي انا شاريكي وحتى عمال أفاصل يمكن أخدك بسعر مناسب
طبعا هي قالتلي ايه القرف الي انتا بتقوله ده انتا كل الي همك الفلوس !
قولتلها يعني انتي مش عاوزة الدهب والقايمة والمؤخر
قالتلي ده ازاي يعني
قالتلي الفلوس ديه انتا بتمضي عليها عشان محدش عارف انتا بكرة ممكن تغدر بيا
قولتها حلو طب لو انا مضيت انتي ايه يضمنلك اني مش هغدر بيكي
قالتلي انك متزعلنيش
قولتلها والله ده الضامن
قولتلها امضيلي على شيك بنص مليون مثلا
قالتلي انتا مش راجل ازاي تقبل ان ست تمضيلك على شيك
قولتلها مهو ابوكي رضي
يمضيني على وصل امانة اسمه القايمة
المهم طبعا دخلت في اسطوانة انتا ضحكت عليا وكنت فاكرة انك بتحبني وانك وانك وطلعت غدار و وو و
المهم لقيت ابوها بيتصل بيا بيقولي كل حاجة قسمة ونصيب واحنا للأسف مش هينفع نقبل بيك
قولتلوا مفيش مشكلة يا عمي وربنا يرزقها الي احسن مني مائة مرة
هل كده انا غلطت
