رواية نادرة قلبي بقلم دعاء أحمد
مفهوم وهو بيعيط حسن رغم انه مكنش فاهم حاجة لكن ابتسم وهو بيمسح دموعه بحر كانت بتبص لياسين وهي زعلانة أنها شايفه بيعيط بالشكل دا قامت وراحت قعدت جنب حسن وفضلت تتطبطب على ياسين
خالص أنا مش زعلانة متعيطش
نادرة ابتسمت بحزن عارفه انهم بيحبوا بعض لكن فعلا بيتخانقوا كتير جدا والمرة دي قلبت بجد لان حسن كان جاي من الشغل مصدع ولما شاف ياسين بيعضيها بالشكل دا وبيتخانقوا كدا اتعصب عليهم وڠصب عنه أعصابه فلتت
حسن بحزن
عارفة والله لو كان كبير شويه وفاهم هو عمل ايه كنت خليتك تضربيه زي ما هو عمل معاكي بس هو صغير بس اوعدك مش هيعملك حاجة بعد النهاردة
بحر مردتش على حسن وهي بتقرب من ياسين
أنت زعلت عشاني المرة دي وجعتني بس أنا مش زعلانة أنا عارفة أنك مش قصدك توجعني
حسن حضنها وغمض عنيه وهو مش عارف يتصرف معاهم ازاي
بعد ساعة تقريبا نادرة كانت بتنيم ياسين وحين قاعدة مع بحر في اوضتها قام لما اتأكد انها نامت وراح اوضته نادرة كانت بطلع هدوم ليها علشان تاخد دش بصتله بضيق ومتكلمتش
حسن مالك
نادرة مفيش
حسن بجدية عليا أنا مالك
نادرة پغضب وهي بتحط الهدوم على السرير
في أن الطريقة دي متنفعش يا حسن أنت بتزعق لطفل عنده سنتين ونص هو اصلا مش فاهم حاجة هو اه عضها وضربوا بعض بس دول أطفال مينفعش تعلي صوتك كدا معاهم
حسن
وانتي مش ملاحظة أنك بتعلي صوتك عليا دلوقتي ثانيا الأطفال دول ضربوا بعض بسببنا إحنا لأننا مش عارفين نتعامل معاهم صح عارفة ايه المشكلة المشكلة اننا لما بنشوف واحد فيهم بنديله كل الحب والاهتمام والتاني بيبقى واقف وبيغيروا اه بنحبهم الاتنين كتير اوي لكن مش عارفين نساوي المعاملة بينهم وهم الاتنين موجودين نادرة بالله عليك أنا الدنيا كلها فوق دماغي وانتي اكتر واحدة شايفه دا وحاسة بيه أنت عارفة اني مبنامش تقريبا من الضغط اللي أنا فيه من هنا لهنا وبحاول والله العظيم بحاول اظبط مواعيدي بس صدقيني والله العظيم البيت دا اهم عندي من أي شغل أو
أي حاجة تانية مش عايز اقصر في حقكم بس صدقيني لو الفترة دي صعبة فڠصب عني فرح عامر غير حاجات كتير وانا بقيت مسئول عن الشغل اللي هو كان بيعمله وصدقيني ڠصب عني غير موضوع الولاد اللي زاد أنا آسف حقيقي والله العظيم بس أنا محتاج القى الهدوء اللي افتقدته محتاج القيه في حضنك على الأقل لو اتعصبت فدا
حقك عليا يا حسن بس صدقني أنا مكنتش فاهمة اللي بتمر بيه أنت طول الوقت بتبين انك كويس ولما بتكلم معك مش بتحكيلي عن همومك في الشغل بس صدقني حاسة بيك وعلى فكرة الولاد بيحبوا بعض اوي يمكن لأننا مش عارفين نسيطر على حبنا ليهم أدام بعض بس صدقني هم بيحبوا بعض اوي ودموع ياسين غالية اوي على بحر ودموع بحر متهونش عليه رغم انه صغير ومش فاهم حاجة بس حاسس وبيحبها وصدقني دي شقاوة أطفال مش أكتر
بعد يومين في القاعة فرح عامر عامر كان بيرقص مع ياسمين مراته كان وسيم جدا وفرحان جدا وحسن معه ومينا وإسلام وسليمان وعبد الرحمن والده وشباب المنطقة وكل أهل الحي تقريب عامر كان واقف على الاستيج وبيرقصوا سوا وهو مبتسم وفرحان.
نادرة كانت واقفة مع سمارة وبحر ونغم وهم بيتكلموا
سليمان احم ممكن ثانية يا سمارة
سمارة بارتباك أنا
سليمان اه لو معنديش مانع
نادرة بسرعة لا طبعا معندهاش مانع
سمارة بصت في الأرض بخجل مكنتش تحلم أن في يوم من الأيام ممكن حب يحبها هي بتشوف الحب في عيون سليمان رغم انه عارف ماضيها لكن مفيش مرة شافت نظرة قسۏة أو سخرية في عيونه ليها راحت معه في جنب ونادرة بتضحك هي ونغم
نادرة شكلنا كدا هنقرا فاتحة قريب
نغم يارب
سمارة اتفضل يا أستاذ سليمان
سليمان
بصي يا سمارة بصراحة أنا زهقت من الف والدوران حواليك وبصريح العبارة كدا أنا معجب بيكي جدا ومش عارف لو دا إعجاب ولا حب الله اعلم بس أنا نفسي تكملي معايا حياتي وتكوني مراتي على سنة الله ورسوله
سمارة بس أنا.
سليمان بسرعة
سمارة لو هتتكلمي عن الماضي فبلاش لو سمحتي أنا بتكلم عن سمارة البنت اللي واقفه أدامي دلوقتي أنا عارف انها انسانة جدعة وبنت بلد وأنا عارف اني اتسجنت بس والله العظيم كان ظلم بس ربنا كرمني لما عرفت حسن ودلوقتي بشتغل والحمد لله حياتي بقيت أفضل مش ندمان على حاجة حتى مراتي لما اتطلقنا في المحكمة مكنتش زعلان أنا بس كنت خاېف على بنتي وهي دلوقتي تحت عيني بس من حقنا بقا نفكر في حياتنا أنا مش صغير ماليش حد يسال عليا أو يكمل معايا اللي باقي من عمري وانتي كمان اللي اعرفه أن ماليش قرايب خلينا ندى بعض فرصة وصدقيني عمرنا ما هنفتح اللي فات خلينا نكمل في اللي جاي يا سمارة. اتمنى حقيقي انك توافقي
سمارة
طب اديني يومين افكر فيهم يا أستاذ سليمان بعد اذنك
سليمان بابتسامة جميلة
اتفضلي وهستنا ردك
حسن والشباب كانوا بيرقصوا ويا عامر وباين عليهم الحماس والفرح حسن بصوت عالي بسبب ألاغاني الف مبروك يا عامر بس أنجز عايز ابقا عمو أنت فاهم
عامر بفخر وابتسامة سعيدة عيب عليك عد من هنا لتسع شهور
حسن بمرح وضحك
على الله بس ترفع راسنا على العموم أنا بقا عامل معاك الصح حجزتلك في فندق في الساحل اسبوعين تاخد ياسمين وتطير على هناك واتبسط علشان صدقني هترجع للشغل مش هرحمك
عامر بحماس
اجدع أبو على والله بقولك شكلي حلو
حسن
أبو شكلك عريس قمر روح لمراتك
عامر حضنه بحب اخوي
تسلم يا حسن
مينا كان واقف مع مريم مراته وهم فرحنبن لان مؤخر نشأ علاقة صداقة قوية بينهم وبين حسن وعامر ونادرة
مينا
فكروني بيوم فرحنا
مريم بحب
حبيبي اليوم دا كان جميل اوي على فكرة أنا بحبك اوي يا مينا
مينا ابتسم وباس راسها بسعادة
حسن راح ناحية نادرة اللي قاعدة مع جليلة مساء الفل يا حماتي
جليلة
مساء النور يا حبيبي عامل ايه يا حسن ليك وحشه
حسن بود أنا بخير الحمد لله
بعد تلات شهور في أسوان حسن وصل البيت هو ونادرة نفس المكان اللي قضوا فيه شهر العسل بتاعهم قبل نحو تلات سنين ونص نادرة كانت متضايقه انها سابت بحر وياسين مع جليلة لكن فرحانة انهم اخير هيقضوا وقت تاني لوحدهم بعيد عن الدوشة ليها وبس.
نادرة ابتسمت بدلال وهي بتلف له وبتقف في وشه لفت ايدها حوالين رقبته
وحشني اوي وأنت كمان وحشتيني اوي نفسي نلف كل مكان جيناه هنا اقولك سر يا حسن أنا
حسيت اني بحبك أول مرة وانا هنا في المكان دا أنا معاك بحس اني طفله صغيرة كانت مفتقدة حاجة مهمة ولقيتها بيك مع كل يوم كنت بتثبت ليا اني كنت اغبى واحدة في الدنيا لما قلت لبابا مستحيل اتجوزه مع أن مع الوقت أنت قدرت تثبت ليا
