رواية نادرة قلبي بقلم دعاء أحمد
أنت ناوي تشتريه لوحدك ولا أنت وعامر زي معرض قطع الغيار
حسن
هو أنا وعامر بنفترق يا بنتي أن شاء الله اه ومعانا سليمان ومينا هو هيهتم بالشئون القانونية وكل حاجة تخص القانون أنا كلمته وهو رحب بالفكرة جدا
نادرة بقلق
سليمان يا حسن أنت متأكد
حسن
نادرة سليمان اتحبس ظلم بسبب رحاب وبعدين فات سنة ونص وعرفنا نثبت انه كان برئ وعملنا قضيه تعويض وربنا اثبت برائته يمكن متأخر وقضي اربع سنين في السجن ظلم لكن أنا قعدت معه في السجن يا نادرة وفي السجن محدش بيتجمل كل واحد بيبان على حقيقته وصدقيني هو شخص كويس وعلى فكرة سليمان كلمني وقالي انه عايز يتجوز سمارة الحمد لله وصل لبنته واتطمن عليها واخد حكم من المحكمه انه يشوفها لان والدتها كانت رافضه حياته بدأت تستقر وناوي يتجوز وكمان دا شغال معايا في المعرض من وقت ما خرج من السجن وآمين جدا
نادرة
طب وسمارة وافقت ولا لسه
حسن
مش عارف الصراحة بس حاسس أنها هتوافق وكمان عامر فرحه قرب خلينا بقا نفرح لهم
نادرة
ربنا يسعدهم كلهم يا حسن يارب
حسن ابتسم بخبث وهو بيقف قصادها
طب بقولك ايه احنا الحمد لله ربنا فتحها علينا وأنا دنيتي اتظبطت جدا أنا والشباب انتي بقا مش نفسك في حاجة اطلبي أي حاجة نفسك فيها
نادرة بتفكير
نفسي تعمل حاجة يا حسن بس ماتفهمنيش غلط بص أنا نفسي تمسك شغل بابا هو صحته مش أفضل حاجة ومحتاج يرتاح وهو عمره ما هيهدا غير لما يتأكد أن معارض الأجهزة الكهربائية ماشيه تمام وهو طلب مني اقولك يا حسن هو بيحبك وبيثق فيك وعارف انك ذكي هتعرف تحافظ عليه هو لو كان واثق أن يحيى جوز مرجانة بيفهم في الشغل دا مكنش هيتردد يطلب منه ودا مش تقليل منك يا حسن بس بابا تعب لحد ما كبر الشغل دا بالله عليك فكر يا حسن
حسن
حاضر يا نادرة أنا ياستي هروحله بكرا واقعد معه افهم الدنيا ماشية ازاي
نادرة
بجد روح يا حسن ربنا يسعدك على اد تعبك يارب
حسن
انتي سعادتي يا نادرة وكفاية وجودك معايا انتي والولاد غمضي عينك بقا
نادرة بصتله باستغراب وغمضت عنيها حسن طلع خاتم من جيبه ولابسه ليها نادرة فتحت عنيها وبصت للخاتم
دا ليا
حسن بابتسامة
اه يا ستي ايه رأيك
نادرة بحب
دا حلو اوي يا حسن حلو اوي
حسن
مبروك عليك يا نادرة قلبي.
نادرة
نادرة قلبك حلو الاسم دا يا حسن
حسن
طول عمرك نادرة قلبي من يوم ما عيني شافتك.
نادرة بسعادة
أنا بحبك يا حسن بحبك اوي
عمري ما تخيلت اني هبقي سعيدة كدا
حسن
وأنا بمۏت فيكي
بعد يومين حسن كان عند والدته نايم وحطط رأسه على رجليها وهي بتملس على شعره بحنان
حسن
ربنا كرمني اوي ياأمي كرمني بالوسع وحبب فيا خلقه كان نفسي ابويا يبقى موجود وعايش يشوفني وانا بكبر اسم الصياد
دعاء بابتسامة
محمود زمانه مرتاح في قپره يا حسن ادعيلها بالرحمه يا ابني واوعي الغرور ياخدك في يوم من الأيام مهما نجحت أو حققت لان الغرور يا ابني آخرته وحشه اوي وأنت بتكبر وبتكبر أسمك اوعي تنسى حق الغلابة واوعي تيجي على غلبان وتفتكر أن في حد ممكن ياخد منك رزقك كل واحد بياخد نصيبه يا حبيبي وخليك حنين على أهل بيتك واوعي يجي اليوم اللي تقل فيه باصلك وتيجي على نادرة لأنها استحملت معاك في بساطة الحال وفي أسوأ الأحوال وكانت واقفه في ضهرك اوعي يا ابنى تغش أو تاخد حق مش حقك وخالي بالك على اختك دايما فاهمني يا حسن
حسن ابتسم براحة وبأس ايديها
ربنا يديمك لينا بخير دايما يارب
دعاء
ويسعدك يا ابني
حسن اتعدل وقعد أدامها
على فكرة أنا عندي ليكي خبر حلو أنا حجزت ليكي في موسم الحج الجاي وان شاء الله السنة دي تبقي على جبل عرفات وتلمسي الكعبة
دعاء بصتله بعدم تصديق ودموعها نزلت
بتتكلم جدا يا حسن
حسن بأس ايدها
بتكلم جدا يا ست الكل
دعاء بسعادة ودموع
أنا مش مصدقة معقول ذا أنا كل يوم بدعي ربنا
أني ازورها قبل ما اموت
حسن بحزن
بعيد الشړ عنك يا ماما دا أنا اتوه في الدنيا من غيرك اتوه لو انتي مش جانبي دا مهما حبيت ناس أنت بالذات فوق الكل أنت بالذات مقدرش أبعد عنها احس اني بمۏت بتخنق دا انتي اللي قولتيلي اللي يراضي امه ربنا يحبب في خلقه عمري ما هنسي تعبك علشان تربيني أنا وتبارك دموعك وحزنك بعد ۏفاة ابويا ومع ذلك وقفتي علشانا ربنا يحفظك لينا يا أمي بالله عليك بلاش الكلام دا
دعاء
ربنا يراضيك يا حسن يا رب
حسن ابتسم بحب ونام وسند راسه على رجليها بارتياح
بعد نحو ست شهور حسن وعامر فتحوا معرض العربيات اللي كانوا بيحلموا بيه إلى جانب معرض قطع الغيار. عامر بيجهز لفرحه اشتري شقة تانية صغيرة في نفس الحي لان الفلوس اللي كانت معه قرر انه يستثمرها في الشغل وواحدة واحدة يكبر سليمان استلم شغل الحسابات في المعرض وحياته اتغيرت جدا بعد ما خرج من السجن ورفع قضية تعويض بسبب الأربع سنين الظلم اللي اتحبسهم. سمارة بتفكر في عرض سليمان في موضوع الجواز متنكرش أنها مبسوطة بالفكرة ومعجبه بيه لكن مش عارفة تاخد خطوة جدية فيه جليلة ودعاء وتبارك والحج موسى حياتهم ماشية طبيعي جدا بالعكس مليانة فرح وخصوصا لأن تبارك حامل في الشهور الأولى.
ياسين وبحر دايما في خناق مع بعض لأنهم بيغيروا من حب حسن ونادرة ليهم.
حسن مسك شغل الحج موسى وبيحاول يظبط وقته علشان يوفق بين شغله وشغل والدها اللي فرح جدا بموافقة حسن.
في بيت الصياد حسن كان قاعد بيبص لياسين بضيق ولبحر اللي بټعيط
حسن
طب ممكن أفهم أنت معجون بماية عفاريت يالا أنت يعني لما أنت لسه مروحتش ولا جيت وضړبتها كدا أومال لما تكبر هتعمل ايه يعني سنتين ونص وعامل كل المشكلات دا
ياسين كان قاعد جنب بحر وباين عليه انه زعلان رغم أنه مش فاهم حاجة ولا مستوعب بس زعلان انها بټعيط
نادرة كانت شايلة بحر بتهديها لأنها بټعيط بهستريه وحطه ايدها على خدها اللي باين عليه أثر العض بقوة بفعل ياسين
نادرة
حقك عليا يا بحر متزعليش والله هو ميقصدش
بحر بدموع وڠضب
لا هو يقصد هو عضڼي بقصد وشي بيوجعني اوي
نادرة حضنتها بحزن وهي بتبطبط عليها
طب خليني احطلك تلج مش هيوجعك
بحر كانت بټعيط بشقهات متقطعه حسن مكنش عارف يعمل ايه وخصوصا لان ياسين فعلا مش كبير كفاية انه يزعق له
حسن بضيق
ممكن افهم عملت كدا ليه
ياسين مردش عليه وعيط پخوف من نبرة صوته العالية ومسك في نادرة
نادرة
مش كدا يا حسن براحة
حسن اخد نفس عميق وهو بيحاول يهدأ لان ضغط وزحمة الشغل مأثرة عليه ابتسم بحنان وهو بيشيل ياسين وبيقعد على رجليه
أنا آسف يا عم بس أنت كمان غلطان مش كل يوم خناقة يعني خالص بقا
ياسين فضل يتكلم كلام مش
