رواية نادرة قلبي بقلم دعاء أحمد
بس حقيقي تعبت من الخناق يا نادرة ومش عايزاه دا يأثر على مالك
نادرة
يبقى تتكلمي معه وتصارحيه يا مرجانة
مرجانة
ماشي يا ستي قوليلي انتي بتعملي ايه دلوقتي
نادرة
بجهز الغداء عاملة مكرونة بالبشاميل وجلاش وبعمل السلطة
مرجانة
بالهنا والشفا ياسين وبحر عاملين ايه
نادرة
بخير الحمد لله بقولك يا نغم حماتي عايزانا نجيب أخ كمان لياسين
مرجانة بصحك
والله هي طلبت كدا
نادرة
مش بالظبط بس الكلام جاب بعضه بس بصراحة أنا مش مستعدة دلوقتي لأي حاجة مدرسة بحر وياسين سنة وتمن شهور يعني أنا مش هقدر اهتم باي حد تاني دلوقتي
مرجانة
طب وحسن رأيه أيه
نادرة
بصي هو مش معترض ومش بيزن على الموضوع اوي يعني وكمان هو مركز أكتر في الشغل من ساعة ما ساب المصنع مع الخواجة نيكولاس وهو مركز انه يقوم مشروعه هو وعامر
مرجانة بحب
ربنا يوفقهم يا نادرة يارب بس اقولك حاجة لازم تخلي بالك عليه وعينيك دايما تبقى عليه
نادرة باستغراب يعني ايه
مرجانة
يعني يا حبيبتي جوزك دلوقتي ربنا كرمه وعنده معرض لقطع غيار السيارات والراجل يا حبيبتي لما يطلع على وش الدنيا ويحس انه بقا من الطبقة الغنية عنيه بتبدأ تزوغ على دي ودي أو ممكن أي واحدة كدا ولا كدا تحاول توقعه
نادرة
حسن لا طبعا بصي يا مرجانة أنا وحسن مش عشرة يوم علشان افكر فيه بالطريقه دي أصلا حسن بيحبني وانا بحبه اوي كمان حسن أصيل يا مرجانة وقلبه اتختم بختم حبي ليه وعمره ما يخون
مرجانة
أنا ممكن احسدك على فكرة من غير ما اقصد يا نادرة لان العين والقلب ساعات يحسدوا من غير ما يقصدوا علشان كدا بلاش تقولي الكلام الحلو دا لحد حتى أنا وخالي الكلام دا لابو على ماشي يا ست نادرة
نادرة بحب
مع اني مش مقتنعه بس ماشي بقولك تيجي نروح جليلة بليل وحشتني بقالي يومين مروحتش عندها
مرجانة
بلاش أنا النهاردة روحي انتي وانا هبقي اروح بكرا
نادرة غسلت ايدها ومسكت الموبيل وخرجت من المطبخ
ماشي يا حبيبتي بس خالي بالك على نفسك هكلمك تاني.
مرجانة
ماشي يا عسل سلام مؤقت.
نادرة قعدت تلعب مع بحر وهي بتمسك ايد ياسين علشان يمشي أول خطواته.
بعد ساعة وربع تقريبا حسن وصل البيت وباين عليه الحماس والسعادة طلع السلم بسرعة فتح الباب لقاهم قاعدين في الصالة ابتسم بحب السلام عليكم ورحمة الله وبركاته
وعليكم السلام ورحمة الله وبركاته
بحر قامت بسرعة جريت عليه تحضنه
حسن
وحشتيني يا اوزعه
بحر بضيق
متقولش اوزعه أنا دلوقتي بقيت كبير في سنة تانية ابتدائي يعني كبيرة
حسن بمرح
خالص خالص متزعليش كدا هاتي حضن كبير بقا علشان انتي وحشاني اوي
بحر ضحكت بسعادة وحضنته وهو شاله على كتفه وقعد جانب نادرة على الأرض اخد منها ياسين وضحك بسعادة
وحشتني يا قلبي أنت
ياسين ضحك بطفولية وهو بيحاول يقوم ويمشي وحسن ماسك ايده وهم التلاتة بيلعبوا نادرة ابتسمت وسابتهم وقامت تجهز السفرة
حسن
بحر خالي بالك على اخوكي لحد ما اجي
بحر
حاضر بس دا بيعض شوف عمل فيا ايه لما كنت بلعب مع ماما
حسن بص ايديها باستغراب ورجع بص لياسين اللي بيضحك بعدم فهم حسن بحزن
بټوجعك لسه
بحر
شوية صغيرين بس هو أصلا من ساعة ما السنتين دول طلعوا وهو بيعض كل ما اقعد مع ماما بيعيط
حسن باستغراب
بيغير دا ولا ايه طب حقك عليا يا ستي هو لسه صغير ومش عارف هو بيعمل ايه بس بعد كدا خالي بالك وانتي تلعبي معه.
بحر حاضر
حسن ابتسم وبص للشنطة
اللي جابها معه وهو جاي فتحها وطلع منها شكولاته وزبادي بالفراولة وعصير
خدي يا ست بحر عارف انك بتحبيهم
بحر بحماس وسعادة كلهم ليا
حسن
وأنا عندي كم بحر يعني طبعا كلهم ليكي
بحر اخدت منه الحاجة وباسته من خده طلعت لسانها لياسين وكأنها بتغيظه
حسن ضحك وسابهم يلعبوا وقام دخل المطبخ لنادرة نادرة كانت بتطلع الصينية من الفرن
حسن
اساعدك في حاجة
نادرة
لو ممكن خد الأطباق على السفرة
حسن بابتسامة
حاضر يا ستي أي أوامر تانية
نادرة هزت رأسها بأه وشاورت له انه يقرب حسن رفع حاجبه باستغراب وساب الأطباق وقرب
نادرة مسكته من ياقة قميصه بغيظ
بعد كدا لما تجيب شكولاته لبحر هاتلى أنا كمان فاهم.
باسته من خده وبعدت اخدت الصنيع وطلعت حسن ضحك بسعادة واخد الأطباق وخرج وراها
نادرة
بحر ياله يا حبيبي علشان نتغدا
بحر وهي بتاكل شيبسي
أنا مش عايزه اكل يا ماما
نادرة
هقول ايه كله منك يا حسن قلتلك الف مرة بلاش شيبسي بيوجع لها بطنها وبيخليها مش عايزاه تاكل اتفضل أنت بقا اقنعها
حسن لبحر
عجبك كدا دي ست مفترية بتاع مشكلات تعالي ناكل علشان ممكن تعملنا مشكلة
بحر بحزن
مش عايزه اكل يا حسن بطني بتوجعني لما باكل
نادرة بزعل
علشان مش بترضي تاخدي الدوا بتاع بطنك أنا تعبت والله
سابتهم ودخلت المطبخ حسن قعد جانب بحر بحزن ممكن اعرف ليه مش بتأخدي الدواء انتي عايزاه تزعلينا.
بحر
الدوا مر اوي يا حسن
حسن بتفهم
حبيبتي أنا عارف بس لازم تاخديه علشان تبقى كويسة وتعرفي تاكلي وتكبري أنا اصلا لو كنت أعرف انك ماخدتهوش مكنتش هديكي الحاجة دي لأنها اصلا بتتعبك
بحر سكتت ووطت رأسها بحزن حسن بمرح وخبث
بس ممكن اجيبلك كل الحاجات اللي تحبيها لو اخدني الدواء
بحر دموع
خالص هخده بس بلاش نادرة تزعل
حسن
هي بتزعل لما تحس انك مش كويسه علشان كدا وعد تاخدي الدواء
بحر
وعد والله هاخده على طول
حسن ابتسم بحب وشالها على كتفه
يبقى ياله بينا بقا ناكل علشان الاكل ريحته حلوة اوي
بحر حاضر
قعدوا ياكلوا كلهم ونادرة شايله ياسين على رجليها وبتاكل بحر حسن كان بيبصلها ومركز معها وافتكر أول مرة شافها زمان وهو عنده 19سنة كانت جميلة جدا وحنينه على القطط وعدت الأيام ودعواتها استجابت وبقيت قسمته ونصيبه.
نادرة سرحان في ايه حسن
حسن ها
نادرة
ها ايه الاكل هيبرد مش بتحب البشاميل سخن ياله
حسن
طب ياله سيبي بحر هي بتعرف تاكل لوحدها وكلي. صحيح في مشوار لازم نروح سوا بليل
نادرة مشوار ايه
حسن بجدية
هنودي ياسين وبحر عند ماما ونقعد معها شوية وبعدها هاخدك ونشوف المفاجأة
نادرة مفاجأة ايه
حسن بليل يا نادرة
يتبع
الجزء الاخير
رواية نادرة قلبي بقلم دعاء أحمد..الجزء الاخير.
بعد وقت طويل خرجوا الاتنين من بيت والدته بعد ما قعدوا معها هي وتبارك وسابوا بحر وياسين
حسن ركب الموتسكل ووراه نادرة واتحرك بعد نحو ساعة وقف في شارع في مكان معروف أدام مكان متغطي بالقماش من فوق
نادرة ايه دا
حسن ابتسم بسعادة ومسك ايديها وعدي وهي معه دخل جوا المعرض اللي كان منظم بشكل أنيق وشيك جدا بدأت تتفرج على مكان بإعجاب نادرة بابتسامة وصدمة
هو دا المعرض اللي نفسك تفتحه
حسن هز راسه بأه
بصي هو محتاج شغل كتير لسه ويعني محتاج يبقى فيه موظفين كويسين بس أول ما شفت المكان دا حسيت انه هيبقى فتحة خير لينا
نادرة بحماس
الف مبروك يا حسن ربنا يوفقك طب أنت اشتريته ولا لسه
حسن
بصراحة لسه قلت اجيبك نتفرج عليه سوا
نادرة
المكان شكله حلو اوي وفي مكان معروف بس قولي
