رواية نادرة قلبي بقلم دعاء أحمد

اجيب دليل براءته وفيه عند حضرتك الدليل اللي يثبت أن حسن برئ. والدافع اللي خلي طه الأسيوطي يكري ناس يدسوا لحسن المخډرات لان حسن اخد صفقه كبيرة من طه وانا كنت المحامي في الصفقة دي اللواء كمال اللباد كان يملك تلات مراكب نقل كبيرة والوسيط المالي بتاعه عرفة كان متفق مع طه انهم ياخدوا الصفقه بربع التمن تقريبا وفعلا عرفه كان بيوقف كل الإجراءات لو حد سال عن المراكب دي وكان بيبلغ كمال بيه أسعار أقل من اللي بتتعرض علشان لما طه الأسيوطي يقول عرضه يحس أن دا مكسب ليه لكن حسن كان السمسار الخواجةاللي اشترا المراكب دي وانا المحامي بتاعه حسن وقتها قرر يبتزا الوسيط المالي بالحاجات اللي على الموبيل دا مقابل انه يعرفه على اللواء كمال علشان يعرض عليه العرض الخاص الخواجة نيكولاس

النائب العام اخد الموبيل من مينا وبدا يسمع التسجيلات اللي بتدين عرفه والفيديوهات

النائب العام

طب ليه التسجيلات دي مظهرتش وقت التحقيق او في المحكمه

مينا 

لان للأسف كان حصل مشكله في الموبيل واتمسحوا علشان كدا حسن مقالش عليها لكن هو قال المعلومات دي في المحكمة لكن مكنش في اي دليل عليها دلوقتي أدام حضرتك كل المعلومات اللي تدين طه الأسيوطي وبنت اخوه رحاب ومدير الحسابات وجدي وعرفة وكل الناس المتورطين في الموضوع دا ودليل براءة حسن ياريت تاخد قرار لان هو مش مكانه السجن أبدا حسن انا اتعاملت مع شاب جدع وعايز ينجح هو وعامر فيه زيهم الف الشباب اللي بيستنوا فرصة بس علشان ينجحوا واحنا بأيدينا بندفنهم بالحياة حسن مسئول عن أسرة وطفل لسه جاي للدنيا وزوجة وأم

النائب العام ابتسم بجدية

متقلقش يا مينا البرئ اكيد هينول برائته بس انت عارف الإجراءات لازم نتأكد من كل المعلومات دي وانا هعمل امر ضبط وإحضار لكل اللي اسميهم انذكرت العدالة لازم تاخد مجراها

مينا تنهيدة 

اتمنى يا فندم بعد اذن حضرتك

بعد ساعتين مينا وعامر وسمارة واسلام كانوا قاعدين مع الحج موسى ونادرة اللي بټعيط من الفرحة أخيرا وهي مش مصدقه اللي بيقولوه وحاسه بروحها بتضحك بعد كل الدموع اللي نزلت

الحج موسى بحب

خالص بقا يا نادرة انتي هتقضيها عياط ولا ايه مينفعش كدا يا حبيبتي

نادرة بدموع وسعادة

مش مصدقه يا بابا مش مصدقه أخيرا انا مش عارفة اقولكم ايه والله العظيم جميلكم دا هيفضل فوق رأسي طول العمر

سمارة بحب

جميل ايه بس دا حسن دا نفديه بعنينا وقف جانبنا كلنا وربنا عالم أنه

يستاهل كل خير

بحر صقفت بسعادة و حب

يعني ابو علي هيرجع تاني

مينا بابتسامه 

ايوة يا بحر هيخرج قريب اوي زمانه وصله خبر في السجن دلوقتي يعني ان شاء الله اسبوع او اتنين بالكتير اوي ويكون معانا وتعملوا سبوع بقا للقمر الصغير

جليلة بود

أن شاء الله وأنت يا مينا أول الحاضرين أنت والمدام مش أنت متجوز برضو

مينا بابتسامة وهيام

ايوة اسمها مريم وعلى فكرة أنا حكيت ليها كتير عنكم ونفسها تشوفكم

جليلة خالص ابقا هاتها معاك أنا والله ارتحت لك

مينا بود القلوب عند بعضها يا ست جليلة

في السجن حسن كان قاعد مع سليمان بعد ما جيه من عند المامور وهو مش مصدق اللي قاله

دموعه نزلت وهو بيحمد ربنا سليمان بسعادة

الف مبروك يا حسن الف مبروك تخرج لاهلك

حسن بسعادة وحماس

أنا مش مصدق يا سليمان حاسس أن قلبي هيقف من الفرحة أنا كنت بدأت افقد الامل مكنتش متخيل انهم برا هيقدروا

سليمان ربت على كتفه باهتمام

أنت عندك ناس كتير بيحبوك واللي بيحب حد بيقف في ضهره الف مبروك

حسن 

الحمد لله أنا هقوم اتوضي واصلي ركعتين لله

سليمان 

خدني اصلي معاك

بعد عشر أيام كانوا قبضوا على طه ووجدي ورحاب بقضايا كتير تخص شغلهم وتهمة انهم خلوا شخص يدخل ورشه حسن ويحط له المخډرات قبضوا على عرفة بسبب التسجيلات اللي تثبت انه مرتشي بعد التحقيق معه حسن معاد خروجه بكرا نادرة قررت ترجع البيت هي وياسين وبحر كانت واقفه بتظبط اوضتهم بنفس الطريقه اللي بيحبها كانت سعيدة جدا بصت لبحر اللي كانت قاعدة جنب ياسين وهي بتضحك سابتهم ودخلت اوضتها كانت عايزاه اطلع جميلة جدا ومشرقة زي كل مرة بيشوفها فيها زي ما كان يتغزل فيها ويقولها انها بتشبه الورد في دلاله والفراشة في سحره وجمال الوانها اختارت دريس كانوا اشتروه سوا وقررت تلبسه وهي رايحة له بكرا بدأت تطلع هدومها الجديدة اللي ملبستهاش ولا مرة وبدأت تقلب في حاجتها من جديد وهي فرحانة كانت بتعد الدقايق اللي بتعدي عليها غمضت عنيها بسعادة وحب 

يارب متوجعش قلبي على قريب تاني يارب أنا عمري ما تخيلت اني احبه كل الحب دا يارب أنا اكتشفت اني كنت فعلا محتاجة جدا نفسي نرجع تاني أسوان تاني ونبعد عن كل الناس اللي حوالينا ونعيش كل لحظة مع بعض من أول وجديد

خرجت من الاوضة وراحت تجهز الاكل لبحر وطلعت ليهم بعد شوية ياله يا بحر علشان تاكلي

بحر بحماس 

هو خلاص حسن هيجي بكرا

نادرة قعدتها على رجليها وباست خدها بحنان

ايوة يا حبيبتي هيرجع تاني لينا انتي مبسوطة

بحر

أنا مبسوطة اد الدنيا بحالها هو كان وحشني اوي

نادرة ابتسمت بحب وبدأت تأكلها وهي بتبص لياسين اللي نايم جانبها على الانترية وجاانبهم قطتها

تاني يوم حسن غير هدوم السجن ولابس هدومه وهو مستني الوقت اللي يخرج فيه صحابه من السجن كانوا بيباركوا له مستني اللحظة اللي بوابة السجن تتفتح وياخد حريته من تاني.

وها قد جاءت اللحظة المنتظرة كانوا كلهم واقفين منتظرينه خرج بص لهم وابتسم وهو بيحضن أمه بسعادة وهي بټعيط من الفرحة وتبارك وجوزها واقف جانبها حضن عامر وسلم على مينا لكن فجأة لقى بحر بتجري عليه بتحضنه نزل لمستواها وحضنها بسعادة وباس خدها بحب وحشتيني يا اوزعة وحشتيني اوي يا ست بحر

بحر بحماس طفولي

وانت كمان وحشتني اوي يا بابا

حسن بصلها ومكنش مصدق الكلمة ابتسم بسعادة وباسها بسعادة حملها وقام وهو بيدور على نادرة بعنيه بينهم كانت واقفه بعيد جانب ابوها وهي شايله ياسين ومبتسمه كانت جميلة جدا جدا جذابة بشكل يخليه يتهور دايما بتطلع أجمل في عنيه ودايما بتعمل كل حاجة علشان تكون الأجمل بيقولوا أن الجمال بيشوفه بالعين لكن هو شاف الجمال الحقيقي في عيونها اللي دايما ملهوفه ومشتاقة ليه. أبتسم بحب وراح ناحيتها سلم على والدها ووقف قصادها نادرة ابتسمت بسعادة

كنت خاېفة يا حسن بس عرفت انه مقدر ومكتوب وحشتني يا أبو على

حسن بأس رأسها وبعد عنها وهو بيبص لياسين اللي كان بيرمش بعيونه وبيبص لحس ببراءة نزل بحر واخد منها ياسين

بسم الله ماشاء الله بسم الله الرحمن الرحيم

نادرة برجاء

أنت وحشتنا اوي يا حسن أنا مش عايزاه فلوس ولا عايزاه أي حاجة تبعدك عننا ابوس ايدك بلاش تعمل حاجة تبعدك عننا أنا والله مش هستحمل تاني والله

حسن اتنهد بحزن وشدها لحضنه بقوة وغمض عنيه

حقك عليا يا نادرة والله حقك عليا

عامر 

ياله يا جماعة خلينا