رواية نادرة قلبي بقلم دعاء أحمد
هنعرفها ازاي
عدي وقت طويل وهم بيتكلموا وبيفكروا نادرة
أنا أعرف حد ممكن نثق فيه ويخدم حسن دون مقابل
عامر مين
نادرة
سمارة هي اللي هتقدر تساعدنا بحكم شغلها القديم وهي عمرها ما ترفض تساعدنا وكمان هي جميلة جدا
إسلام
حلو دا يبقى لازم نعرض على سمارة انها تساعدنا لو وافقت اقتراحي عليها الموضوع
نادرة ربنا يستر اه صحيح يا مينا موبيل حسن
قامت جابت الموبيل وفتحت الباسورد واديته لمينا
جليلة
الغداء جاهز يا حج
طب ياله يا شباب قوموا اغسلوا أيديكم علشان ناكل لقمة سوا
نادرة سابتهم وقامت دخلت اوضتها وهي عندها امل وثقه في ربنا رغم احساسها بالتعب لكن كانت حاسه أن عندها قوة وأنها قادرة تتحمل ولام تستحمل علشان عيلتها الصغيرة ابتسمت بحنان وقعدت جنب ياسين وبحر اللي نامت جانبه وهي حضناه حطت ايديها على خده وهي فرحانة أنها أمطول عمرها نادرة البنت الدلوعة عمرها ما تخيلت هتكون عاملة ازاي لما تخلف بس حاسه بحنان كبير اتولد جواها حنان اتولد في اللحظة اللي اتحرك فيها جواها حطت راسها على السرير وابتسمت بحب وهي بتبص لهم
في السجن حسن كان بيتكلم بحماس غريب جدا وسعادة عن ابنهم واد ايه جميل رغم أن فات وقت طويل من ساعة ما رجع من عندها إلا انه فضل يتكلم كتير مع سليمان
سليمان بود
مكنتش اعرف انك هتبقى فرحان اوي كدا لما تشوفه الف مبروك يا أبو على اللي يشوفك دلوقتي ميشفكش الصبح
حسن بابتسامه
متفكرنيش دا كان كابوس يوجع القلب بس عارف ياسين هيبقى فيه شبه كبير مني
سليمان
طب بلاش تقول كدا أدام مامته والا هتزعل منك اكيد كان نفسها يبقى شبهها
حسن
نادرة كان نفسها في بنوتة بس محصلش نصيب وجيه الأستاذ ياسين
سليمان
يتربى في عزك يا أبو على
حسن
يارب يا سليمان عارف لما شفته قلبي كان هيطلع من صدري احساس انك لازم تحارب علشان اعرف اخرج له وأنا وهي واثقين في ربنا وأن شاء الله هخرج
سليمان
أن شاء الله بس متبقاش تنساني لما تطلع
حسن بجدية
أن شاء الله لما يحصل أنت هتبقى اساسي معايا في الشغل بس ادعي نطلع من هنا لأحسن الواحد حاسس انه بيتدفن بالحيا
تاني يوم. في بيت الحج موسي نادرة مكنتش نامت بسبب ياسين اللي بيعيط طول الليل وهي جانبه كانت حاسة أن دماغها ھتنفجر من الۏجع وضهرها بيوجعها لكن كانت مبتسمة وبتحاول تهديه لحد ما نام على الفجر الساعة ستة الصبح جليلة فتحت الباب ودخلت لقيتها لسه صاحية وبتعيط ڠصب عنها من الالم اللي حاسة بيه جليلة بحب ومواساة
عارفة انك تعبانة واكيد جسمك كله بيوجعك صح
نادرة بدموع
اوي يا جليلة اوي حاسة ببرد بين الفقرات ورجلي حاسه اني سقعانه اوي هو دا الم الحقيقي اللي بيكون بعد الولادة
جليلة ابتسمت بحنان وحضنتها
الف سلامه عليك يا حبيبتي معليش يا نادرة دا طبيعي وكمان لأنك مرتاحتيش خالص من ساعة ما ولدتي وامبارح بدل ما ترتاحي طلعتي تقعدي معاهم
نادرة بحزن وهي بتمسح دموعها وبتدخل جو حضن جليلة
يارب هون عليا أنا مش قادرة وفي نفس الوقت لازم ابقى كويسة علشان نقدر نلقى حل ويخرج منها
جليلة بحب وهي بتغطيها كويس
و احنا هنعمل ايه غير كدا يا نادرة بنات الأصول بيقفوا في ضهر اهلهم وقت الشدة وصدقيني حسن هيخرج منها وهيجي اليوم اللي يهون عليك كل التعب دا وهيبقى عارف قيمة وقفتك جانبه
احنا اللي نحبه نفديه بروحنا ونفضل في ضهره أنا عملتلك كوباية الحلبة دي تشربيها كلها وهجبلك بطانيه من عندي وبعدين الحمد لله
ياسين نايم ارتاحي انتي شوية وانا هفضل جانبه لو صحي
نادرة
ارتاح ايه بس سمارة زمانها جاية أنا كلمتها امبارح وقالتلها اني محتاجها في موضوع ضروري وهي قالت إن من بدري هتكون هنا وممكن تيجي في أي وقت
جليلة
وماله لما تيجي هبقي ادخلها دي بنت حلال ووقفت جانبنا وربنا تاب عليها يعني نشيلها فوق راسنا والبت مقصرتش.
نادرة
أنا مش قصدي أنا بس خاېفة لما تيجي تضايق اني لسه نايمة وانا قايلها لو هتعرف تيجي بدري يكون احسن
جليلة
لا يا حبيبتي متقلقيش هي مش هتقول حاجه وبعدين هي عارفة انك لسهطالعة من عملية وبتاع وهتقدر ارتاحي انتي بلاش تضغطي نفسك اكتر من كدا
نادرة
طب هاتي ياسين أنا عايزه احضنه وهو نايم علشان لو صحي اقوم
جليلة
ماشي ولو انك تتعبي نفسك وخلاص عشت وشفتك يا نادرة شايلة مسئولية وقدها يا بنت موسى وانا اللي كنت بقول تتحمل مسئولية بيت ازاي دي
نادرة ضحكت ڠصب عنها واخدت منها ياسين
جليلة
براحة أنا هطلع بس تشربي الكوباية دي وهجهزلك حاجة تاكليها صحيح خالتك زبيدة هتيجي تباركلك
نادرة بسرعة
لو نوال جيت متدخلش يا جليلة
جليلة بعدم فهم
ليه يا بنتي هي زعلتك في حاجة
نادرة بجدية وخوف على ابنها
لو نوال جيت متدخلش اوضتي وافتح الراديو على القرآن احنا فينا اللي مكفينا
جليلة
مع اني مش فاهمة حاجة بس حاضر بس لينا قاعدة أنا هفطر بحر لو عوزتي حاجة نادي عليا
سابتها وخرجت من الاوضة وهي حاولت تنام وبتحاول تتجاهل احساسها بالۏجع
في بيت الحج موسي الساعة واحدة الضهر نادرة صحيت من النوم بكسل بصت جانبها كانت بحر قاعدة على سرير وبتلعب مع ياسين اللي صحي من بدري. اتعدلت وبصت لبحر باستغراب
صباح الخير يا حبيبتي هي الساعة كم
بحر بابتسامة
الضهر اذن من شوية انتى نمتي كتير اوي وانا لما دخلت الاوضة. كان ياسين صحي قعدت العب جانبه علشان ميصحكيش
نادرة
معقول أنا نمت الوقت دا كله وجليلة مصحتنيش ليه هي فين
بحر
مش عارفه باين كانت في المطبخ هي وواحدة اسمها سمارة
نادرة قامت وهي حاسه بصداع طلعت من اوضتها وهي بتنادي على جليلة وسامعه صوتها من المطبخ وهي بتضحك وبتتكلم مع سمارة
نادرة يا جليلة
دخلت المطبخ لقيت جليلة قاعدة مع سمارة وبيعملوا محشي ورق عنب
نادرة
ازايك يا سمارة انتي هنا من بدري ولا ايه
سمارة
اه جيت الصبح بس لقيتك نايمة وقلت اكيد تعبانة والست جليلة قالتلي نتسلى ونتكلم بس حقيقي ډمها زي العسل
جليلة بمرح
والله انتي اللي قمر يا بت
نادرة
طب كنت صحيني
سمارة
بصراحة صعبتي عليا والست جليلة قالتلي انك نايمة الصبح قلت اسيبك وقعدت ادردش أنا والست جليلة.
نادرة وهي رايحة نايحة التلاجة
اه وانتي طبعا يا جليلة خلتيها تعمل معاكي الأكل بدل ما تضيفها
جليلة
انتي متضايقة من ايه يا بت أنتى وبعدين أنت سايبه ابنك لوحده
نادرة
بحر قاعدة بتلعب معاه أنا جعانة اوي يا جليلة هو لسه بدري
جليلة
لا يا حبيبتي عشر دقايق والأكل يطيب
نادرة قعدت جانبهم على التربيزة جليلة قامت وسابتهم
نادرة بود
معليش يا سمارة والله هي جليلة كل حياتها في المطبخ واكيد دماغك صدعت
سمارة
لا أبدا والله أنا بقالي كتير مرتحتش مع حد في الكلام ادها بس قوليلي انتي عامله ايه وصحتك ايه أخبارها القمر الصغير عامل ايه
نادرة
بخير الحمد لله سمارةأنا وحسن قررنا نسميه ياسين
سمارة
يتربى في عزكم يارب
نادرة
اللهم آمين سمارة تعالي نقعد في اوضتي محتاجة اتكلم معاكي في موضوع مهم
سمارة من عنيا
نادرة قامت وسمارة وراها
نادرة
بسرعة الاكل
