رواية نادرة قلبي بقلم دعاء أحمد
اهدي بالله عليك أنا موافق بس لازم تقولي
في ايه وناوي على ايه
حسن
مش مهم دلوقتي بس أنا محتاج اطمن على اهلي هي الساعة كم دلوقتي
سليمان
الساعة نحو عشرة احداشر وبعدين أنا كنت هصحيك الفجر تصلي بس أنت كنت تعبان اوي
حسن
دا كان كابوس اكيد علشان مصلتش الفجر يارب أنت رحيم اوي أنا حاسس أن نادرة ولدت يا سليمان بس اكيد باقي اللي شوفته دا كان كابوس
سليمان
اكيد يا حسن على العموم أنا هحاول اجيبلك موبيل بس أنت تعبان لازم تهدأ صحيح المامور صرفلك دواء وقال انه عايزاك في حاجة مهمة يا عالم ايه هي بس أنا شكلك حسيت بيها ياله قوم يا حسن وصلي على النبي.
حسن قام وسليمان راح للسجان وقاله أن حسن بقا كويس وهو رجع بعد شوية اخد حسن للمامور حسن كان قلقان وخاېف من الکابوس المفصل اللي شافه
حسن لنفسه
يارب يكون كل دا حلم يارب بلاش تقسى علينا اوي كدا
دخل لمكتب المامور اللي كان مشغول رفع راسه وبص لحسن
اقعد يا حسن
حسن قعد وفضل مستني يتكلم
المامور
أنت كويس دلوقتي سليمان كان وصل للسجان أنك مريض
حسن
أنا بخير الحمد لله بس هو في حاجة تانية
المامور بابتسامه
الف مبروك يا حسن بقيت أب مراتك ولدت امبارح بليل ولد والمحامي بتاعك قدم طلب انك تشوفه وتطمن على مراتك وواضح أن المحامي دا واللي تبعه ناس مهمة اوي علشان كدا الطلب اتوافق عليه.
حسن ابتسم ومكنش عارف يقول ايه
طب حضرتك متاكد
المامور
ايوة طبعا متأكد أنت مش عايز تشوف ابنك ولا ايه
حسن ابتسم بحنان
اكيد عايز اشوفه
المامور
طب استعد بقا لان هتروح دلوقتي ليهم
حسن خرج من مكتب المامور وهو بيدعي ربنا وبيحمده أن كل دا كابوس مزعج جدا ومؤلم
حسن لنفسه
اكيد كان كابوس لان أنا مش بفكر غير فيهم وفي طه الزفت يارب
في المستشفى نادرة كانت نايمه وهي حاسه بۏجع جليلة ودعاء كانوا جانبها لحد ما بدأت تفتح عنيها وابنها نايم في سرير صغير جانبها
نادرة بتعب
جليلة.
جليلة بابتسامه
صباح النور والورد والجمال
نادرة بتعب
صباح النور هو ايه اللي حصل أنا اخر حاجة فاكراها اني كنت بولد ايه بقا اللي حصل بعد كدا
دعاء
خرجتي من العمليات تعبانه شوية والدكتورة خرجت ومعها ابنك وقالت إن صحته الحمد لله كويسة وانه متاثرش باللي حصل معاك وحالتك النفسية الۏحشة
نادرة هو فين
جليلة
اهوه يا حبيبتي نايم بس سيحان الله زي القمر ملاك يا نادرة شبهك اوي
دعاء
بس شبه ابوه اكتر
جليلة
والله طب والله الواد نسخة منها
دعاء
ازاي بس دا نسخة من حسن
نادرة غمضت عنيها وهي بتسمعهم
ما تدوني ابني وبعدين لما يكبر أن شاء الله نشوف شبه مين
جليلة ابتسمت بحب وراحت ناحية السرير الصغير واخدت منه ياسين
بسم الله ماشاء الله زي القمر يا نادرة
دعاء ساعدتها تتعدل وهي شالته بحنان وحب
بسم الله الرحمن الرحيم دا حلو اوي يا جليلة حلو اوي بجد دا شبهي على فكرة
دعاء
بتنصريها عليا يا نادرة
نادرة بود وسعادة
والله بهزر هو اصلا صغير جدا مش باين ملامحه بس حلو اوي يا ماما وحضنه دافي اوي
جليلة
ربنا يحفظه يا بنتي ويحفظك انتي وجوزك يارب على فكرة المحامي بتاع حسن دا طلع واصل اوي وجاب اذن انه يخرج ويجي يطمن عليكم
نادرة بجد
جليلة
اه والله عامر لسه مبلغنا الله يستره كان معانا من ساعة ما جينا هو ومينا
نادرة ابتسمت وبصت لابنها بسعادة وكأنه رحمة من ربنا انه يطبطب على قلبهم في الوقت دا بالذات
بعد كم ساعة حسن كان وصل المستشفى مع العسكري اللي مسابوش ولا لحظة كان ملهوف انه يشوفه ويكدب كل الأحلام الۏحشة اللي شافها كانوا كلهم واقفين برا اوضتها أول ما شافوه راحو ناحيته
عامر
الف مبروك يا أبو على
مينا
حسن لازم نتكلم
حسن
أنا كمان عندي حاجة لازم اقولها بس مش دلوقتي نادرة كويسة
بحر بسعادة طفولية
اه يا حسن وجابت نونو ضعنون خالص خالص أنا شفته أول لما الدكتورة طلعت حلو اوي
حسن بابتسامه
بجد انتي شفتيه
بحر هزت راسها بأه وهو ابتسم بسعادة ودخل اوضتها ولسه الكلبشات في ايده والعسكري معه في الاوضة
عامر
بقولك يا حضرة هو مش معقول هيهرب يعني والمكان كله متقفل ويعني دا فرحان بابنه وانت أبو المفهوميه
العسكري
دي مسئولية قانونية يا حضرة
مينا
طب هم دقيقتين بس وبعين أنت شايف الاوضة مفيهاش شباك حتى
العسكري بص للمكان ورجع بصلهم
و هو كذلك وعلشان خاطر انه أول مولود هفك له الكلبشات كمان
عامر
روح يا جدع اللهي يعمر بيتك
العسكري فك الكلبشات من ايد حسن وخرج من الاوضة حسن دخل وابتسم بحب وسعادة وهو بيقعد جانبها
نادرة بابتسامه
ياسين يا حسن.
حسن ابتسم بسعادة وبص لابنهم اللي هي كانت حضناه قرب منهم ومد ايده على ملامحه الناعمة ېلمس وشه بحب نادرة حست انه خاېف ابتسمت بحب
شيله يا حسن واذن في ودنه
حسن اخد نفس وشاله بحب وضمھ ليه كان حاسس باحساس مختلف وجميل جدا أجمل مما تخيل بكتير. ياسين فتح عنيه ببطي وهو بيرفع ايده نادرة حطت ايديها
تحت راسه ترفعه وهو مد ايده الصغيرة لمس وش حسن اللي ابتسم بسعادة وحب
نادرة
جميل اوي مش كدا
حسن
اوي يا نادرة أعوذ بالله من الشيطان الرجيم لازم يبقى كابوس أصل ربنا احن بكتير من انه يحرمنا منه
نادرة پخوف
يحرمنا منه ليه يا حسن
حسن
لا ولا تاخدي في بالك تقريبا حلمت بمسلسل عربي مش كابوس بس في الواقع ربنا رحمته كبيرة اوي يا نادرة اقولك ليه
نادرة ليه
حسن بيقين
كفه الظلم عمرها ما تتنصر يا نادرة وامبارح شفت كابوس وحش اوي اوي أعوذ بالله من الشيطان الرجيم عارفة كأنه مسلسل عربي حمضان اتعمل خمسمية مرة
نادرة بضحك على طريقته
بطولة مين بقا على كدا
حسن ضحك ڠصب عنه وهو بيفكر
بص اكتر حد انتي بتكرههيه في رمضان وپتكرهي مسلسلاته اللي كلها شبه بعض
نادرة بحماس محمد
حسن بسرعة حط ايده على بوقها وضحك
بس يا بنتي في رقابه مش ناقصين أنا واخد خمسة وعشرين سنه اسكتي
نادرة ضحكت بسعادة
بصراحة مش بطيق مسلسلاته ولا بحبه هو وبعدين أنت عارف أنا بحب اتفرج على اكشن مبحبش المسلسلات العربي غير الأفلام الأبيض واسود حتى في رمضان مش بنتفرج عليهم ووحشتني ضحكتك يا حسن
حسن مسك ايدها بحب
وانتي كمان وحشتيني اوي وان شاء الله عن قريب نتجمع كلنا تاني بصي بقا يا ست البنات انتي دلوقتي لما تخرجي هترجعي بيت ابوكي بلاش ترجعي البيت لوحدك ولازم تهتمي باكلك وبنفسك وبلاش تخرجي كتير لوحدك
مينا خبط على الباب ودخل
حسن
كويس انك جيت اقعد يا مينا
مينا وهو بيقعد
في حاجة جديدة
حسن
اسمعني بقا كويس الدقيقتين دول وانا في السجن عرفت واحد اسمه سليمان يسري كان محاسب في شركة طه من أربع سنين تقريبا سليمان قالي أن رحاب لبسته في قضيه اختلاس بعد ما هو اكتشف انها بتقلب فلوس ومبالغ كبيرة من الشركة من وراء طه وفريد وقالي كمان انه ليه عين في الشركة واحد قريبه شغال هناك ولاحظ أن فيه علاقة بين رحاب ومدير
