رواية نادرة قلبي بقلم دعاء أحمد
يبقى الوسيط المالي
حسن
بص يا عامر الكلام اللي مينا قاله لينا النهاردة الضهر معناه أن وجودنا هنا مالوش لازمه لان اكيد مش هنعرف نوصل للواء كمال فالحل الوحيد اننا نوصله عن طريق الوسيط نفسه
عامر
ازاي ياخويا وهو نفسه اللي بيبوظ البيعه
حسن
اكيد واحد زي دا عنده بلاوي كتير ويمكن موبايله ممكن يبقى فيه أي مصېبه نثبتها عليه
عامر
تقوم تغامر ب 5 الف جنيه كدا في لحظة يا ابني هو أنت بتلقى الفلوس في الشارع
حسن
اللي عايز يكسب يا عامر لازم يخاطر ادعي بس أن ربنا يوفقنا. بقولك ايه اشرب الشاي خلينا نتكل من هنا
عامر
هنروح فين
حسن
هنرجع إسكندرية وجودنا هنا مالوش لازمه. ياله
حسن وصل الاوتيل واخدوا حاجتهم لكن افتكر طلب نادرة انها عايزه حلو المدلعة خرج قبل عامر ونزل اشتراه واشتري هدية لبحر ومشيوا بعد شوية.
بعد تلات ساعات في بيت حسن ونادرة نحو الساعة 12 ونص حسن فتح باب الشقة ودخل بإرهاق قفل الباب وراه ساب شنطة والحاجة اللي اشتراها برا دخل اوضته ابتسم وهو شايفها نايمة قعد جانبها ومسك ايدها برفق
يارب.
نادرة فتحت عينها بكسل لكن قامت بسرعة أول ما شافته وحضنته
حسن أنت رجعت. وحشتني اوي يا حسن
حسن بابتسامه
وانتي كمان وحشتيني اوي.
نادرة
عاملت ايه في مشوارك يارب تكون اتوفقت
حسن
لسه يا نادرة دي ملايين هتندفع الموضوع هياخد وقت سبيها على الله
نادرة
أنا هقوم اجهزلك الحمام علشان تاخد دش
حسن بحنان
لا يا حبيبتي ارتاحي انتي أنا هقوم أنا. المهم انتي كويسه واكلتي
نادرة
اه والله اكلت واخدت الدواء متشغلش بالك وبعدين أنا كويسة يا حبيبي هدخل اجهزلك الحمام باين عليك انك مرهق
حسن هز راسه بالموافقة وهي قامت
يتبع
الجزء العاشر
رواية نادرة قلبي بقلم دعاء أحمد..الجزء العاشر.
بعد مدة كان بيصلي وهي قعده على السرير بتتفرج عليه وهي مبتسمه لحد ما خلص صلاته وقام
نادرة
بحر سالت عليك كتير. حبيتك اوي بحر
حسن بود
والله يا نادرة كان عندك حق بحر جميلة اوي وطيبة وغير كدا تتحب
نادرة بغرور طفولي وثقة
طول عمري قراراتي صح يا حبيبي
حسن ضحك وقعد جنبها
وحشتني على فكرة.
نادرة بدلال
وانت كمان وحشتني اوي
حسن ابتسم بخبث ومكر
طب ايه
نادرة بحدة
اطفي النور وتعالي نام يا حسن أنا عايزاه انام ياله يا بابا.
حسن ببراءة
وانا قلت ايه يعني فهماني غلط كدا وظلماني طول عمري فينك يا أمي تيجي تشوفيني وانا متبهدل كدا
نادرة دا أنت
حسن بخبث
بقولك وحشاني اووى تقوليلي مش عارف ايه
نادرة بضحك
اطفي النور وتصبح على خير يا أبو على
حسن
وانتي من اهله.
في صباح اليوم في شركة الاسيوطي رحاب وفريد كانوا قاعدين أدام طه والد فريد وهو بيتكلم معاهم في الشغل
طه بحدة
احنا وصلنا لحد فين يا رحاب في موضوع المراكب. كلمتي الوسيط
رجاب بجدية
ايوة يا عمي وقالي انه في خلال الأسبوع دا هيفاتح اللواء كمال في العرض بتاع حضرتك
طه
الموضوع دا عايزاه يخلص في خلال شهرية تلاته تكون المراكب اتقطعت ووصلت المصنع
فريد
متقلقش يا بابا أنا ظبطت كل حاجة وأكدت على عرفة انه يوصل العرض بتاعنا واننا ناخدهم التلاته ب 80مليون وهو هياخد عشرة مليون غير نسبته من العمولة وبكدا هو يكسب واحنا نكسب
طه
تمام يا فريد أي جديد بلغوني بيه
رحاب
تمام يا عمي أي أوامر تانية
طه
لا تقدروا تتفضلوا أنتم يا ولاد
فريد بجدية
لا يا بابا أنا في موضوع تاني عايز اكلمك فيه
رحاب
طب بعد اذنكم أنا
فريد بجدية
لا يا رحاب الموضوع يخصك انتي كمان. بابا أنا عايز اتجوز رحاب
رحاب بصتله پصدمة واستغراب وفريد ابتسم بسخرية
طه أنت بتقول ايه يا فريد عايز تتجوز بنت عمك
فريد
وايه اللي يمنع دا. أنا ورحاب دماغنا واحدة وهدفنا دلوقتي واحد وهو الشغل
رحاب بجدية
بعد اذنك يا عمي أنا هروح مكتبي
طه تمام يا رحاب اتفضلي.
رحاب بصت لفريد وقامت خرجت وهو خرج وراها دخلت مكتبها وهو وراها
رحاب بضيق
فريد بطل كلام عبيط لو سمحت جواز ايه. أنا وانت مش شبه بعض اصلا
فريد
بالعكس دا أنا وانتي اكتر اتنين شبة بعض. يعني حتى ذوقنا في الحب أو بلاش كلمة الحب دي كبيرة على اللي زينا في اختيارتنا انالما اختارت اصيع شوية اختارت البنت اللي أسمها نادرة بيئة اوي وانتي لما قررتي تتجوزي في السر روحتي للواد الميكانيكي اللي اسمه حسن اختيارتنا بلدي اوي لما انتي اضايقتي من حسن قررتي تولعي في بيته وأنا لما اضايقت منه كنت هقتله يبقى ليه لا وليه منتجوزش بما اننا مش هنعرف نوقع ما بينهم
رحاب
أنت عرفت ازاي اني السبب في موضوع الحريق وموضوع حسن
فريد
يا رحاب عيب عليك السؤال دا يتقال ليا أنا. على العموم هسيبك تفكري
رحاب
وانت يا فريد حبيت نادرة
فريد سكت ومعرفش يرد وهو بيفكر في نادرة
رحاب بسخرية يبقى حبيتها.
فريد هستنا ردك.
سابها وخرج من المكتب وهي بتبص له بلامبالة وهي بتفكر في حسن اللي رفضها
تاني يوم الساعة اتنين الضهر نادرة كانت قاعدة على كرسي السفرة وأدامها كيك وكريمة وشكولاته كانت بتزين الكيك بتركيز واحترافية بتشكلها بمنتهى الحب وهي بتفكر أنها تعمله مفاجأة بمناسبة عيد ميلاده وبحر جانبها بتساعدها وهما بيهزروا ويضحكوا
بحر
حسن هيفرح اوي بالمفاجاة دي يا نادرة مش كدا
نادرة بحب وسعادة
اكيد هيفرح لما يعرف أن ست بحر بنفسها قاعدة بتجهز له تورتة عيد ميلاده. ايه رايك شكلها حلو
بحر بابتسامه
حلو اوي انتي شاطرة اوي يا نادرة في تزيين الكيك مين علمك
نادرة
جليلة وكمان كنت بشوف فيديوهات على اليوتيوب هعلمك بس لما تكبري شوية اتفقنا.
بحر
اتفقنا. هو انتي عيد ميلادك امتى
نادرة بحزن
لا أنا عيد ميلادي مش بيجي غير مرة واحدة كل اربع سنين يوم تسعه وعشرين اتنين في السنة الكبيسة بعيد عنك.
بحر
هو انتي زعلانة انه مش بيجي غير مرة واحدة كل اربع سنين
نادرة
اه الصراحه زعلانة كان نفسي كل سنة زي باقي الناس عادي بس اعمل ايه بقا ماليش نصيب
بحر
وليه كان نفسك يبقى كل سنة.
نادرة
علشان احتفل بيه ويجيبوا هدايا ليا كل سنة
بحر
يا خسارة أنا مش عارفه يوم عيد ميلادي بس لو بيجي كل اربع سنين هتبقى حاجة تزعل اوي.
نادرة حست أن بحر زعلانة انها مش عارفه امتى يوم ميلادها ابتسمت بود وهي بتديها قطعة من الجاتوة
خالص يا ستي متزعليش ايه رايك نحتفل بعيد ميلادك في نفس اليوم اللي جيتي فيه هنا يوم العيد والسنة الجايه في نفس اليوم نعمل عيد ميلاد ليكي موافقة
بحر بابتسامه وحماس
اه موافقة صحيح يا ابلة نادرة أنا النهاردة لما كنت في الحضانه الابلة قالتلي اني شاطرة وخطي حلو اوي وكانت فاكرة انك انتي اللي كتبتي ليا الواجب بس أنا قولتلها
انك كنت بتمسكي ايدي في ورقه تانية وعلمتيني ازاي اكتب الحروف وانا قلدتها تاني في الكراسة قالتلي شاطرة وادتني شكولاته
نادرة بسعادة وحماس غريب
شطورة. عارفة يا بحر وانا صغيرة مكنتش بعرف اكتب وكنت بعيط علشان مكنتش بعرف اعمل الواجب بتاعي بس انتي هتكوني شاطرة مش كدة
بحر بابتسامه
لو انتي فضلتي تعلميني هبقي اشطر واحدة في الفصل.
نادرة ابتسمت
