رواية نادرة قلبي بقلم دعاء أحمد
حسن بص لنادرة وبحر وهو بيدعي ربنا يحفظهم قام دخل الحمام اتوضي وصلي ركعتين لله خلص صلاة
وحشتيني
يا بنت الايه وحشاني حتى وانتي معايا اعمل فيكي ايه بس. وعد عليا هيجي اليوم اللي اخطفك فيه وابعد عن الكل وساعتها هتكوني معايا أنا وبس
قام ونام جانبهم ونادرة ابتسمت وهي بتبص لهم حضنت بحر
تاني يوم الصبح نادرة صحيت بدري قبل حسن ابتسمت بهدوء وهي بتبص لبحر اللي نايمة بأريحية. قامت من جانبهم بهدوء خرجت من الأوضة وراحت الحمام تاخد دش. بعد مدة كانت واقفه في المطبخ بتجهز الفطار لحد ما الساعة دقت سبعة بدات تخلص بسرعة قبل ما هم يصحوا بعد ربع ساعة تقريبا خرج حسن من الأوضة وهو ماسك ايد بحر وبيتكلموا وباين عليهم الاندماج
نادرة بسرعة
عيني يا عيني ايه الجمال دا على الصبح
حسن ابتسم وهو بيرفع بحر وقعدها على رخام المطبخ
صباح الخير يا قمر
نادرة بابتسامة
صباح النور يا سي حسن. صباح الجمال يا بحر
بحر بابتسامة
صباح النور يا نادرة. انتي صاحيه من بدري كنت صحيني ممكن اساعدك
نادرة بجدية وحنان
متشغليش بالك أنت أنا أصلا نومي خفيف
حسن بمقاطعة
والله يعني اللي بتنام لحد الساعة عشرة دي نومها خفيف
نادرة بغيظ
بس كنت بصحي أعملك الفطار واقعد معاك لحد ما بتروح الورشة وبعدها برجع أنام
حسن وبحر ضحكوا على شكل نادرة وهي ماسكة المعلقة ورفعها في وشه وبتتكلم بسرعة
نادرة بضيق
أنا غلطانة أصلا أني قولتلك اني بصحي متأخر بس أنا اتعودت على كدا طول عمري في بيت بابا
حسن ابتسم بخبث وهو بيقرب منها
يا عيني عليك يا قطة أنت هتعيطي ولا ايه
نادرة بضيق وزعل
على فكرة أنت رخم
حسن حط ايده على كتفها وهو بياخد من البطاطس المقلية وبيدي منها لبحر اللي اكلتها وهي بتتفرج عليهم وفي ابتسامة صغيره على وشها
حسن
على فكرة أنا بقا بهزر وبعدين ايه شغل العيال دا هتعيطي بجد
نادرة
على فكرة دي رخامة بجد يا حسن وبجد أنا زعلت
حسن طبع بوسة على خدها
طب على فكرة أنا بنكوشك بس مش أكتر وبعدين أعمل إيه شكلك بيكون حلو لما بتتعصبي مش بذمتك يا بحر شكلها بيكون حلو
بحر بابتسامه واسعة
آه ومناخيرها بتحمر اوي
حسن
اهوه شوفتي عرفتي بقا أنك ظلماني
نادرة
لا تصدق ظلمتك يا واد يا برئ
حسن بخبث وطريقة شعبية
البراءة عنواني يا أبلتي
نادرة ضحكت على شكله
حسن اتنحنح بجدية
أنا كدا هتاخر. الفطار جاهز
نادرة
ايوة هحطه على السفرة ياله بينا. هات الخس والجرجير من عندك
طلعت من المطبخ وهي شايله صنيه عليها الفطار وحسن وبحر وراها قعدوا يفطروا لكن نادرة مكنتش عايزاه تاكل وحاسه بمغض بسيط حسن لاحظ انها بتحاول تاكل بس علشان ميلاحظش
حسن بجدية
نادرة أنت كويسة مالك
نادرة
مفيش يا أبو على أنا كويسة بس ماليش نفس أكل.
حسن اتنهد بحزن ومسك ايدها
طب معليش حاولي تاكلي علشان الدواء بتاعك قوليلي عايزاه حاجة معينة
نادرة
بص بس متزعقش أنا نفسي رايحة أني أكل أي حاجة فيها شطة كتير اوي اندومي مثالا واحطه شطة. أو لسان العصفور وعليه شطة كتير أو أي أكله فيها شطة بجد نفسي فيها
حسن أكتفي بنظرة حادة كانت كفيلة أن نادرة ابتسمت بتوتر
خالص مش مشكلة بلاش الاندومي والشطة خلاص صلي على النبي كدا يا باشا
حسن بجدية حادة
النهاردة أن شاء الله هتصل بيكي تجهزي علشان نروح للدكتورة لان الصراحة مش مطمنلك
نادرة
على فكرة دي دكتورة شاطرة ومعروفة وكمان مرجانة لما كانت حامل كانت بتابع معها وثانيا أنا مش تعبانة علشان اروح للدكتورة أنا كنت عندها في اليوم اللي رجعت فيه البيت معاك يعني من اسبوعين تقريبا.
حسن بجدية
اللي قولته يتنفذ يا نادرة دون كتر كلام لان أنا للأسف مش بحب الكلام الكتير بيعصبني
حتى كلامي يا سونه
حسن بصلها وڠصب عنه ابتسم ورد بخبث
كله إلا كلامك يا قلب سونه
نادرة ابتسمت بخجل وبدأت تاكل
بحر بحزن
_هو أنت تعبانة يا نادرة
نادرة بسرعة
لا يا أميرتي أنا كويسة الحمد لله بس في نونو صغير بيكبر جوايا
بحر بحماس
نونو صغير. طب هيجي أمتي هو أنا ممكن العب معه زي ما بتخليني العب مع بوسي
نادرة ابتسمت بحب وهزت رأسها بالموافقة
هنلعب معه أنا وأنتي وبوسي وأبو على بس لما يجي بقا علشان لسه بدري
بحر
أن شاء الله هيجي بسرعة وأنتي هتكوني كويسة
حسن
يارب يا ست بحر يا رب ياله بقا نفطر بدل الكلام
بعد مدة نادرة كانت بتنضف البيت وبحر قعدة أدام التليفزيون بتتفرج على الكرتون اللي نادرة جبته ليها قاعدة جانب قطة نادرة وهي بتتفرج بحماس
نادرة بهدوء
عنيكي هتوجعك يا بحر ارجعي وراء شوية
بحر هزت راسها ورجعت لكن قامت بعد شوية لما سمعت جرس الباب بيرن فتحت الباب بصعوبة بسبب طولها. جليلة كانت متخيلة أنها هتشوف نادرة لكن استغربت لما بصت للبنت الصغيرة اللي فتحت ليها الباب جليلة بحدة
أنت مين وفين نادرة
بحر بصتلها پخوف ورجعت بصت في الأرض بتوتر بطريقة خلت جليلة تضايق وتخاف على نادرة دخلت البيت بسرعة وهي بتنادي عليها
نادرة يا نادرة أنت فين
نادرة من اوضه النوم
ايوة يا جليلة أنا جاية اهوه
جليلة فضلت
تبص لبحر باستغراب لحد ما نادرة خرجت
ازايك يا مرات ابويا تعالي انتي هتفضلي واقفه عندك كدا
جليلة بحدة
مين دي يا بت
نادرة بصت لبحر وابتسمت بهدوء
طب خلينا نتكلم جوا يا ماما. بحر تعالي كملي الفيلم أنا مش هتاخر عليك
بحر
ماشي.
نادرة اخدت جليلة بسرعة ودخلت اوضتها قبل ما تقول حاجة تضايق بحر
جليلة
ادينا بقينا لوحدينا مين دي بقا يا هانم
نادرة دي بحر
جليلة
والله بحر! تصدقي مكنتش أعرف مين بحر يعني انطقي هو أنت هتنقطيني
نادرة بهدوء
طب اهدي بس يا جليلة بالله عليك
جليلة
مش ههدا إلا لما افهم مين دي
نادرة
طب اقعدي بس ووطي صوتك بالله عليك
جليلة قعدت بغيظ ونادرة قعدت أدامها
بصي يا جليلة بحر تبقى بنت يتيمة متعرفش أهلها ولا ليها حد أنا وحسن قررنا نتكفل بيها وبتربيتها وصدقيني دي طيبة اوي وجميلة
جليلة بسرعة
تتكفلوا بمين يا بت أنت بتستعبطي هو أنت وجوزك اد مصاريف انكم تتكفلوا بحد وكمان أنت حامل ولسه بعد الولادة أن شاء الله في مصاريف كتير بتيجي والبنت دي لو هتدخلوها مدرسة هتصرف اد كدة. لا طبعا مينفعش تتكفلوا بيها متنسيش يا نادرة حسن ميكانيكي يعني رزقه على الله ولو هو وافق فأكيد علشان مش عايز يسيبها في الشارع وتلقيكي انتي اللي طلبتي منه دا فمش حابب يرفضلك طلب أنت فكرك مصاريف البيت دي حاجة سهلة دلوقتى أنت مش حاسة بدا لأنكم لسه معندكش أولاد لكن لما تخافوا ويبقا عندكم طفلين مثالا هتندموا انكم جبتوا البت دي من الشارع لا تعرفوا تصرفوا عليها ولا على ولادكم وحسن الحمل هيبقى تقيل عليه اوي غير كدا الناس هيقولوا ايه هيقولوا راحوا جابوا بنت من الشارع مش عارفين لا أصلها ولا فصلها علشان يربوها واللي هيقول أكيد مراته عندها مشكلة في الخلفة علشان كدا جابوها واللي هيالف الف حكاية والتانية لا طبعا أنا مش موافقه البت دي لازم ترجع الشارع.
نادرة بعقلانية
في ايه يا جليلة براحة أولا ممكن توطي صوتك معليش بصي يا ست الكل أنا فعلا اللي طلبت دا من حسن بس دا
