رواية نادرة قلبي بقلم دعاء أحمد

أن نادرة مشاغبة وبتتصرف من غير ما تفكر بس صدقني طيبة وبنت حلال واقل كلمة بتزعلها واقل حاجة بتفرحها وبتبقي عاملة زي الهبلة لما تفرح بس محتاجة احتواء وأنك تفهمها.

حسن بابتسامه

متقلقش يا حج موضوع بسيط وهيتحل أن شاء الله بس أنت سيد المعلمين وعارف أن في أول الجواز لازم نحط النقط على الحروف والا الدنيا هتسيب ودا درس صغير بنتعلمه أنا وهي متقلقش

موسى

ماشي يا ابني بس وأنت ماشي خدها معاك وصفوا الأمور ما بينكم بالعقل يا ابني بدل ما تكبر

حسن

حاضر يا حج

موسى بجدية

طب بص بقا يا حسن علشان في موضوع مهم عايزك فيه

حسن

اتفضل يا حج

موسي

بص يا حسن أنا كبرت في السن ومعنديش غير بناتي الاتنين مرجانة ونادرة والاتنين عندي بالدنيا كفاية ضحكتهم عندي بالدنيا وما فيها مرجانة جوزها بيشتغل دكتور ومش فاضي ليا لكن أنت ابن سوق

يا حسن وأنا عايزك تيجي تشتغل معايا وتدير شغلي معايا و.

حسن مقاطعة وحرج

حج موسى معليش خرجني أنا من موضوع الإدارة دا أنا عارف انك عايز تحافظ على فلوسك وفلوس بناتك بس معليش أنا راجل دمى حر احب اصرف على بيتي من شغلي أنا وانا بحب شغلي وعندي ثقة في الله أن هيجي اليوم اللي اكبره فيه أنا عندي استعداد اجي اساعدك بس باعتبار اني إبنك وجوز بنتك مش اكتر لكن الإدارة لا معليش أنا مش هسيب ورشتي وعندي استعداد أفاضيلك نفسي كل يوم بس مش اكتر من كدا

موسي

يا ابني هو أنت هتشتغل عند حد برا دا أنت هتدير شغل مراتك هو دا عيب

حسن

لا طبعا مش عيب بس دي مش سكتي يا حج أنا بحب شغلي وعايز أكبر فيه أنا معاك لو عايزني كل يوم لكن مقدرش اسيب شغلي

موسى بتنهيدة

طب افرض أنا مت دلوقتي هتعمل ايه هتقفلوا المعرض

حسن 

بعيد الشړ عنك يا حج متقولش كدا وبعدين لا قدر الله لو حصل حاجة أنت سايب وراك رجالة متقلقش

موسي

أنا اللي يهمني نادرة يا حسن مش عايزاها تزعل وانا عارف انك راجل يعتمد عليه

حسن

أن شاء الله يا حج.

بعد مدة قصيرة نادرة دخلت البيت وراء حسن سابت القطة ودخلت اوضتها دون ما تبصله حسن قفل الباب بلامبالة ودخل أوضة الأطفال بهدوء نادرة كانت غيرت هدومها وقعدت على السرير لكن استغربت انه مدخلش الأوضة قامت خرجت لقيته واقف في اوضة الأطفال

نادرة 

حسن أنت بتعمل إيه هنا

حسن بحدة

هنام عندك مانع

نادرة بضيق

وتنام هنا ليه ما تيجي اوضتك

حسن ببرود

اخرجي وخدي الباب في ايدك

نادرة بضيق

حسن أنا مش عايزاه انام لوحدي

حسن

ليه! صغيرة

نادرة حست بالحزن والضيق منه

ماشي يا حسن تصبح على خير بس صدقني مش هسامحك انك سبتني انام لوحدي وكمان علشان مش عايزني أقرب منك ولا احضنك. أنا مش هتسحر عايز تتسحر اتفضل كل دلوقتي علشان أنا هدخل انام ومش هصحي في السحور

حسن بصلها بهدوء لقاها خارجة من الأوضة وقفلت الباب وراها

بعد كم ساعة نادرة دخلت الأوضة وهي بتمشي على صوابعها بهدوء بصتله كان نام. بهدوء نامت جانبه وحضنته وهي بتشد الغطا عليها وبتندس في حضنه بقوة وبهمس ونوم

هرجع ثقتك فيا بس دلوقتي خليني انام في حضنك.

غمضت عنيها وحضنته بنوم حسن فتح عنيه وبصلها بهدوء غمض عنيه ونام

قبل الفجر بساعة ونص حسن قام على صوت منبة الموبيل علشان السحور بص لنادرة اللي نايمة وحضناه ابتسم بحب لكن قام ببرود دخل الحمام يتوضأ وبعدها خرج راح المطبخ وقف شوية مش عارف يعمل ايه لان مفيش أكل في البيت تقريبا لانه مكنش قاعد في الشقة في الفترة اللي فاتت وهي كانت عند والدها فالبيت فاضي. فكر أنه يصحيها ويخرجوا تسحروا برا لكن اتضايق من الفكرة دخل غير هدومه ونزل اشتري سحور ورجع.

حسن بلين

نادرة. نادرة قومي ياله خلينا نتسحر

نادرة بنوم

مش عايزه اتسحر أنت أنا مش بجوع وبعدين مش أنت متضايق مني ليه بقا تصحيني هيفرق معاك لو جوعت

حسن بجدية وود

اكيد هيفرق معايا وبعدين بلاش عناد في الصيام ياله قومي أنا جبت سحور برا خلينا نتسحر وابقى نامي.

نادرة فتحت عنيها وابتسمت بحب حسن تجاهلها وخرج من الأوضة

نادرة بغيظ

اعمل فيك ايه يا حسن فاضل كم يوم على العيد هتفضل تتعامل معايا كدا يعني ولا ايه

قامت بضيق وخرجت من الأوضة قعدت تتسحر وهي حاسة بمغص ومش عايزاه تاكل لكن مش حابة انه يعرف أي حاجة عن موضوع الحمل دلوقتي

بعد مدة حسن خرج يصلي الفجر ونادرة كانت في الحمام وهي مش قادرة كل اللي اكلته بترجعه وحاسه بۏجع دموعها نزلت وهي مش قادرة تتحمل الۏجع اللي حساه رجعت اوضتهم وحاولت تنام لحد ما ارتخت وحست براحة

تاني يوم بعد صلاة التراويح كانت قاعدة في الصالون وهي بتتكلم مع نغم وحكت لها عن موضوع الحمل اللي مخبيه

نغم باستغراب

غريبة يا نادرة. دا انتي المفروض تقوليله عم موضوع الحمل دا بالذات دلوقتي صدقيني لو عرف هيفرح وهينسي كل الزعل اللي ما بينكم دا.

نادرة بضيق

لا مش هقوله دلوقتي. أنا عارفة انه هيفرح بس لو سامح ونسي هيبقى بيعمل كدا علشان الحمل لكن أنا مش عايزاه كدا يا نغم أنا عايزاه يسامحني علشان أنا علشان أنا عارفة أنه بيحبني وأنه مش هيقدر يطول في الزعل عنيه بتقول أنه لسه ملهوف لسه زي أول مرة مليانة دف وأنا بقا طماعة عايزاه علشاني أنا يا نغم.

نغم

ماشي يا اذكي اخواتك بس قوليلي أنت عاملة ايه. حاجة بتتعبك

نادرة بلامبالة

لا. الحمد لله بخير بس عارفة مش بقبل ريحة الاكل ودا طبيعي مش عايزة آفور يعني حاجة بسيطة

نغم 

طب بتاخدي الأدوية اللي دكتورة قلتلك عليها.

نادرة 

اه بس محدش يعرف يا نغم اصلا لو مرجانة عرفت احتمال تخنقني وتزعل اني قلتلك ومقولتلهاش وأنا قاصدة اني مقولهاش لأنها اكيد هتقول لجليلة وجليلة من فرحتها مش هتقدر تسكت وهتقول لبابا وهتبقى ليلة مالهاش آخر.

نغم

ماشي طب بقولك ايه ناوية على ايه مع حسن

نادرة

والله مش

عارفة هو عنيد اوي ومش بيتاثر بسهولة انتي ايه رأيك

نغم

حاولي مرة واتنين وعشرة كمان هو يستاهل يا نادرة أنك تفضلي وراه لحد ما يفهم أنك محبتيش فريد مع أن غريب أن حسن يعرف حاجة زي دي وميعملش حاجة لفريد

نادرة پخوف وتهرب

سيبك من الموضوع دا أنا عارفة أنا هعمل ايه. أنا زهقانة اوي وحسن مشغول مع عامر صاحبه واضح إنهم بيفكروا في حاجة مهمة وطول الوقت بيتكلموا تيجي ننزل نقعد في أي مكان

نغم

ياريت بجد كان ينفع بس والله مش فاضية هنزل اروح لحماتي انتى عارفة الظروف

نادرة

خالص مش مشكلة أنا هنزل شوية اعمل أي حاجة

نغم

ماشي بس خالي بالك وبلاش الحركات الكتير اللي بتعمليها دي وكلمي حسن بلغيه انك هتنزلي بلاش تهور هو لسه مصفيش من اللي حصل

نادرة حاضر حاضر.

بعد مدة غيرت هدومها ونزلت بعد ما كلمت حسن وطلبت منه تخرج شوية لأنها زهقانه من البيت وهو وافق بعد محايله كتير منها لكن طبعا بعد ما أدالها الوصايا العشر كانت بتتمشي على الشط في مكان عام