رواية نادرة قلبي بقلم دعاء أحمد
ممكن اساعدك في البيت لأن بعمل كدا مع أمي لما بتتعب ومعنديش مانع اعمل كدا معاكي بس لما أكون تعبان من الشغل هسيبك تعملي دا لوحدك ثالثا خلصي فلوسي براحتك بس صدقيني بعد الجواز هناكل في البيت لان بحب اكل البيت بس مفيش مانع نخرج تلات اربع مرات في الشهر ناكل برا عارف انها هتبقى مرة وحيدة بس لو الدنيا ماشية معايا تمام هظبطك أنا مرتبي يعيشانا مرتاحين الحمد لله وصدقيني مش هيجي يوم واخليك تحطي راسك على المخدة جانبي وأنتي زعلانة مني حتى لو زعلنا ودا طبيعي بين أي اتنين وقتها مش هسيبك.
نادرة وعد
حسن
وعد ياستي بس فكي كدا ممكن اعرف بقا سبب الزعل دا كله ايه مش كنت كويسين امبارح.
نادرة بكدب
مفيش بس كنت خاېفة ومتوترة
حسن بابتسامه
طب ايه رايك اعزمك على فراولة بلبن
نادرة بحبها
حسن بحب
عارف يا نادرة خلينا بقا نتمشى وهجيبلك اللي أنت عايزاه كله.
نادرة
هو انت مش خاېف فلوسك تخلص بجد أنا أصلا الفترة الأخيرة كل ما بنخرج بتجبلي حاجات كتير وبتعزمني على أكل كتير.
حسن بابتسامه وهو بيمسك ايديها وبيقوم
متقلقيش الحمد لله الخير كتير بس بلاش ټعيطي انتي فاهمة وبعدين أنا بحب كلامك الدبش دا فاهمة.
نادرة بصتله بارتياح ومسكت في ايديه بقوة
يلهوي يلهوي جليلة هتنفخني. أنا لازم اروح
حسن
طب مش هتاخر تعالي هجيبلك اللي أنت عايزاه وهروحك وكمان علشان اجهز
نادرة
مش مهم دلوقتي لما نتجوز هبقي اعملها في البيت.
حسن بصلها وابتسم وهي شديت ايديه علشان يرجعوا البيت لان الوقت اتأخر لا تطيل النظر فالعاشق تفضحه عيناه نادرة رجعت البيت مع حسن وهي خاېفة من ردة فعل جليلة لما تشوفها بصت لحسن وهي على وشك أنها ټعيط
حسن باستغراب مالك
نادرة
جليلة لو شفتني هتعمل مني كفتة هي قالتلي متتاخريش وانا اتأخرت اوي
حسن
خالص خلينا نطلع سوا وأنا هحاول افهمها.
نادرة بحدة
لا مش مهم أنا هطلع لها لوحدي وكمان علشان تلحق تجهز لبليل.
حسن ابتسم ونزل من على الموتسكل مسك ايديها بقوة
ياله مټخافيش مش هتعملك حاجة وبعدين هو أنت فكراني زيك يا بنتي أنا بجهز في تلات دقايق والحلاق بكتيره نص ساعة
نادرة بفخر
على فكرة بقا أنا مبتاخرش لأن أنا قمر من غير أي حاجة
حسن هز رأسه بيأس وهو بيطلع السلم معها الباب كان مفتوح جليلة أول ما شافتها قلعت الشبشب وحدفته. نادرة وسعت عينيها پخوف وبسرعة وقفت وراء حسن ومسكت في قميصه بقوة وكان الشبشب من نصيب حسن
جليلة باحراج
حسن يلهوي!
نادرة خرجت من وراه پخوف لكن ضحكت وهي بتبصله
شوف مش قولتلك أنا هعرف اتصرف معها البس بقا يا عم
حسن بغيظ
وعد عليا لو ليا نصيب فيكي والنعمة لاربيكي.
نادرة بصتلها بلامبالة ودخلت اوضتها
نادرة بخبث
لو مش عجبك طلقني. طلقني
جليلة بحدة وزعيق
صبرك عليا أنت بس. كنت فين لحد دلوقتي يا أبلة معليش يا حسن جيت فيك أنت حقك عليا.
حسن بجدية
حصل خير. بس بلاش تعمليلها حاجة
جليلة پخوف عليها
هو أنت لقيتها فين يا حسن وحصل ايه طمني اللهي يسترك.
حسن بابتسامة
أطمني هي كويسة بس واضح أنها خاېفة من فكرة الجواز كلها علشان كدا مش عايزاك تعمليها حاجة وأنا هحاول معها.
جليلة بخبث
مهتم أنت يا حسن
حسن بحرج
أنا هنزل علشان الحق اجهز.
جليلة وماله.
حسن خرج وجليلة
راحت ناحية أوضة نادرة اللي كانت بتتفرج على فستان كتب الكتاب
جليلة بغيظ
مخبية ايه يا نادرة. شوفي هتلوعي كدا ولا كدة هجيبك من شعرك أنا عارفكي كويس مخبية ايه يا بت وكنتي فين الوقت دا كله.
نادرة بارتباك وكذب
كنت قاعدة على البحر براجع نفسي ياترى اتجوز ولا لاء لحد ما لقيت حسن جاي وقاعدنا نتكلم
جليلة پغضب
كدابة. بس هقولك كلمة تحطيها حلقة في ودنك لو فاكرك أن حسن دا عبيط تبقى انتي اللي حمارة أن كان هو طيب معاكي فدا علشان شاريكي لكن لو حس للحظة أنك بتخدعيها هتشوفي منه وش هيخليكي تكرهي نفسك بلاش تخسريه يا نادرة بلاش لو كسبتيه لصفك هيحبك وعمره ما هيستغني عنك أنا بكلمك لمصلحتك علشان خاېفة عليك
نادرة بزعيق وحزن
هو انتي ليه بتكلميني كدا يا جليلة كأني عاملة مصېبة. على فكرة أنا يمكن دي أول مرة احس اني صادقة بجد مع حد دي أول مرة احس أن في حد مهتم باي حاجة خاصة بيا حد بيفهمني لما يبصلي وأنا مش عايزاه اخسره. أنا عايزاه معايا هو أنت فاهمني أنا دلوقتي واثقة فيه وواثقة انه بني آدم كويس وعرفت أن اختياراتي أنا اللي غلط خالص بقا يا جليلة أنا مش عايزاه اعيط تاني.
جليلة
ولا أنا عايزاكي ټعيطي تاني أبدا علشان كدا بقس عليك ساعات من خۏفي عليك.
نادرة بطفولية
خالص بقا مټخافيش عليا تاني وتعالي في حضني عايزاه حضن جامد اوي لان بردانه
جليلة بحب
عمرك ما هتكبري يا نادرة. تعالي
نادرة ابتسمت بحب وهي بتحضنها بقوة وسعادة.
ياله اخرجي واقفلي الباب وراكي علشان الحق اغير واجهز
جليلة
ماشي. صحيح فين البهارات اللي قولتلك هاتيها من العطار.
نادرة سكتت وافتكرت انها نسيت الحاجة في التاكسي لما سابت فريد
نسيتهم على البحر.
جليلة
الطم منك. امشي يا نادرة من أدامي احسن أنا الضغط عالي عليا
نادرة
دي اوضتي على فكرة انتي اللي تطلعي برا
جليلة بحدة
ماشي يا بنت سنية. ماشي
نادرة قفلت الباب وراها وقعدت على السرير وهي بتفكر في كلام فريد واللي عمله في حسن حست بالخۏف بينهش قلبها واتمنت أنها مكنتش تعرف من الأول نادرة بحزن
يارب أنا عارفة اني غلطت بس أنت ارحم عليا من كل البشر يارب أنا مش عايزاه اكون سبب في اذيته لأنه ميستاهلش مني أي حاجة وحشة.
...
في بيت حسن كان بيبلس قميصه الأبيض كان سرحان وهو متأكد أن نادرة مخبية حاجة وخاېفة تقولها لكن مش عايز يضايقها أو يخوفها منتظر أن يجي اللحظة اللي تحكيله فيها عن كل اللي مخبياه ومخوفها منه جهز نفسه كان شيك جدا. قميص أبيض وبنطلون أسود مهندم شعره برفان ريحته جميلة بالمجمل شكله جذاب جدا خرج من اوضته وسط ألاغاني والزغاريط
حسن بحب
ايه دا يا حجة طب استنوا للفرح حتى.
دعاء بسعادة
دا أنا مستنيه اليوم دا من زمان الف مبروك يا حبيبي ربنا يتمملكم على خير ويحفظك من العين الخبيثة يارب
حسن بجدية اللهم آمين. مش ياله بينا
عامر بخبث
مستعجل أنت يا شقيق. بس خاالي في علمك أول عيل هتسميه عامر أنا بقولك اهوه
حسن
دا من حبي فيك يعني ولا ايه مش فاهم. وبعدين دا كتب كتاب فاخرس خالص.
...
بعد ساعة ونص في بيت نادرة كانت قاعدة في اوضتها وهي مبسوطه وحاسة بسعادة ومعها نغم ومرجانة
نغم
شكلك زي القمر بجد والله هتخطفي القلب والعين.
نادرة بابتسامة
أنت اللي عيونك حلوة.
نغم باستغراب
ايه دا في ايه نادرة بتجامل الناس عادي لا لا اومال فين نادرة اللي اعرفها أنا طول عمري جميلة بالمكياج أو من غيره
مرجانة بخبث
هو أنا في زي دا أنا سكر وعسل ومرباا
نادرة بدلال
ڠصب عن عينك. بذمتك مش مزة والله أنا خسارة فيكم.
نغم بغيظ
مرارتي هتتفقع منك إعجابك بنفسك.
نادرة بطيبة
مش موضوع إعجاب بنفسي في بنات احلى مني الف مرة لكن أنا واثقة
