رواية نادرة قلبي بقلم دعاء أحمد
تفلحون أمر الله سبحانه النساء بالستر وعدم التبرج أو إظهار الزينة أو الخضوع بالقول مع الرجال من غير الأزواج والمحارم وبالطريقة دي أغلق الله كل طريق يمكن أن تؤدي إلى الفواحش وانتشارها في المجتمعات إذ قال تعالي يا نساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفاوقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا
وفاء بابتسامة
ولا تخضعن بالقول فيطمع الذي في قلبه مرض ربنا حطها ادامك صريحة وواضحة يا نادرة قلوب الناس مش كلها طيبة في قلوب شايلة خبث يخليكي تكرهي الدنيا علشان كدا لازم تدي نفسك فرصة و تفكري و تراجعي نفسك طول الوقت لان الدنيا مجرد مرحلة
نادرة بابتسامة
تعرفي غريب اوي الإنسان بيبقى عارف الإجابة وبرضو محير نفسه في دايرة ملهاش اخر أنا بجد متشكره اوي وصدقيني هحاول ادي لنفسي و لكل اللي حواليا فرصة.
وفاء
طمنتيني عليكي المهم هنتغدا سوا النهاردة
نادرة بحزن والله مش هعرف لان انتي عارفة جليلة لو اتاخرت هتفضل ترن عليا ودي ما بتصدق
وفاء
جليلة طيبة وبتحبك.
نادرة
وأنا والله بحبها اوي يمكن علشان كدا بغلبها معايا.
وفاء
ماشي يا ستي استنى هغير وهاجي اوصلك.
نادرة
مالوش لازوم أنا هعرف اروح
وفاء
لا طبعا البيت بعيد وانا مش هسيبك تروحي بوحدك استنى خمس دقايق مش هتاخر.
نادرة ابتسمت بحب ووفاء قامت دخلت اوضتها غيرت ورجعت تاني لنادرة. بعد ساعتين دخلت نادرة البيت وهي شايلة شنط كتير لكن اټفزعت وهي شايفة جليلة واقفة أدام الباب وحاطة ايديها على وسطها وباين عليها الڠضب جليلة بصوت عالي
كنت فين يا مقصوفة الرقبة بقالك تلات ساعات برا وموبيلك مقفول ليه
نادرة بفزع
في ايه يا مرات ابويا وطي صوتك مش كدا الجيران سمعت.
جليلة بغيظ
وانتي بيهم دا أنا لو عليا اضربك حتة دين كف يجيب أجلك بس أنا هصبر لما ابوكي يجي علشان أنا خلاص جبت أخرى منك
نادرة
خليكي فريش مش كدا يا ولية في ايه كنت بشتري شوية حاجات
جليلة
واشتريتي ايه أن شاء الله في تلات ساعات
نادرة
كم طقم والله مش اكتر
جليلة
من قلة الهدوم عندك. صحيح ابوكي عازم حسن ووالدته على الغدا. هو كان رافض بس ابوكي أصر عليه
نادرة
طب أنا هغير واجي اساعدك
جليلة باستغراب
مالك يا بت انتي سخنة من امتى وانتي بتعملي حاجة في البيت
نادرة
والله انتي مش عارفة قيمتي يا جليلة تعالي بس أفرجك على الهدوم اللي جبتها
حطت الأكياس على الانترية وبدأت تخرج الهدوم باين عليها الفرح اللي جليلة لحظته وابتسمت.
جليلة بحماس
أنا لازم ارقكي من العين
نادرة بابتسامة
طب اجلي الرقوة دلوقتي وتعالي نجهز الاكل
جليلة
حاضر بس قوليلي كنت فين كدا راجعه رايقة.
نادرة
عند ابلة وفاء
جليلة
روحت لها المشوار دا كله لوحدك
نادرة
كنت محتاجة اتكلم معها ودلوقتي ارتاحت
جليلة يارب دايما
...
بعد مرور اربع شهور قبل الفرح باسبوع نادرة طول الفترة دي مكلمتش فريد ولا هو احتك بيها بسبب رجوع والده مصر نادرة وحسن علاقتهم بقيت أفضل وفي تفاهم بينهم كبير حسن قدر يخلص شغله وبالتالي قدر يجهز الشقة بقا فرحان جدا وحاسس بالراحة والسعادة وخصوصا لما بيخرجوا سوا أو يتكلموا
في الشارع نادرة كانت واقفة پغضب وهي ماسكة الموبيل وبتكلم حسن
نادرة
والله يا حسن ثانية كمان وهمشي أنت اتاخرت اوي فينك يا جدع
حسن بخبث
لا أنا شكلي كدا هتاخر يا نادرة روحي انتي.
نادرة بغيظ
تصدق اني بجد جزمة اني وافقت اخرج معك ما أنا كنت نايمة ومرتاحة روحي اللهي عفريته تلبسك يا بعيد اللهي مصېبة تقع على دماغك متعرفش تروح منها فين
حسن قفل الموبيل وهو بيوقف الموتسكل أدامها بغيظ
مش عايزاه تلمي لسانك الدبش دا
نادرة
دا اللي عندي يا سي حسن. وبعدين أنت مش قولت أنك مش جاي
حسن بضيق
تصدقي أنا اللي غلطان اني بهزر معاكي
نادرة بدلال
دمك تقيل يا أبو على. على العموم باي باي أنا ماشية.
حسن بسرعة
بت استنى رايحة فين يا عين أمك
نادرة بخبث ودلال
مروحة
حسن بخبث مماثل
و الله طب مع السلامة وانا اللي كنت ناوي اعزمك على
الاكل الغريب اللي انتي بتحبيه دا
نادرة بسرعة وحماس
بجد طب مستني ايه ياله بينا.
يتبع
الجزء الرابع
رواية نادرة قلبي بقلم دعاء أحمد..الجزء الرابع.
نادرة ركبت الموتسكل وراه دون ما تفكر وهو ضحك بخفه وهو بيهزر راسه بيأس من تصرفاتها الجميلة
بعد مدة. نادرة كانت قاعدة على صخرة كبيرة على البحر وهي بتشرب عصير
نادرة بتعب ش
مش قادرة بطني خالص يا حسن
حسن ضحك على شكلها
حد قالك خالص على أكل المحل كله
نادرة بغيظ
أنت باصصلي في الاكل
حسن
اسكتي يا نادرة لو سمحتي. قوليلي بقا بما أن بكرا هنكتب الكتاب مفيش حاجة كدا ولا كدة.
نادرة
حاجة ايه
حسن بمكرما تحن يا جن
نادرة بردح
لا يا عنيا جبت عنوان غلط بعد اذنك يا حبيبي سلام
حسن مسك ايديها بسرعة قبل ما تقوم
نفسي تقصري لسانك يا نادرة و الله وبعدين انا كان قصدي شريف اقصد مفيش حاجة عايزاه تقوليها.
نادرة بمكر
يا واد يا بري..
حسن بحبطول عمري.
نادرة كانت قاعدة جانب حسن علي الصخر أدام البحر و هي بتتكلم معه و بتشرب عصير فراولة بلبن
نادرة
بص أنا مش عجبني لون الستاير دي خالص يا حسن شوف الصالة احنا اختارنا ليها الون السماوي بس الستاير مش عجباني خالص كانت هتبقى احسن لو لونها ابيض او درجة من درجات الأبيض.
حسن بغيظ
نادرة أنتي ناوية تجبيلي جلطة مش أنتي اللي مختارة اللون دا.
نادرة
متبصليش كدا لو سمحت أنا كنت فاكرة هيبقى احسن بس عارف أنا عجبني الألوان بتاع البيت مبهج اوي.
حسن بابتسامة وفخر
اعتمدي عليا ومش هتندمي
نادرة بابتسامة
يا خۏفي يا بدران يا خۏفي. المهم هنعمل ايه في موضوع الستاير بص بكرا كتب الكتاب خالص مش مهم نبقى نغيرها بعد الفرح.
حسن بهدوء
أنتي عجبك الأبيض
نادرة بصيت للشمس وقت الغروب واد ايه المنظر هادي وجميل
شوف أنا بتفاءل بالألوان الفاتحة بحس انها مبهجة وانا بحب الحياة بكل ألوانها تعرف انا بكره الحزن مش بحسه لايق عليا علشان كدا لما بزعل بحط مكياج انا مستاهلش ازعل يا حسن
حسن بصلها وابتسم وبنبرة خافته
ربنا يقدرني وأسعدك يا نادرة اقولك سر يا نادرة وتحفظيه بيني وبينك أنا مش عاوز غيرك من الدنيا ومش عايز غير أنك تكوني فرحانة حتى النفس اللي فيا علشانك الدقة اللي القلب بيدقها بقيت علشانك يا نادرة في حاجات كتير جوايا لو حكيتلك عنها عمرك ما هتصدقيني بس أنا سيبها للأيام تثبتلك كلامي.
وكأنه يعزف على أوتار قلبها بخفة ونعومة أذابتها لايخجل من الاعتراف بما يشعر به وكأن قلبه لم يعد يتحمل الأنتظار يوما آخر. نادرة ابتسمت بخجل ونعومة وحاولت تبعد عيونها عنه وهي بتبص للبحر
حسن
أحم مش ياله نمشي بقا علشان متتاخريش عليهم.
نادرة بابتسامة ود وانجذاب غريب
هتصدقيني لو قلتلك اني محستش بالوقت معاك.
حسن بتنهيدة
أنا بقول نمشي أحسن ما اتهور ونزعل
نادرة
خلينا نمشي احسن يا أبو على.
حسن ابتسم وقام من مكان وهو بينضف هدومه من التراب
