رواية نادرة قلبي بقلم دعاء أحمد
على الموتسكل بصلهم وهم خارجين لكن بأن عليه الڠضب وهو بيضغط على ايديه ومركز مع نادرة اللي خارجة مع جليلة وواضح عليه الغيرة والڠضب. نادرة بصتله باستغراب من طريقته ونظراته لكن مشيت وراء جليلة بهدوء
نادرة بهمس
منك لله يا جليلة.
جليلة بحدة
اتلمي يا بنت سنية بدل ما المك.
جليلة
ازايك يا حسن أخبارك ايه وأخبار الحجة ايه
حسن بحدة حاول يداريها
بخير الحمد لله بتسلم عليكم.
جليلة
الله يسلمها يا حبيبي.
حسن بص لنادرة اللي واقفة بتقلب في موبايلها بلامبالة جز على سنانه بضيق وحاول يتعامل عادي
حسن
أنا كلمت الحج موسى وقلتله اني هاخد أنت ونادرة تتفرجوا على الشقة علشان لو عايزين حاجة معينة فيها.
نادرة بضيق
بس أنا عايزة أروح.
حسن بهدوء مخيف وهمس
قسما عظما أنا على أخرى منك وتكه كمان وهعمل مصېبة باللي اللي انتي لابسة دا فلمي الدور واركبي يدل ما تشوفي الجنان على أصوله.
رجع خطواتين لوراء وبصلها بتحذير. جليلة ابتسمت بسعادة أن في حد يقدر يحكم تصرفاتها المتهورة.
حسن
ياله علشان منتاخرش
نادرة بحدة
و أنا مش رايحة في حتة واللي عندك اعمله يا حسن أنا اصلا مش موافقة على الجوازة الزفت دي فاكر نفسك تقدر تتحكم فيا دا بعينك يا أبن الصياد مش على اخر الزمن حد يفرض عليا اعمل ايه ومعملش ايه. دا ابويا نفسه مجاش يوم يفرض عليا رأيه إلا لما حضرتك طلبت ايدي أنا مش هروح في حتة.
جليلة بحدة وڠضب
نادرة لمي لسانك.
نادرة بضيق
اللهم طولك يا روح مش شايفة بكلمتي ازاي وبعدين ماله اللي أنا لابسه لا يا حبيبي أنت اللي دماغك شمال والصنف الژبالة هو اللي بيركز
حسن پغضب ومقاطعة
نادرة لمى لسانك قسما بالله أنت ماهتستحملي قلم مني اوزني كلامك مش على اخر الزمن حتة عيلة تقولي عني أنا ژبالة فاهمة يا حيلتها وبعدين أنا هركز في ايه ما أنت كم شهر هتكوني مراتي يعني عرضي حضرتك لو فكرتي تلات ثواني بصي حواليك وركزي مع نظرات كل واحد تفكيره بيروح شمال أو أي شخص بيحاول يرجع لربنا وشافك واتفتن بيكي ويحس أن مفيش فايدة.
نادرة دموعها نزلت بضيق وحزن وبحزم
ملكش حق تتدخل فيا أنا مش مراتك لحد دلوقتي أنا خطيبتك مش مراتك وشقتك دي أنا مش عايزه ادخلها اصلا ياريت تخلي عندك ډم وتفسخ الخطوبة الزفت دي أنا مش عايزاك وأنا مش هتغير دا شكلي ودا لبسي ودي حياتي أنا. مالكش دخل فيها أنا ماشية.
نادرة مشيت وسابتهم حسن اتعصب لدرجة حس أنه عايز يضرب حد
جليلة بهدود
حقك عليا أنا يا حسن معليش هي كدا والله العظيم عصبية ومش بتشوف أدامها زي أمها الله يرحمها بس والله قلبها أبيض وحكاية الهدوم الضيقة دي أبوها ياما زعق لها لكن اللي في دماغها في دماغها والله ضربها قبل كدا بسبب الموضوع دا لكن برضو مش عايزه ترجع عن اللي في رأسها.
حسن بجدية
طب روحي معها دلوقتي بدل ما تروح لوحدها والموضوع دا نبقى نشوفه بعدين.
جليلة
ماشي يا ابنى.
بعد ساعة في بيت الحج موسي نادرة دخلت اوضتها وجليلة بتزعق لها لكن مهتمتش
نادرة بحدة
طب والله ما أنا معتذرة لحد ابقى شوفي مين اللي هيعتذر دا اتهبل وبعدين ما أنا طول عمري بلبس بناطيل جينز من امتى وانتي بتزعقي.
جليلة بحنق
طب والله يا نادرة لما ابوكي يجي لقوله وأنتي حرة مع ابوكي أن ماداكي عقلة محترمة مبقاش جليلة.
نادرة قفلت الباب في وشها
جليلة
متربتيش هقول ايه يعني
نادرة غمضت عينيها وقعدت على السرير وهي بټعيط بهستريه حطيت ايديها على وشها.
أنا مش عايزاه اتجوزه مش عايزاه هو فاكر نفسه مين علشان يكلمني كدا ما أنا مش هخرج من السجن علشان ادخل غيره لا. دا بعينهم وبعدين هو يطول يتجوز واحدة زي بعد ما أتقدملي ناس ليهم وزنهم اتجوز واحد زي دا لا يا حسن لا
جليلة من برا
بتكابري يا بنت سنية بتكابري. الغرور هيضيعك بلاش تبصي فوق يا نادرة بلاش يا بنتي. لا دا توبك ولا حياتك انتي زي السمكة اللي مينفعش تطلع من البحر حتى لو هي عايزاه اللي انتي مش عايزاه دا هو اللي هيحافظ عليك. اوعي تفتكري أن الراجل لما بيكون دمه حر بيكون متحكم بالعكس دي غيرة واللي يغير يبقى بيحب واللي يحبك اوعي تبعيه وبعدين اعقلي الكلام واوزنيه. غلط هو في ايه ما انتي كل ما بتخرجي بالبناطيل الجينز والهدوم الضيقة دي بتتعاكسي. انتي جميلة يا نادرة بس مش عارفة تحافظي على جمالك جمالك دا نعمة من ربنا مينفعش كل من هب ودب يغرم بجمالك
دا احفظي نفسك علشان ربنا يحفظك أنت بتصلي وعارفة ربنا. وربنا أمرنا النساء أنهم يحفظوا نفسهم ربنا يهديكي.
نادرة بضيق وهي واقفة وراء الباب
أنا خاېفة يا جليلة. أنا خاېفة اتوجع أنا خاېفة اتساب خاېفة أكون سنية تانية عايزاه يعرف اني مش ضعيفة. مش عايزاه يحس اني لعبة في ايديه يحركها زي ما هو عايز. عارفة أنا لسه فاكرة أمي وفاكراه لما كنت ھموت بسببها أنا لسه فاكرة كل حاجة كأنه امبارح وكأني مكنتش طفلة خمس سنين. هو ليه الوجه بيفضل معلم على قلوبنا ليه بيفضل الۏجع سايب چرح يا جليلة. وليه الماضي مبيتنسيش وكأنه امبارح. أنا مش عايزاه اتجوز يا جليلة مش عايزاه احس أن حد متحكم فيا. مش هقدر مش عايزاه اجيب طفلة واسيبها تعيش لوحدها. مش هقدر يا جليلة أنا عايزه اعيش حياتي.
جليلة
نادرة. سنية الله يرحمها لو كانت وحشه مع الناس كلها لا يمكن تكون وحشة معاكي أنت يمكن كانت مهملة شوية لكن يعلم ربنا أنها كانت بتحبك أوي عارفة يوم ۏفاتها وصتني عليك كان نفسها تشوفك عروسة. مكنتش عايزاه تسيب ۏجع في قلبك. وبعدين مين قال إن حسن كدا بيتحكم فيكي دا خوف عليك صدقيني لو ډخلتي لنفوس البشر واللي بيقوله لما يشوفكي كدا ولو سمعتي الكلام اللي بيقوله في سرهم عنك دون ما يعرفوكي هتتعبي
نادرة
أنا عايزاه اعيش حياتي دون ما احس أن الناس بيفرضوا عليا رأيهم.
جليلة
بس انتي عايشة وسط الناس وبعدين هو انتى لو عدلتي شوية في حياتك هتبقى كدا مش عايشة حياتك مين قالك جربي مش هتخسر حاجة صدقيني هتحسي براحة نفسية وكأن في هالة من الطمأنينة محاوطاكي بس عتابي عليك هو طريقتك مع حسن مينفعش تحسسي جوزك انه أقل منك وأنك مش عايزاه بالطريقة دي كان ممكن بالهدوء تطلبي تقعدي معه وتحاولي تفهميه قوليلة أنا مش مستعدة ارتبط دلوقتي بأي حد مش مستعدة اننا نتجوز مش مستعدة اشيل مسئولية بيت إنما العند والصوت عالي والزعيق دا بخليكي تباني مغرورة ومش متربية وأنا عارفة أنك مش كدة ومتاكدة أنك مش مديه نفسك فرصة أنك تفكري في موضوع الجواز أنا لما ابوكي أتقدملي مكنتش حابة الفكرة وكنت متضايقة من الجوازة كلها بس وقتها قررت افكر بعقلي وقلبي شخص محترم وابن حلال الناس بتشكر في أخلاقه وعلى فكرة ابوكي اتجوزني وهو حاله على اده كان يدوب عنده بيت صغير
