رواية نادرة قلبي بقلم دعاء أحمد
البال مع بنت الحلال ونادرة طيبة وعلى نيتها
عامر
ربنا يسعدهم يا حج ويبعد عنه ولاد الحرام اللي حاشرين نفسهم في حياته.
عبد الرحمن
اللهم امين ويرزقك ببنت الحلال ياله ادخل صب الشاي واطلعله
عامر
اطلع لمين لامواخذة
عبد الرحمن
لحسن قاعد عند غية الحمام
يتبع
الجزء الثالث
رواية نادرة قلبي بقلم دعاء أحمد..الجزء الثالث.
على السطح حسن كان قاعد على الكنبة وهو ساند دراعه على السور وراه بيسمع اغنية لعبد الحليم وهو بيتفرج على الحمام اللي طاير في السماء بحرية والحمام اللي بيرجع للغية كأنه عارف مكانه على قد الشوق اللي في عيوني يا جميل سلم أنا ياما عيوني سالوني وياما بتالم.
حسن اتنهد وقام حط ايديه في جيب بنطلونه وهو بيبص للشارع وكل واحد مشغول في حاله. دخل عامر وهو شايل صنيه الشاي وابتسم بمكر.
عاشق والله أنت يا حسن لسه بتسمع عبد الحليم مع الحمام.
حسن
اعمل ايه بقا شقيق حاسس أن محدش هيسمعني غيره مصاحبه وانا لسه عندي عشر سنين ابويا الله يرحمه كان دايما يجبني هنا عند الغية كنت بشوف بيطير الحمام ولما اساله أنت مش خاېف يطير ميرجعش تاني يرد يقولي كل طير عارف ارضيه وهيرجع تاني لمكانه.
عامر
طب خد الشاي وبعدين ايه اللي أنت جايبه تحت دا كفته وحلويات يا ابني مش تلم فلوسك أنت عندك مصاريف يامه
حسن
دي حاجة بسيطة وبعدين عم عبد الرحمن وحشني قلت اجي العب منه دور شطرنج وبعدين ربك بيرزق
عامر
طب قولي ناوي على ايه في الشقة بتاعتك وهتعمل ايه في مصاريف الفرح ولا هتاجله شوية مع الحج موسى.
حسن بابتسامة
تعرف أنا نفسي يكون النهاردة قبل بكرا نفسي يجي اليوم اللي ادخل بيت فيه والقى نادرة مستنياني
حسن سكت فجأة يعد ما استوعب اللي قاله وهو بيبص لعامر اللي ابتسم بخبث
أنت قولت ايه قولت ايه سمعني
حسن بحرج
قولت ايه يعني متركزش
عامر بسعادة
مش هسيبك اللي ما تقولها أنت حبيت نادرة صح قول يا جدع متخفش أنا ستر وغطا عليك أنت حبيتها
حسن ابتسم بسخرية واتكلم بحدة وتحذير
عامر شد بلاستر مش عايز اسمع صوتك
عامر
هتخبي على شقيقك طب ازاي
حسن
أخرس.
عامر
بتحبها! بتحبها بتحبها. أبو على بيحب يا حارة
حسن ضحك من عفوية عامر
يا عم أنت فايق ورايق أنت شايفني يعني خالص جهزت كل حاجة. الجواز دي حد بصص لينا فيها اتنيل أنا أدامي شهرين تلاته واكون جهزت وهي اكيد الحج موسى مجهزها من زمان يعني التأخير هيبقى من عندي
عامر
متقلقش الحج موسى عارف الظروف واكيد هيبقى مقدر
حسن بضيق
مش عايز حد يعرف ظروفي يا عامر. مش عايزه يحس اني ممكن يجي يوم اللي اقصر فيه في بيتي اه بس لو عليا اعملها فرح تحكي عليه كل إسكندرية بس ربك عالم بالحال عهد عليا أدام ربنا مش هيجي اليوم اللي اخليها محتاجة حاجة حتى لو هشتغل مية شغلانة.
عامر
و الله يا حسن قلبك ابيض ومتقلقش نادرة بنت أصول وان شاء الله ربنا يكرمك وتخلص الشقة في معادك وبعدين أنا معايا قرشين كدا في البنك بكرة الصبح.
حسن بمقاطعة
عامر خلي فلوسك وبعدين أنا بس موضوع الحريق دا هو اللي غيرلي حساباتي بس خلاص العمال خلصوا شغل فيه وهفض لشقتي.
عامر
أن شاء الله خير وبرضو لو احتاجت أي حاجة أنا رقبتي سداده.
حسن
تسلم يا برنس ياله اشرب الشاي.
تاني يوم الصبح نادرة خرجت من البيت مع جليلة في طريقهم لسوق الجمعة علشان تشتري حاجات للجهاز. جليلة بخبث
نادرة تعالي ندخل المحل دا شكله فيه حاجات حلوة اوي.
نادرة بصيت لوجة المحل ورجعت بصت لجليلة اللي ضحكت على شكل نادرة وهي شايفة وشها أحمر
نادرة بضيق
طول عمرك دماغك شمال يا مرات ابويا لا يا حبيبتي مش هدخل اتفضلي انتي
جليلة بخبث
و ماله المحل يعني زي الفل
نادرة بخجل
انتي مش شايفة حطين في الوجهة اومال لما ندخل
جليلة
ما أنا معاكي يا بت وبعدين ايه يعني أنت عروسة يا حبيبتي تعالي بس تعالي.
نادرة
سيبي ايدي يا ولية انتي ما صدقتي وبعدين أنا مش عايزه قمصان أنا عندي بجامات كتير وحلوة اوي.
جليلة بسخرية وحدة
ادخلي وانتي ساكتة.
نادرة دخلت معها وهي متضايقة وبتكلم نفسها ابقى شوفي مين هلبس القرف دا وبعدين ايه قلة الأدب دي ازاي يحطوا الهدوم دي كدا في الوجهة.
جليلة
تعالي نتفرج هنا.
نادرة
مش عايزه ايه هو بالعافية يا ست انتي
جليلة
اه بالعافية وياله بقا بدل وربي هتصلي بابوكي أنت حرة.
نادرة
ربنا على الظالم.
بعد شوية جليلة كانت مشغولة وهي بتتفرج على الحاجة ونادرة قاعدة على الكرسي بتقلب في موبايلها بلامبالة جليلة موبايلها رن وكان الحج موسى خرجت علشان تكلمه لكن نادرة ماخدتش بالها. خرج صاحب المحل من مكتبه وهو بيبص للبنات والستات اللي موجودين واللي بيشتروا ابتسم وهو بيبص لنادرة بإعجاب راح ناحيتها
المعلم سلطان
نورتي المحل يا نادرة والله المحل نور. الحج موسى مختفي فين كدا بقالي كتير مشوفتوش
نادرة بجدية
المحل منور بصحابه يا معلم سلطان ابويا في المحل أنت عارف شغل الأجهزة الكهربائية.
المعلم سلطان بخبث
الله يعينه قوليلي انتي بتدوري على حاجة معينه في هنا تشكيلة حلوة اوي من قمصان النوم.
نادرة لنفسها ابقى البسهم ايه الراجل دا يارب. صبرني
لا يا معلم سلطان شكرا أنا مش عايزاه حاجة دي مرات ابويا بس كانت جاية تتفرج مش عارفة راحت فين.
سلطان بخبث
طب ما تيجي نضايفك في المكتب لحد ما ست جليلة تيجي بدل القاعدة هنا.
نادرة
معليش أنا مرتاحة هنا.
سلطان
ايه دا يا نادرة هو انتي بخيلة ولا ايه دا ابوكي مش يخيل حتى تعالي بس يا شيخة تعالي.
نادرة بصتله بيأس ودخلت معه المكتب.
نادرة بذكاء
ها يا معلم سلطان حاسة كدا أن في كلمتين محشورين في زورك عايز تقولهم أنجز قولهم وخلصني.
سلطان ابتسم بمكر وقعد على الكرسي
طب عمرك ناصحة وبنت بلد تفهميها وهي طايرة بس بصراحة كدا حظك وحش في الجواز بقا نادرة بنت الحج موسى صاحب أكبر محل أجهزة كهربائية تتجوز حتة ميكانيكي لا راح ولا جية
نادرة بحدة
اوزن كلامك يا معلم وبعدين الميكانيكي
دا جزمته برقبة ناس تانية متسواش وبعدين أنا راضي وابويا راضي مالك أنت ومالنا يا قاضي وبعدين اسال أي حد عن حسن الصياد في إسكندرية كلها
هيقولولك الرجولة والمجدعة فبلاش تحشر مناخيرك والا قسما برب العزة. جزمتي هتعلم قفاك بعد اذنك يا معلم سلطان.
سلطان لنفسه
حقك تدلعي يا مزة بيضالك في القفص يا حسن لا وبتدفع عنك بحړقة أوي.
نادرة خرجت من المكتب پغضب وراحت لجليلة نادرة بحدة
عايزاه أمشي
جليلة
مالك قلبتي بوزك شبرين ليه
نادرة
متضايقة من المكان.
جليلة
لا استنى حسن زمانه جاي.
نادرة
جاي فين
جليلة
جاي هنا ابوكي كلمني وقالي أن حسن كان عايز يشوفك وانه في سوق الجمعة فأنا قولتله اننا هنا.
نادرة
يلهوي يا مرات ابويا انتي بجد قوليله اننا هنا في المحل دا. خلينا نمشي فورا ياله. ي
فجأة سكتت وهي شايفة بيوقف الموتسكل أدام المحل.
نادرة بخجل
طب أنا اقول ايه دلوقتي ادعي عليك يا مرات ابويا هنطلع من هنا ازاي دلوقتي دا واقف أدام المحل.
جليلة
تعالي بس تعالي.
نادرة
ربنا ياخدني يارب خدني.
نادرة خرجت من المحل مع جليلة وهي متضايقة ومكسوفة من الموقف اللي جليلة حطيتها فيه حسن كان واقف أدام المحل وهو قاعد
